1Akor 2:14 - ÎVUKU RÎA ÛVORO MWARO

¹⁴ Mûndû wa wonthe ûtarî na Roho ndangîvota kwamûkîra iveo irîa ciumaga kûrî Roho wa Ngai. Andû ta acio meciragia ûcio nî ûrimû nîûndû vata waguo ûngîtuîrua tu na njîra ya Kîîroho.

1Akor 2:14 ပူးပေါင်းရင်းမြစ်များ

Nthi 14:6

Andû arîa etîi macaragia ûûgî na matiwonaga, nwatî andû arîa aûgî mataûkagîrwa nî maûndû na îvenya.

Mathaayo 16:23

Jesû nîwavûgûkire akîroria Petero na akîmwîra atîrî, “Uma vakuvî na nie, Caitani! We wî mûvînga kûrî nie, nîûndû meciria maku matiumîte kûrî Ngai maumîte kûrî andû.”

Johana 10:20

Eengî gatagatîrî kao nîmaambîrîrie kuga atîrî, “Ke arî na ndaimono, na arî na ngoma! Mûramûthikîrîria nîkî?”

Johana 12:37

Wana ethîrwa Jesû aarî mûringu ciama ino cionthe andû makîonaga, o matiamwîtîkia.

Johana 14:17

Ke nîke Roho ûrîa wonagia andû ûvoro wa ma. Andû a gûkû nthî matingîmwamûkîra, nîûndû matimwonaga wana kana mamûmenye. Nwatî mue nîmûmwîcî nîûndû atûûranagia namue na arî ndaarî yenyu.

Johana 14:26

Nwatî Mûtethia, na nîke Roho Mûtheru, ûrîa Vava agaatûma na rîîtwa rîakwa, nîakaamûthomithia maûndû monthe na amûvotithie kûririkana ûrîa wonthe namwîra.

Johana 15:26

“Nie nîngaamûtûmîra Mûtethia kuuma kûrî Vava. Ke nîke Roho wa ma ûrîa uumaga kûrî Vava na nîke ûkaaruta ûira wakwa.

Johana 5:44

Mue mûcaragia ngumo kuuma kûrî andû arîa engî, nwatî mûtigeragia kûgîa na ngumo kuuma kûrî ûrîa arîke Ngai.

Johana 8:43

Mûrarega gûtaûkîrwa nî ûrîa nîrauga nîkî? Mûrarega gûtaûkîrwa nîûndû mûtirenda kûthikîrîria ndûmîrîri yakwa.

Ciîko 16:14

Nake ûmwe wa arîa maatûthikîrîrie aarî mûndûmûka wetagwa Lîdia, warî wa kuuma îtûûrarî rîa Thîatira na warî mwendia wa nguo ciarî na rangi ya njambarawe. Ke aarî mûgooci Ngai, na Mwathani nîwavingûrire ngoro yake agîtûma îgue îkîenda kûthikîrîria maûndû marîa Paûlo aaragia.

Ciîko 17:18

Nao arimû amwe arîa meendete mûno ûûgî wa Epikurio na Sitoiki wa nao nîmaakararanirie nake. Amwe gatagatîrî kao nîmaaûririe atîrî, “Mûvûmbûtîki ûyû arageria kuga atîa?” Nao engî gatagatîrî kao nîmaaugire atîrî, “Ke aronekana takwa arî mûvunjia wa ngai ng'eni.” O maaugire ûguo nîûndû Paûlo nîwavunjagia ûvoro wîgiî Jesû na wîgiî kûriûka.

Ciîko 17:32

Na rîrîa andû meegwire Paûlo akîaria ûvoro wîgiî kûriûka, amwe gatagatîrî kao nîmaamûnyûrûririe, nwatî arîa engî makîmwîra atîrî, “Tue nîtûrenda gûkeegua ûkîaria ûvoro wîgiî ûndû ûcio rîngî.”

Ciîko 18:15

Nwatî maûndû marîa maratûma mûkararanie megiî ciugo, marîîtwa na watho wenyu. Kwoguo mue ene nîmwagîrîrwe nî kûmenya ûrîa mûgwîka. Nie nînarega kûthondeka îtua îgûrû rîa maûndû ta mama!”

Ciîko 25:19

Nwatî nîkwarî na maûndû mamwe maatûmaga makararanie nake. Nîmaakararanagia nake îgûrû rîa ûvoro wîgiî ndini yao na wîgiî mûndû ûmwe wîtagwa Jesû ûrîa wakuîte. Nwatî Paûlo nîwaugaga aûmîrîrîtie atî mûndû ûcio arî mwoyo.

1Akor 1:18

Nîûndû Ndûmîrîri îrîa îgiî gûkua gwa Kristû mûtharavarî nî ûrimû kûrî arîa maraûra, nwatî kûrî tue arîa tûravonokua ndûmîrîri îo nîyo vinya wa Ngai.

1Akor 1:21

Kûringana na ûûgî wake, Ngai nîwatûmire andû matikaamûmenye na njîra ya ûûgî wao. Vandû va ûguo, na njîra ya ndûmîrîri îo îtucagwa ya “ûrimû” îrîa tue tûvunjagia, Ngai nîwatuire atî nîakaavonokia arîa mamwîtîkîtie.

1Akor 1:23

Nwatî tue tûvunjagia ûvoro wîgiî Kristû ûrîa mwambe. Ayahudi monaga ûvoro ûcio ûrî mûvînga, nao andû a Ndûrîrî makawona ûrî ûrimû.

1Akor 1:25

Nîûndû ûndû ûrîa wonekaga takwa ûrî ûrimû wa Ngai, wîthagîrwa ûrî na ûûgî mwîngî gûkîra ûûgî wa mûndû. Naguo ûndû ûrîa ûtûmaga Ngai onekane takwa atarî na vinya, ûndû ûcio wîthagîrwa ûrî na vinya îkîrîte vinya ya mûndû.

1Akor 15:44

Mwîrî ûrîa wonekaga nîguo ûthikagwa, nwatî mwîrî ûcio wariûkua wîthagîrwa ûrî wa kîîroho. Ethîrwa nîkûrî mwîrî ûrîa wonekaga, nîkûrî wana mwîrî wa kîîroho.

1Akor 15:46

Mwîrî wa kîîroho tîguo ûkaga mbere, nwatî nî ûrîa wonekaga. Mwîrî ûcio wonekaga nîûcokaga ûkarûmîrîrwa nî wa kîîroho.

1Akor 2:12

Tue tûtiamûkîra roho wa gûkû nthî, nwatî twamûkîre Roho ûrîa umîte kûrî Ngai nîguo tûvotage kûmenya iveo cionthe irîa Ngai atûvete.

1Akor 3:1

Ariû na aarî a îthe wetû, nie ndingîavotire kûmwarîria ta ûrîa mbaragîria andû arîa marî na Roho. Vandû va ûguo namwarîrie ta mûrî andû a nthî wata ûrîa nîngîarîria andû arîa methagîrwa mekariî ta tûkenge wîtîkiorî wa Kristû.

Jakuvu 3:15

Ûûgî ta ûyû tî ta ûrîa ûnyûrûrûkaga kuuma îgûrû, nwatî nî wa gûkû nthî na ndumanîte na Roho wa Ngai, umanîtie na ndaimono.

1Joh 2:20

Nwatî mue mûrî etîrîrie Roho Mûtheru nî Kristû, kwoguo mue muonthe nîmûmenyete ûma.

1Joh 2:27

Nwatî mue nîmûvetwe Roho mûtheru nî Kristû. Kîveo kîu nîkîo mûtûûraga nakîo, kwoguo gûtirî na vata wa kûthomithua nî mûndû, nîûndû Roho wake amûthomithagia maûndû monthe na maûndû marîa athomithagia nî ma ma, na tî ma maveeni. Thiîni na mbere kwathîkîra ûrîa Roho aramûthomithia na mwîkarage mûrî ûrûmwe na Kristû.

1Joh 5:20

Tue nîtwîcî atî Mûriû wa Ngai nî mûku na atî nîatûmîte tûtaûkîrwe, nîguo tûmenye Ngai Ûrîa wa ma. Ûtûûro wetû ûrî kûrî Ngai ûrîa wa ma na kûrî Mûriû Jesû Kristû. Ûyû nîke Ngai ûrîa wa ma na nwake mwoyo wa tene na tene.

Juda 1:19

Andû acio nîo matûmaga andû magaûkane. Matongoragua nî merirîria mao ma kîîmwîrî, na matiîthagîrwa na Roho.