1Akor 16:18 - ÎVUKU RÎA ÛVORO MWARO

¹⁸ Nîmatûmîte meciria makwa manogoke wa vamwe na menyu. Mue nîmwagîrîrwe nî kûthikagîrîria andû ta aya.

1Akor 16:18 ပူးပေါင်းရင်းမြစ်များ

Nthi 25:13

Mûnjaama mwîvokeku nîakenagia ûrîa ûmûtûmîte, ta ûrîa manjî ma mvevo makenagia mûndû kûrî na ûrugarî vîndî ya maketha.

Nthi 25:25

Wîguîte ûvoro mûgeni kuuma vûrûri wa kûraca, nîta kûnyua manjî ma mvevo ûrî mûnyondu ûkang'arûka.

Aroma 15:32

Kwoguo ethîrwa nî kwenda kwa Ngai, nie nîngaaûka kûrî mue mbîcûrîtwe nî gîkeno na nîngaakenerera kûvurûka vamwe namue.

2Akor 7:13

Kîu nîkîo gîatûmire tûmîrîria. Wa vamwe na kûmîrîrua gwetû, nîtwakenire mûno twona ûrîa Tito aakenete nîûndû wa ûrîa muonthe mwatûmire oneke arî mwîganîru.

Akol 4:8

Kîu nîkîo gîatûma nîmûtûme kûrî mue, nîguo amwîre maûndû marîa tûrona na amûûmîrîrie.

1Ath 5:12

Ariû na aarî a îthe wetû, tûramûthaitha mûvecage gîtîîo andû arîa marutaga wîra na vinya gatagatîrî kenyu. Acio nîo mamûtongoragia na mamûtaaraga ûvororî wîgiî mûtûûrîre wa Ûkristiano.

File 1:20

Kwoguo mûrû wa îthe wetû mwende, wenda tu ndethia nîûndû wa Mwathani. Canjamûra ngoro yakwa, nîûndû we na nie nîtwîtîkîtie Kristû.

File 1:7

Mûrû wa îthe wetû, wendo waku nîûtûmîte ngîe na gîkeno kînene na ûkanyûmîrîria mûno! We nîûcanjamûrîte ngoro cia andû onthe a Ngai.

Ahib 13:7

Ririkanagani atongoria enyu a tene arîa maamûvunjîrie ndûmîrîri ya Ngai. Îcirieni ûrîa maatûûraga na mwîgerekanie nao.

3Joh 1:4

Gûtirî ûndû wîngî ûngenagia tiga kwîgua atî ciana ciakwa nîitûûraga ûvororî wa ma.