1Akor 16:6 - ÎVUKU RÎA ÛVORO MWARO

⁶ Nwa kûvoteke ngeekarania namue gwa kavinda, wana kana mbîkaranie namue îvinda rîonthe rîa mvevo. Namue nîmûkaandethereria nîguo ngaavota kûthiî na mbere na rûgendo rwakwa rwa kûrîa kuonthe ngaathiî.

1Akor 16:6 ပူးပေါင်းရင်းမြစ်များ

Ciîko 15:3

Kwoguo kanitha nîyamaugîre ûvoro, nao makîvîtûkîrîra mavûrûrirî ma Foenike na Samaria makîvecaga andû ûvoro wîgiî ûrîa andû a ndûrîrî maagarûrûkîte. Naguo ûvoro ûcio nîwatûmire etîkia onthe makene mûno.

Ciîko 17:15

Na andû arîa maaumagaririe Paûlo nîmaamûkinyirie Athene. Mbere ya andû acio macoke Berea nîmaathirwe nî Paûlo makeere Sailasi na Timotheo mathiî kûrî ke narua wata ûrîa mangîvota.

Ciîko 20:38

Nîmegwire kîeva mûno nîûndû nîwamerîte atî tî macoka kûmwona rîngî. Nao nîmaamumagaririe makîmûkinyia merirî.

Ciîko 21:5

Na rîrîa kavinda getû ga gwîkarania nao kaathirire, nîtwaumire kuo tûkîthiî na mbere na rûgendo rwetû. Nao arutwa onthe vamwe na aka ao na ciana, nîmaatumagaririe magîtûkinyia nja ya îtûûra rîu. Tuonthe nîtwaturirie maru vau rûtererî rwa îria na tûkîvoya.

Ciîko 27:12

Na nîûndû kîrûngamo kîu Kîam meri gîtiarî Kîamro mûno gîa gwîkarwa vîndî ya mbevo, andû eengî nî meendire tuume kûu, nîguo kûngîvoteka tûkinye Foenike na twîkare kuo îvinda rîa mvevo. Foenike rîarî îtûûra rîarî gîcîgîrîrarî gîa Kirete na rîarî na kîrûngamo Kîam meri Kîamroretie mwena wa gatagatî ka îveti na îthûîro, na mwena wa gatagatî ka rûgûrû na îthûîro.

Ciîko 28:11

Vuva wa mîeri îthatû nîtwaumire kûu Morita tûkîthiî tûrî merirî ya kuuma Alekisandiria. Meri îo yetagwa “Ngai cia Mathatha”, îrîa yekarîte kûu gîcîgîrîrarî Kîam Morita vîndî ya mvevo.

Aroma 15:24

nîmbîrîgîrîrîte gwîka guo rîu. Mbere ya gûkinya Sipania, nwa mende kûmwona na narîkia gûkenanîra na mue gwa kavinda, mûndethereria kûthiî kuo.

1Akor 16:11

Kwoguo mûtigetîkîrie mûndû wana ûmwe gatagatîrî kenyu amûnyarare. Nwatî mûtethererieni avote kûthiî na mbere na rûgendo rûu arî na thayû nîguo agaacoka kûrî nie. Na nie tûrî na ariû na aarî a îthe wetû nîtûmwetererete.

2Akor 1:16

Nînavangîte nîmûcerere nîrî njîrarî ngîthiî Makedonia na rîngî ngîcoka, nîguo mûkaandethereria ngîthiî Judea.

Tito 3:12

Wona natûma Aritema kana Tukiko kûrî we, geria mûno gûka Nikopoli kûrî nie, nîûndû nînduîte atî kûu nîkuo ngwîkara vîndî yonthe ya mvevo.