1Akor 15:52 - ÎVUKU RÎA ÛVORO MWARO

⁵² wa rîmwe ta kûvucia kwa riitho vîndî îrîa karumbeta gakaavuvwa. Vîndî îrîa karumbeta gakaavuvwa, akuû nîmakaariûkua ûndû matagacoka gûkua rîngî na tue tuonthe nîtûkaagarûrûka.

1Akor 15:52 ပူးပေါင်းရင်းမြစ်များ

Thaburi 73:19

Macûkangagua wa rîmwe; mathiragua nî imaûndû cia kûmakania.

Ntha 19:16

Naguo mûthenya wa kathatû kîraûko nîkwagîre ngwa nyîngî na mveni. Na kîrîmarî gûkiumîra îtu înene na gûkîguwa mûgambo mûnene wa karumbeta. Nao andû onthe arîa marî kûrîa maambîte magema nîmaatetemire nî guoya.

Ntha 20:18

Vîndî îrîa andû meegwire ngwa, na makîona mveni, makîgua mûgambo wa karumbeta na makîona kîrîma gîgîtoga ndogo nîmaatetemire nî guoya. Nîmaarûngamire varaca

Ntha 33:5

nîûndû Ngai-Mûnene nîwathîte Musa ameere atîrî, “Mue mûrî andû aremi. Nîngîthiîcania namue wanarî vanini nîngîmûthiria viû. Kwoguo rutani mathaga menyu, nîguo menye ûrîa ngwîka namue.”

Isaia 18:3

Mue arîa mûtûûraga mavûrûrirî monthe ma nthî, namue mûtûûraga nthî, rîrîa kîmenyithia gîkoonanua îgûrû rîa kîrîma, mûkaaroria! Rîrîa karumbeta gakaavuvwa, mûkaathikîrîria!

Isaia 27:13

Mûthenya ûcio karumbeta kanene nîgakaavuvwa, nao Aisiraeli arîa maaûrîrîte vûrûrirî wa Asîria na arîa maavirîtwe îthamîriorî vûrûrirî wa Misiri nîmagaaûka na magoocere Ngai-Mûnene îgûrû rîa kîrîma kîrîa kîtheru Kîam Jerusalemu.

Ezek 33:3

Mûndû ûcio angîona nthû ciûkîte vûrûrirî ûcio nwa avuve karumbeta nîguo amenyithie andû.

Ezek 33:6

Nwatî mûrangîri angîona nthû ciûkîte na arege kûvuva karumbeta andû mamenyithue, nthû ciaûka nîikaûraga andû nîûndû wa mevia mao, nwatî gîkuû Kîam andû acio gîkaarîvua mûrangîri.

Zakaria 9:14

Ngai-Mûnene nîakeyonithania arî îgûrû rîa andû ake, mîguî yake îthiîcaga ta rûveni; Mwathani Ngai nîakaavuva karumbeta, na athiî arî rûkûngirî rwa mwena wa îveti.

Ndari 10:4

Nwatî karumbeta kamwe tu kavuvwa, atongoria na anene a mîvîrîga ya andû a Isiraeli nîo makaagomanaga varî we.

Ndari 16:21

“Umani varî andû aya nîguo nîmathirie wa rîmwe!”

Ndari 16:45

“Thengutîra andû aya a Isiraeli nîguo nîmathirie wa rîu!” Nao oîrî nîmaaturumithirie mothiû mao nthî,

Mathaayo 24:31

Natuo tûrumbeta nîtûkavuvwa. Nake nîagaacoka atûme araika mathiî nthî yonthe. Nao nîmakaaûngania andû arîa Ngai ethuurîrîte kuuma gîturi kîmwe Kîam nthî nginya kîrîa kîngî.

Johana 5:25

Nie nîramwîra na ma atî îvinda nîrîkuvîvîriu na nîrîrîkîtie gûkinya. Îvinda rîîrî nîrîo akuû makeegua mûgambo wa Mûriû wa Ngai, na arîa makaawîgua nîmakaagîa na mwoyo.

Johana 5:28

Tigani kûmakua nî maûndû mama, nîûndû îvinda nîrîgaakinya rîrîa akuû onthe makeegua mûgambo wake,

1Akor 15:23

Wa mûndû nîakaariûkua kavinda gake gakinya. Kristû nîke warî wa mbere kûriûkua. Na rîrîa Kristû agaaûka, arîa mamwîtîkîtie nîmakaariûkua.

1Akor 15:42

Ûguo nîguo gûkethîrwa gwîkariî vîndî îrîa akuû makaariûkua. Vîndî îrîa mwîrî wathikwa nthî ta mbegû nîûcokaga kwora; nwatî ûrariûkua ndûcokaga kwora.

1Akor 15:50

Ariû na aarî a îthe wetû, ûrîa nîrenda kuga nî atî kîrîa kîthondeketwe na mwîrî na nthakame gîtingîvota kûgaa Ûthamaki wa Ngai. Kîrîa nakîo kîoraga gîtingîvota kûgaa kîrîa gîtoraga.

1Ath 4:15

Maûndû mama tûramûthomithia nî ndûmîrîri ya Mwathani, nîûndû tue arîa tûkethîrwa tûrî mwoyo rîrîa Mwathani agaaûka, tûtikaathiî mbere ya arîa maakuire.

2Pet 3:10

Nwatî Mûthenya wa Mwathani ûgaakinya ta ûrîa mwîi aûkaga. Mûthenya ûcio îgûrû nîrîkaathira na mûrurumo mûnene. Ciûmbe cionthe irîa irî îgûrû nîikaavîvua na mwaki ithire. Nayo nthî na indo cionthe irîa irî kuo nîikaavîvua viû.

Kûguû 8:13

Nînacokire ngîroria na ngîgua nderi îrîa yagûrûkîte îgûrû rîerarî îkiugîrîria na mûgambo mûnene atîrî, “Uuui! Uuui! Uuui! Na kaî andû arîa matûûraga nthî nîmakeethîrwa na thîna rîrîa araika acio engî athatû makaavuva tûrumbeta-î!”

Kûguû 8:2

Nînaacokire ngîona araika mûgwanja arîa marûngamaga mbere ya Ngai. Nao nîmaanengerwe tûrumbeta mûgwanja.