1Akor 2:10 - ÎVUKU RÎA ÛVORO MWARO

¹⁰ Nwatî Ngai nîatûguûrîrîtie nthitho yake na njîra ya Roho wake. Roho atuîragia maûndû monthe wana nginyagia nthitho irîa ndikîru mûno cia Ngai.

1Akor 2:10 ပူးပေါင်းရင်းမြစ်များ

Ayubu 12:22

Nîaguûragia maûndû marîa marî ndumarî, na marîa marî ndumarî akamareta ûtherirî.

Isaia 48:16

“Nguvîvîriani mwîgue ûrîa nguga, kuuma tene ndianarîria nthithorî, kuuma rîrîa maûndû mau maambîrîîrie gwîkîka Nie naarî wa kuo.” Na rîu Ngai-Mûnene mwene vinya wonthe, nîandûmîte na akamva vinya wa Roho wake.

Isaia 59:21

Njoke nthondeke kîrîkanîro namue atî: vinya wakwa ûrîa nîmûvete na mataaro makwa marîa namûveere, nîmûtûûra nacio, na itûûre na ciana cienyu wana ciana cia ciana cienyu, kuuma rîu nginya tene na tene.”

Danieli 2:22

Ke nîaguûragia maûndû marîa mathithe; nîaicî maûndû marîa marî ndumarî, na ke mwene nî ûtheri.

Amosi 3:7

Nama gûtirî ûndû Ngai-Mûnene Mwene Vinya wonthe ekaga, ataûguûrîrîtie arathi ndungata ciake.

Mathaayo 13:11

Nake Jesû nîwamacokerie atîrî, “Mue nîmûvetwe ûmenyo wa nthitho cia ûthamaki wa îgûrû nwatî acio engî tî ave.

Mathaayo 16:17

“Kûrathimwa nîwe Simioni mûrû wa Jona. Tî mûndû ûkûmenyithîtie ûûma ûyû, nwatî nî Vava ûrîa ûrî îgûrû.

Luka 10:21

Vîndî îo Jesû nîwakenire ecûrîtwe nî Roho Mûtheru na akiuga atîrî, “Vava wa îgûrû na nthî, nînagûcokeria ngatho nîûndû we nîwonetie andû arîa enyivia maûndû marîa ûthithîte andû arîa aûgî na imenyi. Îni nîguo Vava, ûguo nîguo we wendaga gwîkîke.”

Luka 2:26

Roho ûcio nîwamûmenyithîtie atî ke ndagaakua atonete Mesaya ûrîa weranîrîtwe nî Mwathani.

Johana 14:26

Nwatî Mûtethia, na nîke Roho Mûtheru, ûrîa Vava agaatûma na rîîtwa rîakwa, nîakaamûthomithia maûndû monthe na amûvotithie kûririkana ûrîa wonthe namwîra.

Johana 16:13

Rîrîa Roho ûrîa wonanagia ûvoro wa ma wa Ngai agaaûka, nîakaamûtongoria maûndûrî monthe ma ma. Ke ndakaaria maûndû na wathani, nwatî akaaria marîa egucaga na amwîre ûvoro wîgiî maûndû marîa magaaûka.

1Akor 14:30

Nwatî ethîrwa mûndû wîngî wîkarîte nthî vakuvî nîwagîa na ûguûrio, mwaria wa mbere agîrîrwe nî gûkira.

1Akor 2:11

Nû ûngîvota kûmenya meciria marîa mûndû wîngî arî namo? Roho ûrîa ûrî ndaarî ya mûndû nîke ûmenyaga meciria ma mûndû ûcio. Na njîra wata îo gûtirî mûndû wanamenya meciria ma Ngai tiga Roho wa Ngai.

Agal 1:12

Ûvoro ûcio ndiawamûkîra kuuma kûrî mûndû kana ngîthomithua nî mûndû. Jesû Kristû ke mwene nîke wanguûrîrie ûvoro ûcio.

Aefeso 3:3

Ngai nîwanguûrîrie nthitho ya mûvango wake na akîmenyithia yo. (Nie nîndîkîtie kwandîka ûvoro ûyû na njîra nguvî,

Aefeso 3:5

Andû arîa maatûûraga kuo mavinda marîa mavîtûku, matierwa nthitho îno. Nwatî rîu na njîra ya Roho, Ngai nîwonanîtie nthitho îo kûrî atûmwa ake atheru na arathi.

1Tim 4:1

Roho Mûtheru nîaugaga waro atî mîthenya ya kûrigîrîria andû nîmakaarega gwîtîkia; nîmakaathîkîra maroho ma maveeni na marûmîrîre maûndû marîa mathomithanagua nî ndaimono.

1Pet 1:12

Ngai nîwaguûrîrie arathi aya atî maûndû marîa maarathaga matiarî ma kûmaguna o ene, nwatî maarî ma kûmûguna mue. Maatuirwe ndungata cia kwanîrîra maûndû marîa rîu mûrîkîtie kwîgua kûvîtûkîra kûrî anjaama arîa maamûvunjîrie Ûvoro Mwaro. Meekire ûguo matethereretue nî Roho Mûtheru ûrîa watûmîtwe kuuma îgûrû. Maûndû mama nîmo nginya araika mendaga kûmenya.

1Joh 2:20

Nwatî mue mûrî etîrîrie Roho Mûtheru nî Kristû, kwoguo mue muonthe nîmûmenyete ûma.

1Joh 2:27

Nwatî mue nîmûvetwe Roho mûtheru nî Kristû. Kîveo kîu nîkîo mûtûûraga nakîo, kwoguo gûtirî na vata wa kûthomithua nî mûndû, nîûndû Roho wake amûthomithagia maûndû monthe na maûndû marîa athomithagia nî ma ma, na tî ma maveeni. Thiîni na mbere kwathîkîra ûrîa Roho aramûthomithia na mwîkarage mûrî ûrûmwe na Kristû.

Kûguû 1:1

Îvuku rîîrî nî mûtaratara wa maûndû marîa Jesû Kristû aaguûririe. Ngai aamûveere kûguûrîrua gûkû, nîguo onie ndungata yake maûndû marîa maarî nwa nginya mekîke narua. Nake Kristû nîwatûmire mûraika wake akamenyithie ndungata yake Johana,

Kûguû 2:24

“Nwatî acio engî gatagatîrî kenyu arîa marî kûu Thîatira matiîthîrîtwe makîrûmîrîra kîthomo kîu Kîam maveeni na matimenyete maûndû marîa andû amwe metaga ‘nthitho irîa ndikîru cia Caitani.’ Nie nîramwîra atî ndikûmwigîrîra mûrigo wîngî.