1Akor 3:10 - ÎVUKU RÎA ÛVORO MWARO

¹⁰ Na ngîtûmagîra kîveo kîrîa naveerwe nî Ngai, nie nînatumire mûcingi wa nyomba îo nîrî ta mûtumi ûrî na wara mwîngî. Nake mûndû wîngî nîaratuma îgûrû rîaguo. Nwatî wa mûndû nwanginya amenyerere ûrîa atumaga îgûrû rîaguo.

1Akor 3:10 ပူးပေါင်းရင်းမြစ်များ

2Maû 2:12

Ngai-Mûnene, Ngai wa Isiraeli ûrîa waûmbire îgûrû na nthî arokumua! Nîwavere mûthamaki Daudi mwanake mûûgî wî na ûmenyo mwîngî na wara, ûrîa ûgaatuma hekarû ya Ngai-Mûnene na etumîre nyomba ya ûthamaki.

Ntha 36:4

Nao andû arîa maarî wara na maatumaga îgema nîmaathiîre kûrî

Nthi 12:8

Mûndû mûûgî nîakumagua nî andû arîa engî, nwatî mûndû kîrimû nîkwa anyararagwa.

Nthi 9:1

Ûûgî nîatumîte nyomba yake, ke nîetûmîrîte itugî mûgwanja.

Mûvunjia 12:9

Mûvunjia aarî mûndû mûûgî, kwoguo nîwathomithagia andû maûndû marîa aaicî. Nîwethomithirie nthimo na agîituîria waro nîguo amenye ûma wacio.

Danieli 12:3

Andû arîa aûgî magaakenga ta ûtheri wa îgûrû, nao arîa mekaga ciîko cia ûthingu nî magaakenga ta njata tene na tene.

Zakaria 4:9

“Zerubabeli nîke ûtumîte mûcingi wa nyomba îno, na nîke ûkaamîrîkia. Namue nîmûkaamenya atî Ngai-Mûnene mwene vinya wonthe nîke ûndûmîte kûrî mue.

Mathaayo 24:45

“Ndungata îrîa îîvokekete na mbûgî nî îrîkû? Nî îrîa îragwa nî Mwathi wayo îmenyagîrîre ndungata irîa ciîngî na îivecage irio mathaa marîa magîrîru.

Mathaayo 7:24

“Kwoguo mûndû wa wonthe ûrîa wîgucaga ciugo ino ciakwa na agaciathîkîra ekariî ta mûndû mûûgî ûrîa watumire nyomba yake rûciararî.

Luka 11:35

Kwoguo îîmenyerere nîguo ûtheri ûrîa ûrî ndarî yaku ndûgatuîke nduma.

Luka 21:8

Jesû nîwamerire atîrî, “Îîmenyagîrîreni mûtikavîtithue. Nîûndû andû eengî nîmagaaûka makîvûthagîra rîîtwa rîakwa na makiugaga atîrî, ‘Nie nînie Kristû!’ na ‘Îvinda nîrîkinyu!’ Nwatî mue mûtikamarûmîrîre.

Ciîko 18:27

Na vîndî îo Apolo nîwatwire atî ke nîakûthiî Akaia. Kwoguo etîkia arîa maarî kûu Efeso nîmaamûmîrîrie na makîandîka maarûa kûrî etîkia arîa maarî Akaia makîmathaitha mamûnyite ûgeni. Na rîrîa Apolo aakinyire kuo, nîwatethirie arîa maatuîkîte etîkia mûno nîûndû wa wega wa Ngai.

Aroma 1:5

Na njîra ya Jesû Kristû Ngai nîwatûmire ngîe na wega wake na agîtûma nduîke mûtûmwa nîguo andû a ndûrîrî cionthe metîkie na mathîke. Ndutaga wîra ûyû nîûndû wa Kristû.

Aroma 12:3

Nîûndû wa wega ûrîa naveerwe nî Ngai, muonthe nîramwîra atîrî: Mûtigetue anene gûkîra ûrîa mwagîrîrwe nî kwîthîrwa mûrî. Vandû va ûguo îthagîrwani mûrî na meciria matarî ma mwîtîîo, kûringana na wîtîkio ûrîa Ngai avete wa mûndû wa mûndû.

Aroma 15:15

Nwatî kûndû kûmwe maarûarî îno nie nîmandîkîte nîrî na ûmîrîru mwîngî mûno, nîûndû kûrî na maûndû nîrenda kûmûririkania. Mandîkîte nîrî na ûmîrîru nîûndû wa wega ûrîa Ngai amvete wa

Aroma 15:20

Vîndî cionthe mbîthîrîtwe ngîrirîria kûvunjia Ûvoro Mwaro kûrî andû arîa mataanegua ûvoro wîgiî Kristû, nîguo ndigatuîke ta mûndû ûtumaga îgûrû rîa mûcingi ûrîa wînjîtwe nî mûndû wîngî.

1Akor 3:11

Gûtirî mûcingi wîngî mûndû angîvota gûtuma tiga ûrîa ûtumîtwe nî Ngai na nîguo Jesû Kristû.

1Akor 9:2

Wana ethîrwa arîa engî matiîtîkagia atî nie nîrî mûtûmwa, mue na ma nîmwîtîkagia. Kîrîa kîonanagia atî nie nîrî mûtûmwa nî atî mue nîmûtûûraga mûrî ûûrûmwe na Mwathani.

2Akor 10:15

Kwoguo tûtikwîgatha nîûndû wa wîra ûrîa andû engî marutîte makîria ya ûrîa Ngai atûvete. Vandû va ûguo, tûkwîvoka atî wîtîkio wenyu nîûkwongerereka na nîtûkaavota kûruta wîra mûnene makîria gatagatîrî kenyu ûrîa Ngai atûvete.

Aefeso 2:20

Wa namue mwîkariî ta nyomba îrîa yatumirwe îgûrû rîa atûmwa na arathi marî ta o mûcingi. Nake Kristû ke mwene nîke îthiga rîrîa rîa vata mûno rîa nyomba îo.

Akol 1:29

Na nîguo maûndû mama monthe mekîke, nîndutaga wîra mûmû na ngathînîka ngîvûthagîra ûvoti mûnene ûrîa Kristû avecanaga na wonekanaga na njîra ya maûndû marîa mbîkaga.

Akol 4:17

Îrani Arikipo atîrî, “Geria wa ûrîa ûngîvota nîguo ûrîkie wîra ûrîa waveerwe ûtungatarî wa Mwathani.”

1Ath 3:2

na tûtûme kûrî mue mûrû wa îthe wetû Timotheo ndungata ya Ngai îrîa tûrutithanagia wîra ûyû wa kûvunjia ûvoro mwaro wîgiî Kristû nayo. Twamûtûmire nîguo amwîkîre vinya na amûûmîrîrie wîtîkiorî wenyu,

1Tim 4:16

Îîmenyagîrîre we mwene na ûmenyagîrîre maûndû marîa ûthomithanagia. Thiî na mbere gwîka maûndû mama nîûndû weka ûguo, nîûkwîvonokia we mwene na ûvonokie andû arîa makûthikagîrîria.

2Tim 2:15

Geria mûno wa ûrîa ûngîvota gûtuîka mwîvokeku rîrîa ûkûruta wîra wa Ngai. Tuîka mûruti wîra ûrîa ûtaconokaga nî ûndû wa wîra ûrîa arutaga na mûndû ûthomithagia waro ûvoro wa ma wa Ngai.

Jakuvu 3:1

Ariû na aarî a îthe, tî eengî gatagatîrî kenyu magîrîrwe nîgûtuîka arimû, nîûndû nîmwîcî atî arîa tûthomithagia nîtûgaatuîrwa na vinya makîria ya arîa engî.

1Pet 4:11

Mûndû ûrîa ûvunjagia nwanginya avunjagie ndûmîrîri ya Ngai, na ûrîa ûtungataga nwanginya atungatage na vinya îrîa aveetwe nî Ngai, nîguo Ngai akumague na njîra ya Jesû Kristû maûndûrî monthe marîa mûgeekaga nîûndû riiri wonthe na vinya nî ciake tene na tene. Ameni.

2Pet 3:15

Tucagani gûkirîrîria kwa Mwathani wetû ta kamweke aramûva nîguo mûvonoke. Mûrû wa îthe wetû mwende Paûlo nîwamwîrire wa guo vîndî îrîa aamwandîkîre maarûa kûringana na ûûgî ûrîa Ngai aamûveete.

Kûguû 21:14

Rûthingo rwa îtûûra rîu înene rîa Jerusalemu rwatumîtwe îgûrû rîa mathiga îkûmi na maîrî ma mûcingi. Namo marîîtwa ma atûmwa îkûmi na aîrî a Gatûrûme nîmandîkîtwe mathigarî mau, wa rîîtwa îthigarî rîarîo.

Kûguû 21:19

Mathiga marîa maathondekete mûcingi wa rûthingo maagemetue na mathiga ma goro. Îthiga rîa mûcingi rîa mbere rîarî rîa rangi îkûmi na igîrî, rangi njerû, vururu, ngirini, marangi ma mîthemba mîîngî, ndune, mûtukanio wa marangi mîthemba mîîngî îkûvenavenia, ta wa thaaavu, vururu na ngirini, erûû, ngirini îtarî ngwatu waro, rangi ndune na erûû, na wa mûthiia wa njambarawe.