1Akor 16:16 - ÎVUKU RÎA ÛVORO MWARO

¹⁶ mwathîkagîre andû ta acio na mûndû wîngî wa wonthe ûrîa ûrutaga wîra na agatungata vamwe nao.

1Akor 16:16 ပူးပေါင်းရင်းမြစ်များ

1Maû 12:18

Roho wa Ngai nîwacokire ûgîtonya kûrî Amasai mûnene wa athigari arîa njamba mîrongo îthatû na akiuga atîrî, “Daudi tue tûrî aku, tûrî nawe mûvîcî wa Jesse! Thayû ûrogîa kûrî we, thayû ûrogîa kûrî arîa magûtethagia! Nîûndû Ngai waku nîagûtethagia.” Daudi nîwacokire akîmagwata ûgeni na akîmatua anene a athigari ake a mbaara.

Mûvunjia 1:3

Mûndû agunîkaga na ndûî kuumana na mawîra monthe marîa arutaga gûkû nthî?

Aroma 16:12

Kethiani Turufena na Turufosa, aka arîa marutaga wîra wa Mwathani na kîîo.

Aroma 16:3

Kethiani Pirisika na Akula, arîa tûrutaga wîra wa Kristû nao.

Aroma 16:6

Na mûkethie Mariamu, ûrîa wîthîrîtwe akîruta wîra gatagatîrî kenyu arî na kîîo mûno.

Aroma 16:9

Kethiani Urubano, ûrîa tûrutaga wîra wa Kristû nake, na mûkethie mûrata wakwa Sitakusi.

1Akor 12:28

Kanitharî Ngai nîathuurîte: amwe matuîke atûmwa, engî arathi, na kathatû akathuura arimû. Nîacokete akathuura aringi ciama; makarûmîrîrwa nî arîa mavetwe ûvoti wa kûvonania, arîa matethagia arîa engî, atongoria na arîa maragia na nthiomi.

1Akor 3:9

Tue tûrî aruti a wîra wa Ngai tûkîrutithania vamwe, namue nîmue mûgûnda wa Ngai na nwa mue nyomba ya Ngai.

Aefeso 5:21

Athîkanagîrani mûndû na ûrîa wîngî nîûndû wa ûrîa mûtîîte Kristû.

Afil 4:3

Wa nawe mûrata wakwa mwîvokeku, nîngwenda ûtethagîrîrie aka aya. Nîndutithanîtie wîra wa kûvunjia ûvoro mwaro nao, wa vamwe na Kîlementi marî na andû onthe arîa twarutithanagia wîra nao arîa marîîtwa mao mandîkîtwe îvukuurî rîa mwoyo.

1Ath 1:3

Tûrî mbere ya Ngai Îthe wetû, nîtûririkanaga tûtagûtigithîrîria maûndû marîa mwîkîte nîûndû wa gwîtîkia na wîra ûrîa mûrutîte nîûndû wa wendani wenyu. Natue nîtûririkanaga ûrîa mûtaanatigithîria kwîrîgîrîra Mwathani wetû Jesû Kristû.

1Ath 2:9

Ariû na aarî a îthe wetû, nîmûraririkana ûrîa twarutaga wîra na tûkîthînîka. Twarutaga wîra ûtukû na mûthenya nîguo tûtigatuîke mûrigo kûrî mûndû wana ûmwe wa cienyu vîndî îrîa twamûvunjagîria ûvoro mwaro wa Ngai.

1Ath 5:12

Ariû na aarî a îthe wetû, tûramûthaitha mûvecage gîtîîo andû arîa marutaga wîra na vinya gatagatîrî kenyu. Acio nîo mamûtongoragia na mamûtaaraga ûvororî wîgiî mûtûûrîre wa Ûkristiano.

1Tim 5:17

Athuuri a kanitha arîa matongoragia waro nîmagîrîrwe nî kûvewa mûcara mwaro, makîrîa arîa marutaga wîra na vinya wa kûvunjia na kûthomithia.

Ahib 13:17

Athîkagîrani atongoria enyu na mûrûmagîrîre maûndû marîa mamwathaga mwîke. Nîo mamenyagîrîra mîoyo yenyu na nwanginya makeera Ngai ûrîa maarutaga wîra wao. Ethîrwa mûkaamathîkagîra makaarutaga wîra wao marî na gîkeno. Ethîrwa mûtikaamathîkîra, makaûrutaga matarî na gîkeno na kwoguo mûtingîtetheka.

Ahib 13:24

Kethiani atongoria enyu onthe wana etîkia onthe. Ariû na aarî a îthe wetû kuuma Italia nîmamûkethia.

Ahib 6:10

Ngai nî wa kîvooto. Nama akaaririkanaga wîra ûrîa mwarutire, na wendo ûrîa mwonanirie nîûndû wa rîîtwa rîake. Mue nîmwatungatîre akristiano arîa engî na nwa mûrathiî na mbere kûmatungatîra.

1Pet 5:5

Na njîra wata îo, wa namue andû ethî athîkagîrani andû arîa akûrû. Muonthe arîa mwîtîkîtie înyivanagîrieni nîguo mûtungatanagîre, nîûndû mandîko matheru maugaga atîrî, “Ngai nîareganaga na andû arîa etîi, nwatî nîendete arîa menyivagia.”

3Joh 1:8

Kwoguo tue akristiano nîtwagîrîrwe nî gûtethia andû aya, nîguo twîthîrwe tûrî aruti wîra vamwe nao ûvororî ûrîa wa ma.

Kûguû 2:3

Mue nîmûmîrîrîtie mûkirîrîrîtie, na mûkanyamarua nîûndû wakwa, na mûtirî mwandiganîria.