1Akor 16:1 - ÎVUKU RÎA ÛVORO MWARO

¹ Rîu nîngwandîka ûvoro wîgiî mbeca irîa irutagwa nîûndû wa andû a Ngai arîa marî Judea. Mue îkagani wata ûrîa nerire makanitha ma Galatia.

1Akor 16:1 ပူးပေါင်းရင်းမြစ်များ

Ciîko 11:28

Nake ûmwe gatagatîrî kao wetagwa Agabo, nîwarûngamire, na ke atethetue nî Roho nîwarathire akiuga atî nthî kuonthe nîgûkûgîa na yûra rînene. (Ûndû ûyû wekîkire vîndî ya wathani wa Kilaudio.)

Ciîko 11:30

Kwoguo nîmaarutire mbeca na makîinenganîra kûrî Baranaba na Saûlo nîguo maivire kûrî athuuri a kanitha.

Ciîko 16:6

Nake Paûlo na andû arîa maathiîcanîtie nake nîmaavîtûkîrîre mavûrûrirî ma Furîgia na Galatia nîûndû Roho Mûtheru nîwamagiririe matikavunjie Ûvoro Mwaro kûu vûrûrirî wa Asia.

Ciîko 18:23

Na vuva wa gwîkara kuo kwa îvinda rîîgana ûndû mûna, nîwaumire kuo na akîthiî avîtûkîrîrîte vûrûrirî wa Galatia na Furîgia akîûmagîrîria arutwa onthe.

Ciîko 24:17

“Na vuva wa gwîkara kavinda karaca ndathiîte Jerusalemu, nînaacokire kuo nthiîte kûvira mbeca kûrî andû etû na kûruta magongoona.

Ciîko 9:13

Nwatî Anania nîwacokirie atîrî, “Mwathani, andû eengî nîmambîrîte ûvoro wîgiî mûndû ûcio, na wîgiî maûndû monthe macûku marîa ke ekîte andû aku atheru arîa marî kûu Jerusalemu.

Ciîko 9:41

Nake Petero nîwamûnengererie njara na akîmûtethia kûrûngama. Nîwacokire agîîta etîkia na aka a ndigwa na akîmûnenganîra kûrî o arî mwoyo.

Aroma 12:13

Tethagiani andû a Ngai arîa mavatarîte ûtethio, na mwamûkagîre ageni mîciîrî yenyu.

1Akor 11:34

Mûndû wa wonthe mûvûtu, nîambage kûrîa mûciî, nîguo rîrîa tûcemanîtie vamwe Ngai ndagatûtuîre. Rîrîa ngaaûka kûrî mue nîngamwatha ûrîa mûgeeka maûndû mau mengî.

1Akor 16:15

Mue ariû na aarî a îthe wetû, nîmwicî ûvoro wîgiî Stefana na andû a mûciî wake. Nîmwicî atî nîo maarî a mbere gwîtîkia îtûûrarî rîa Akaia na atî nîmevecanîte matungatîre andû a Ngai. Nie nîramûthaitha

1Akor 4:17

Na kîu nîkîo kîratûma ndûme Timotheo kûrî mue. Ke nî mwana wakwa ûrîa mendete na nîmwîvokeku mûtûûrîrerî wake wa Ûkristiano. Nîakûmûririkania maûndû marîa nûmagîrîra mûtûûrîrerî wakwa mûcerû nîrî ûrûmwe na Jesû Kristû. Maûndû mau nîmo nthomithanagia makanitharî monthe marîa marî kûndû kuonthe.

Agal 1:2

Nie vamwe na ariû na aarî a îthe wetû onthe arîa marî gûkû, nîtwamûkethia mue andû a makanitha ma vûrûri wa Galatia.

Agal 2:10

Ûndû ûrîa maatûririe nî atî tûririkanage andû arîa marenda ûtethio marî ikundirî ciao, ûndû ûrîa mbîthîrîtwe ngîrirîria.

File 1:5

Nîûndû nîmbîgucaga ûvoro wa wendo ûrîa wîthagîrwa ûrî naguo kûrî andû onthe a Ngai na ûrîa wîtîkîtie Mwathani Jesû.

File 1:7

Mûrû wa îthe wetû, wendo waku nîûtûmîte ngîe na gîkeno kînene na ûkanyûmîrîria mûno! We nîûcanjamûrîte ngoro cia andû onthe a Ngai.

Ahib 6:10

Ngai nî wa kîvooto. Nama akaaririkanaga wîra ûrîa mwarutire, na wendo ûrîa mwonanirie nîûndû wa rîîtwa rîake. Mue nîmwatungatîre akristiano arîa engî na nwa mûrathiî na mbere kûmatungatîra.

1Joh 3:17

Mûndû angîthîrwa nî mûtongu na one mûrwang'ina kana mwarwang'ina arî na thîna nwatî arege kûmwîguîra ntha, mûndû ûcio nwa ethîrwe endete Ngai?