1Akor 15:44 - ÎVUKU RÎA ÛVORO MWARO

⁴⁴ Mwîrî ûrîa wonekaga nîguo ûthikagwa, nwatî mwîrî ûcio wariûkua wîthagîrwa ûrî wa kîîroho. Ethîrwa nîkûrî mwîrî ûrîa wonekaga, nîkûrî wana mwîrî wa kîîroho.

1Akor 15:44 ပူးပေါင်းရင်းမြစ်များ

1Akor 15:50

Ariû na aarî a îthe wetû, ûrîa nîrenda kuga nî atî kîrîa kîthondeketwe na mwîrî na nthakame gîtingîvota kûgaa Ûthamaki wa Ngai. Kîrîa nakîo kîoraga gîtingîvota kûgaa kîrîa gîtoraga.

Luka 24:31

Namo metho mao nîmaavingûkire na makîmûmenya. Nake nîwacokire akîûrîra wa rîmwe na magîtiga kûmwona.

Johana 20:26

Vuva wa kiumia kîmwe arutwa nîmaagomanîte vamwe rîngî ndaarî ya nyomba na Toma aarî vamwe nao. Mîrango yarî mîvinge, nwatî Jesû nîwamaumîrîre na akîmeera atîrî, “Gîani na thayû.”

Johana 20:19

Jumaviri wa îo kîvwaî arutwa nîmaagomanîte vamwe nyomba ndaarî mevingîrîte nîûndû nîmeetigagîra anene a Ayahudi. Nake Jesû nîwamaumîrîre na akîmeera atîrî, “Gîani na thayû.”

1Akor 2:14

Mûndû wa wonthe ûtarî na Roho ndangîvota kwamûkîra iveo irîa ciumaga kûrî Roho wa Ngai. Andû ta acio meciragia ûcio nî ûrimû nîûndû vata waguo ûngîtuîrua tu na njîra ya Kîîroho.