1Akor 15:32 - ÎVUKU RÎA ÛVORO MWARO

³² Ethîrwa naatongoretue nî merirîria ma kîûmûndû vîndî îrîa naarûaga na nyamû cia kîthaka kûu Efeso naagunîkire atîa? Nwatî ethîrwa akuû matikaariûkua, “Tigani tûrîe na tûnyue nîûndû rûyû nîtûgaakua.”

1Akor 15:32 ပူးပေါင်းရင်းမြစ်များ

Ayubu 35:3

Kana ûragia Ngai atîrî, ‘Ngîte na mûnyaka ûrîkû? Ngîte na umithio ûrîkû ethîrwa atî ndiîvîtie?’

Thaburi 73:13

Anga nî wîra wa mana kwiga ngoro yakwa îrî ntheru na ngemenyerera ndikevie?

Mûvunjia 11:9

We mwanake kenagîra wîthî waku. Ngoro yaku nî îkenagîre wîthî waku. Îkaga ûrîa ngoro yaku îrenda. Nwatî ririkana atî Ngai nîagaagûtuîra nîûndû wa maûndû marîa monthe wîkaga.

Mûvunjia 2:24

Ûndû ûrîa mwaro mûno mûndû angîka ûtûûrorî wake nî kûrîa, kûnyua na gûkenerera wîra wake. Nînaamenyire atî wana ûndû ûyû uumaga kûrî Ngai.

Isaia 22:13

Vandû va ûguo, mwakenire na mûgîkûngûîra, nîmwathînjire ndegwa na ng'ondu, mûkîrîa nyama na mûkînyua ndivei. Nîmwaugire atîrî, “Tiga tûrîe na tûnyue, nîûndû rûyû nîtûgaakua.”

Isaia 56:12

Meranaga atîrî, “Ûkani tûgacarie ndivei; tigani tûnyue njovi tûvae! Rûyû rûkaavana wata ûmûnthî, na rûyû ûkethîrwa ûrî mûthenya mûnene makîria!”

Luka 12:19

Na nîngûcoka nîîre atî nie nîrî na mûnyaka. Nîrî na indo nyîngî cia kûmbîgana mîaka mîîngî. Rîu nîmbîkara nthî nîguo ndîe na nyue ngenete!’

Luka 9:25

Kûrî na vata ûrîkû wa mûndû kûgîa na ûtonga wa nthî ng'ima, na acoke aûrwe nî mwoyo wake?

Ciîko 18:19

Na rîrîa maakinyire Efeso, Paûlo nîwatigire Pirisila na Akuila na akîthiî agîtonya îvoerorî na akîaranîria na Ayahudi.

Ciîko 18:21

Vandû va ûguo, akîmatiga nîwamerire atîrî, “Ngai enda, nie nîngaacoka rîngî kûrî mue.” Nake nîwatwîre meri akiuma kûu Efeso.

Ciîko 19:1

Na vîndî îrîa Apolo aarî Korinitho, Paûlo nîwavîtûkîrîre mwena wa rûgûrû na agîkinya Efeso. Nake nîwethîre arutwa amwe kuo

Aroma 3:5

Nîtuga atîa ethîrwa waganu wetû nîguo ûtethagîrîria kwonania kîvooto Kîam Ngai, nwa tuge atî Ngai nî mûvîtiu vîndî îrîa agûtûverithia? (Ava nîraria tu ûrîa andû a nthî maragia).

Aroma 6:19

(Nîramwarîrîria ngîtûmagîra ngerekano irîa mûngîtaûkîrwa nîcio nîûndû mûtirî na vinya wa gûtaûkîrwa nî maûndû monthe.) Vîndî îmwe nîmwevecanîte magatuîka ngombo cia maûndû macûku na mwecûrîtwe nî waganu nîûndû nîmwekaga maûndû macûku. Na njîra wata îo nîmwagîrîrwe nî kwîvecana viû mûtuîke ngombo cia maûndû ma ûthingu.

1Akor 16:8

Nîmbîkara gûkû Efeso nginya mûthenya wa Pentekosto.

Agal 3:15

Ariû na aarî a îthe wetû, nîngûmûva ngerekano ya maûndû marîa mwonaga wa mûthenya. Andû aîrî mangîrîkanîra ûndû na mawîtîkanîrie, gûtirî mûndû ûngîcûkia kana ongerere kîndû ûndûrî ûcio.

2Pet 2:12

Nwatî mekaga maûndû matambîte gwîciiria ta nyamû cia kîthaka irîa ciaûmbirwe nîguo inyitagwe na ikaûragwa. Matonyagîrîra na irumi maûndû marîa matarataûkîrwa nîmo. Makaathirua wata nyamû cia kîthaka.

Juda 1:10

Nwatî andû acio nîmarumaga maûndû marîa o matataûkagîrwa nîmo. Namo maûndû marîa mamenyaga na ûmenyo wa mûciarîre ta nyamû cia kîthaka, nîmo mamacûkangagia.