1Akor 15:4 - ÎVUKU RÎA ÛVORO MWARO

⁴ Nake nîwathikirwe na mûthenya wa kathatû akîriûka, wata ûrîa kwandîkîtwe Mandîkorî Matheru.

1Akor 15:4 ပူးပေါင်းရင်းမြစ်များ

Thaburi 16:8

Vîndî cionthe Ngai-Mûnene nîandongoragia, arî vamwe nanie na ndingîenyenya.

Thaburi 2:7

Mûthamaki arauga atîrî, “Nie ngaanîrîra ûrîa Ngai-Mûnene augîte. Ngai-Mûnene aambîrire atî, ‘Ûmûnthî nîwatuîka mûvîcîwa, nanie nînatuîka aguo.

Hosea 6:2

Vuva wa mîthenya îîrî nîagaatûva mwoyo rîngî, vuva wa mîthenya îîrî nîagaatûriûkia, nîguo tûkavota gûtûûrania nake.

Jona 1:17

Nake Ngai-Mûnene nîwathire nthamaki nene îmerie Jona. Jona nîwekarire îvurî rîa nthamaki îvinda rîa mîthenya îthatû ûtukû na mûthenya.

Mathaayo 12:40

Wata ûrîa Jona eekarire ndarî ya nthamaki nene mîthenya îthatû, nwa ta guo Mûrû wa Mûndû ageekara na gûkû nthî kûrîa kûriku mûno mîthenya îthatû.

Mathaayo 16:21

Kuuma vîndî îo Jesû nîwambîrîrie kwîra arutwa ake atîrî, “Nwa nginya nthiî Jerusalemu na nyamarue nî athuuri, anene a athînjîri-Ngai na arimû a Watho. Nîmakaambûraga, nwatî mûthenya wa kathatû nîngaariûkua.”

Mathaayo 20:19

Nao nîmagaacoka mamûvecane kûrî andû a ndûrîrî nîguo mamûnyûrûrie, mamûrive na ivoko na macoke mamwambe mûtharavarî îgûrû. Nwatî mûthenya wa kathatû nîakaariûkua.”

Maariko 9:31

nîûndû nîwathomithagia arutwa ake akîmeeraga atîrî, “Mûrû wa Mûndû nîakaanenganîrwa kûrî andû, nao mamûûrage, na vuva wa mîthenya îthatû, ariûke.”

Luka 24:26

Na kinthî gûtiagîrîrîte Mesaya athînue nîguo acoke kwoneka arî na riiri wake?”

Luka 24:46

na akîmeera: “Kwandîkîtwe atîrî, nwa nginya Mesaya athînue na mûthenya wa kathatû acoke ariûke.

Luka 9:22

na akîmeera atîrî, “Nwa nginya Mûrû wa Mûndû athînue mûno na aregwe nî athuuri, anene a athînjîri-Ngai, na arimû a Watho. Nake nîakaaûragwa na mûthenya wa kathatû acoke ariûke.”

Johana 19:38

Vuva wa ûguo, Josefu ûrîa warî wa kuuma îtûûra rîa Arimathea nîwaûririe Pilato amwîtîkîrie akuue mwîrî wa Jesû. (Josefu aarî mûrûmîrîri wa Jesû, nwatî aamûrûmagîrîra na nthitho, nîûndû nîwetigagîra Ayahudi.) Pilato nîwamwîtîkîrie, na kwoguo Josefu nîwathiîre na agîûkuua.

Ciîko 1:3

Vuva wa gûkua gwake Jesû nîweyonithanirie na njîra nyîngî atî aarî mwoyo. Îvindarî rîa mîthenya mîrongo îna kuuma akua nîwamaumîrîre na akîmeera ûvoro wîgiî Ûthamaki wa Ngai.

Ciîko 17:31

nîûndû nîatuîte mûthenya ûrîa agaatuîra andû onthe a nthî arî na kîvooto. Ke ageeka ûguo na njîra ya mûndû ûrîa athuurîte, na nîwonetie andû onthe atî ûvoro ûcio nî wa ma na njîra ya kûriûkia mûndû ûcio!”

Aroma 6:4

Rîrîa twavatithirue nîtwathikirwe vamwe na Kristû ûvororî wîgiî gîkuû gîake, nîguo atî wata ûrîa Kristû ariûkirue nî vinya ûrîa ûrî riiri wa îthe wanatue nwa tûgatûûra mûtûûrîre mûcerû.

Akol 2:12

Nîûndû rîrîa mwavatithirue, nîmwathikirwe vamwe na Kristû, na vîndî wa îo mûkîriûkua vamwe nake nîûndû wa gwîtîkia vinya wa Ngai ûrîa ûrutaga wîra na wariûkirie Kristû.

Ahib 13:20

Ngai nîariûkîtie Mwathani wetû Jesû Kristû ûrîa arî ke Mûrîthi Mûnene wa ng'ondu. Na njîra ya gîkuû gîake nîwarûthire kîrîkanîro gîa gûtûûra tene na tene.

1Pet 1:11

Roho wa Kristû aarî ndaarî ya Arathi rîrîa maarathaga ûvoro wîgiî kûthînua gwa Kristû, na riiri ûrîa ûgaacoka kûrûmîrîra mathîna mau. Arathi nîmaageragia kûmenya ûvoro wîgiî maûndû marîa Roho aamoonagia rîrîa magaatuîkîka na ûrîa gûkeethîrwa gwîkariî maûndû mau magîtuîkîka.