1Akor 15:54 - ÎVUKU RÎA ÛVORO MWARO

⁵⁴ Kwoguo vîndî îrîa mwîrî ûrîa woraga ûkaagarûrûka ûtuîke mwîrî ûrîa ûtoraga, na mwîrî ûrîa ûkucaga naguo ûgarûrûke ûtuîke mwîrî ûrîa ûtakucaga, mandîko matheru nîmakaavingua marîa maugîte atîrî: “Gîkuû nîgîcûkangîtue, ûvootani nî mûkinyanîru!”

1Akor 15:54 ပူးပေါင်းရင်းမြစ်များ

Isaia 25:8

Ngai-Mûnene nîakaathiria gîkuû tene na tene, nîakaagiria methori mothiûrî monthe na kûthirîria andû ake gîconoko nthî yonthe. Ngai-Mûnene nîke ugîte ûguo.

Luka 20:36

Makethîrwa mekariî ta araika na matigaakua, na nî ciana cia Ngai nîûndû makethîrwa mariûkîte kuuma kûrî akuû.

Aroma 1:23

Vandû va gûkumia Ngai ûrîa ûtûûraga tene na tene, Makumagia mîvuanano îrîa îthondeketwe îkariî ta andû arîa makucaga, iconi, nyamû, kana ta nyamû cia kîruka Kîam njoka.

Aroma 2:7

Andû amwe nîmakîragîrîria gwîka waro, gûcaria riiri, gîtîîo na gûtûûra mwoyo. Nao nîmakaavewa mwoyo wa tene na tene.

Aroma 6:12

Kwoguo mûtikanareke mevia mathamakage mîrirî yenyu îo îkuucaga atî nîguo mwathîkagîre merirîria mayo.

Aroma 8:11

Ethîrwa Roho wa Ngai ûrîa wariûkirie Jesû Kristû atûûraga ndaarî yenyu, ûcio wariûkirie Jesû Kristû nî akaava mîîrî îo yenyu îrîa îkuucaga mwoyo. Ageeka guo na njîra ya Roho ûcio wake ûrîa ûtûûraga ndaarî yenyu.

2Akor 4:11

Nîûndû tue arîa tûrî mwoyo vîndî cionthe twîthagîrwa tûrî thînarî wa gûkua nîûndû wa Jesû, nîguo mwoyo wake wonekage mîîrîrî îno yetû îkucaga.

2Akor 5:4

Rîrîa tûrî îgemarî rîîrî rîa nthî, tûvevûkaga tûkîgua tûrî akinyîrîrie. Tî atî nîkwa tûkwenda gûtigana na mîîrî yetû ya gûkû nthî, nwatî tûrenda twîkîrwe mîîrî îrîa ya îgûrû. Na twekîrwa mîîrî îo, mîîrî îrîa îkucaga nî îkaagarûrwa îtuîke ya gûtûûra.

2Ath 1:10

Ûguo gûgekîka mûthenya ûrîa Mwathani agaûka kwamûkîra riiri kuuma kûrî etîkia onthe. Mue mûkethîrwa mûrî gatagatîrî kao, nîûndû nîmwîtîkîtie ndûmîrîri îrîa twamwîrire.

Kûguû 20:14

Nakîo gîkuû na îcua nîciaikirue îriarî rîa mwaki. (Îria rîîrî rîa mwaki nî gîkuû gîa kaîrî.)

Kûguû 21:4

Ke nîakaamagiria methori monthe kuuma methorî mao. Gûtikethîrwa gîkuû, kîeva, kîrîro, kana ûrûrû rîngî. Maûndû marîa ma tene makethîrwa marî mathiru.”