1Akor 2:1 - ÎVUKU RÎA ÛVORO MWARO

¹ Ariû na aarî a îthe wetû, rîrîa naûkire kûrî mue kûmûvunjîria ndûmîrîri îgiî nthitho ya Ngai ndiatûmîra ciugo ndito kana ûûgî mûnene.

1Akor 2:1 ပူးပေါင်းရင်းမြစ်များ

Ntha 4:10

Nwatî Musa nîwaugire atîrî, “Ngai-Mûnene, we Mwathani wakwa, ndûkandûme nie. Ndicî kwaria waro kuuma tene, wana kuuma vîndî îrîa wambîrîrie kûmbarîria na nînyenyaga.”

Isaia 8:20

Mûgaacokeria andû acio atîrî, “Thikîrîriani ûrîa Ngai-Mûnene aramûthomithia! Mûtikathikîrîrie ago, nîûndû matiaragia ûma.”

Ciîko 20:21

Nie nînarutire ûira kûrî Ayahudi na andû a Ndûrîrî ngîmeera merire mevia mao, macokerere Ngai na metîkie Mwathani wetû Jesû Kristû.

Ciîko 22:18

na ngîona Mwathani. Nake nîwambîrire atîrî, ‘We îîvîke ume Jerusalemu narua, nîûndû andû arîa marî gûkû tîmetîkîra we ûmarutîre ûira ûrîa ûmbîgiî.’

Aroma 16:18

Nîûndû andû arîa mekaga maûndû ta mau matungatagîra mavu mao, nwatî tî Mwathani wetû Jesû Kristû. Na njîra ya ciugo ciao mbaro na mîario yao îrî na mûrîo, andû acio nîmaveenagîrîria andû arîa marî ngoro mvûthû.

Aroma 16:25

Nîtûkumieni Ngai! Ke arî na ûvoti wa gûtûma mwîkare mûkindîrîtie wîtîkiorî wenyu kûringana na Ûvoro mwaro wîgiî Jesû Kristû ûrîa mvunjagia, na kûringana na kûguûrîrua nthitho ya ûvoro wama ûrîa wethîrîtwe ûrî mûthithe gwa kavinda karaca mûno.

1Akor 1:17

Kristû ndaandûma nîguo mvatithanie. Nwatî aandûmire nîguo ngavunjie Ûvoro Mwaro. Aandûmire ngavunjie ûvoro ûcio ndagûtûmîra ûûgî ûrîa umanîte na ûûmûndû. Nekire ûguo nîguo gûkua gwa Kristû mûtharavarî gûtigaatuîke kwa mana.

1Akor 1:6

Wana nginya ndûmîrîri îgiî Kristû nîgîte na mîri gatagatîrî kenyu.

1Akor 2:13

Kwoguo tûtiaragia ûvoro wîgiî maûndû mama tûgîtûmagîra ciugo irîa twathomithirue na njîra ya ûûgî wa ûmûndû, nwatî twaragia tûgîtûmagîra ciugo irîa twathomithirue nî Roho. Kwoguo andû arîa marî na roho nîtûmataaragîria ûvoro wa ma wa kîîroho.

1Akor 2:4

Ngîthomithia na ngîvunjia ndiatûmîra ciugo irî na ûûgî wa kîûmûndû irîa igucagîrîria andû, nwatî natûmîre ciugo cionanagia vinya ûrîa ûvecanagwa nî Roho wa Ngai.

1Akor 2:7

Mbaragia ûvoro wîgiî ûûgî wa Ngai ûrîa ûtwîre ûthithîtwe. Na wana mbere ya nthî yûmbwa, Ngai nîwaûthuurîte nîguo tûgîe na riiri.

2Akor 10:10

Nîûndû amwe maugaga atî, “Maarûa cia Paûlo nî ndito na irî na vinya, nwatî rîrîa arî vamwe natue kîîmwîrî, ndarî vinya na ciugo ciake nî cia mana!”

2Akor 11:6

Wana ethîrwa ndiîcî kwaria mbere ya andû nie nîrî na ûmenyo. Na njîra cionthe nîtwonanîtie ûndû ûyû waro kûrî mue maûndûrî monthe.

2Ath 1:10

Ûguo gûgekîka mûthenya ûrîa Mwathani agaûka kwamûkîra riiri kuuma kûrî etîkia onthe. Mue mûkethîrwa mûrî gatagatîrî kao, nîûndû nîmwîtîkîtie ndûmîrîri îrîa twamwîrire.

1Tim 1:11

Maûndû mama mathomithanîtue marî Ûvororî Mwaro ûrîa naveerwe mvunjie. Ûvoro ûcio umaga kûrî Ngai ûrîa ûrî riiri na mûrathime.

2Tim 1:8

Ndûgaconoke rîrîa ûkumbûra Mwathani wetû, kana wîgue ûgîconoka nîûndû wakwa nie njovetwe nîûndû wa Kristû. Vandû va ûguo, nîwagîrîrwe nî kûgwatanîra nanie mînyamaarorî nîûndû wa ûvoro mwaro, nîûndû Ngai nîke ûtûvecaga vinya.

1Joh 4:14

Tue nîtwonete na nîtumbûraga atî Îthe nîwatûmire Mûriû wake atuîke Mûvonokia wa nthî.

Kûguû 1:2

na Johana nîwîranîte ûrîa wonthe onete. Rûrû nîruo rûgano rwake rwîgiî ndûmîrîri kuuma kûrî Ngai, na ûma ûrîa waguûrirue nî Jesû Kristû.

Kûguû 1:9

Nie nînie Johana mûrû wa îthe wenyu. Nî mbîtîkîtie Jesû na nîrî ûmwe wenyu. Nîtûgwatanagîra namue ngirîrîtie ngîûmagîrîria kûthînua kûrîa gûkaga kûrî arîa marî a Ûthamaki wake. Nie naigirwe gîcîgîrîrarî gîtagwa Patimo nîûndû nînaanîrîre Ûvoro wa Ngai na Ûma ûrîa Jesû aaguûririe.

Kûguû 19:10

Nînegwîthirie nthî mbere yake nîmûgooce, nwatî ke nîwambîrire atîrî, “Tiga gwîka ûguo! Nie ndungatagîra Ngai wa tawe na etîkia arîa engî onthe evokeku. Acio nî arîa marûmagîrîra ûira wa Jesû. Goocani Ngai arî ke!” Nîûndû ûira ûrîa ûguûragwa nî Jesû nîguo ûtûmaga arathi manîrîre ndûmîrîri ya ûkristiano.