1Akor 2:15 - ÎVUKU RÎA ÛVORO MWARO

¹⁵ Mûndû wa wonthe ûrî na Roho nîavotaga gûtuîria maûndû monthe, nwatî gûtirî mûndû ûngîvotaga kûmûtuîria.

1Akor 2:15 ပူးပေါင်းရင်းမြစ်များ

2Sam 14:17

Nîreîraga atî ûrîa mwathi wakwa ûkambîra nîguo ûgatûma mvorere, nîûndû mûthamaki ekariî ta mûraika wa Ngai na nwa avote gûkûûrana gatagatî ka ûndû mwaro na ûndû mûcûku. Ngai-Mûnene, Ngai waku aroekara nawe!”

Thaburi 25:14

Ngai-Mûnene nî mûrata wa arîa mamwathîkagîra, na nîamaririkanagia kîrîkanîro.

Nthi 28:5

Andû arîa eki naaî matitaûkagîrwa nî kîvooto, nwatî arîa magoocaga Ngai-Mûnene nîmataûkagîrwa viû.

Mûvunjia 8:5

Mûndû ûrîa ûvingagia ûrîa mûthamaki athanîte ndangîona ûndû mûcûku, na mûndû mûûgî nîamenyaga kavinda karîa kagîrîru ga gwîka guo.

Johana 7:17

Mûndû wa wonthe wendaga kûvingia wendi wa Ngai nîamenyaga kana maûndû marîa nthomithanagia maumîte kûrî Ngai, kana mbaaragia na wathani wakwa.

Ciîko 16:3

Paûlo nîwendaga mathiîcanie na Timotheo na kwoguo nîwamûrwithirie. Ke eekire ûguo nîûndû Ayahudi onthe arîa maatûûraga kûu nîmaaicî atî îthe wa Timotheo aarî Mûngiriki.

1Akor 14:37

Mûndû wa wonthe wîciragia atî ke nî mûrathi, kana atî ke arî na kîveo gîa kîîroho, nîwagîrîrwe nî kûmenya atî nie nîramwandîkîra maûndû marîa mbathîtwe nî Mwathani.

1Akor 3:1

Ariû na aarî a îthe wetû, nie ndingîavotire kûmwarîria ta ûrîa mbaragîria andû arîa marî na Roho. Vandû va ûguo namwarîrie ta mûrî andû a nthî wata ûrîa nîngîarîria andû arîa methagîrwa mekariî ta tûkenge wîtîkiorî wa Kristû.

1Akor 4:5

Kwoguo mue mûtiagîrîrwe nî gûtuîra mûndû wana ûmwe kavinda karîa kagîrîru ga gûka kwa Mwathani gatarî gakinyu. Mwathani nîakaarete ûtherirî maûndû monthe marîa mathithîtwe ndumarî na aguûrie maûndû marîa mathithîtwe ngororî. Kwoguo wa mûndû nîakaamûkîra îgai rîrîa rîmwagîrîrîte kuuma kûrî Ngai.

Agal 6:1

Ariû na aarî a îthe wetû, mûndû ûmwe wa gîkundi kîenyu angîka ûndû mûcûku, mue arîa matongoragua nî Roho nîmwagîrîrwe nîkûmûrûnga na njîra ya thayû. Îîmenyagîrîreni mue ene nîguo mûtikagwe mageriorî.

Afil 1:10

nîguo mûvotage kûthuura ûndû ûrîa mwaro. Namue mûkeethîrwa mûrî atheru na mûtarî na ûcuke mûthenya wa gûcoka gwa Kristû.

Akol 1:9

Kîu nîkîo gîtûmaga tûmûvoere vîndî cionthe kuuma rîrîa twambîrîrie kwîgua ûvoro ûmwîgiî. Tûragia Ngai amûvotithagie kûmenya wendi wake na kûgîa na ûûgî mwîngî na ûtaûku ûrîa Roho wake avecanaga.

1Ath 5:21

Tuîragiani maûndû monthe; menyagîrîrani maûndû marîa maro,

Ahib 5:14

Nwatî irio ino nyûmû nî cia andû agima, arîa marutîtwe na njîra ya ciîko gûkûûrana maûndû maro na maûndû macûku.

1Joh 2:20

Nwatî mue mûrî etîrîrie Roho Mûtheru nî Kristû, kwoguo mue muonthe nîmûmenyete ûma.

1Joh 4:1

Arata akwa, mûtigetîkagie andû onthe arîa maugaga atî marî na Roho. Nwatî ambagani mûkamaroria waro nîguo mûmenye kana roho ûrîa marî naguo umîte kûrî Ngai nîûndû kûrî na arathi eengî a maveeni meyumîrîtie gûkû nthî.