1Akor 15:2 - ÎVUKU RÎA ÛVORO MWARO

² Ûvoro ûcio nîguo ûtûmaga mûvonokue ethîrwa nîmûkûthiî na mbere kûwîtîkia. Ethîrwa tî mwîka ûguo, gwîtîkia kwenyu kwarî kwa mana.

1Akor 15:2 ပူးပေါင်းရင်းမြစ်များ

Nthi 23:23

Gûra ûma na ndûkawendie, gûra ûûgî, kîrîra na ûmenyo.

Nthi 3:1

Mwana wakwa, ndûkariganîrwe nî kîrîra gîakwa, igaga maathani makwa ngororî yaku.

Nthi 4:13

Rûmagîrîra kîrîra, na ndûgatigane nakîo; kîvingagie na kinyi, nîûndû nîkîo ûtûûro waku.

Luka 8:13

Nacio mbeû irîa ciagwîre rûciararî, nî andû arîa megucaga ndûmîrîri ya Ngai na makamîamûkîra makenete, nwatî makaremwa kûmîkindîria ngororî ciao, nîûndû metîkagia wa kavinda kanini na vîndî îrîa maumîrîrwa nî magerio makagwa.

Ciîko 2:47

Nîmaakumagia Ngai na nîmeendetwe nî andû onthe. Na wa mûthenya wa mûthenya Mwathani nîwongagîrîra gîkundirî Kîam etîkia andû arîa ke aavonokagia.

Ciîko 8:13

Simoni wanake nîwetîkirie. Nake arîkia kûvatithua nîwaumire Filipu vuva na akîmaka mûno vîndî îrîa oonire maûndû ma magegania na ciama irîa Filipu aaringaga.

Aroma 1:16

Nie ndiconokaga nî Ûvoro Mwaro nîûndû nîguo vinya wa Ngai wa kûvonokia arîa onthe metîkîtie mbere Ayahudi na vuva andû a Ndûrîrî.

Aroma 11:22

Ûndû ûyû ûratwonia ûrîa Ngai arî mûtugi, na ûrîa arî mwaganu. Ke nîwaganagîra andû arîa magwîte na agatuga arîa matûûraga wegarî wake, nwatî ethîrwa tîmwîkara wegarî wake, nîakûmûkavûranga!

1Akor 1:18

Nîûndû Ndûmîrîri îrîa îgiî gûkua gwa Kristû mûtharavarî nî ûrimû kûrî arîa maraûra, nwatî kûrî tue arîa tûravonokua ndûmîrîri îo nîyo vinya wa Ngai.

1Akor 1:21

Kûringana na ûûgî wake, Ngai nîwatûmire andû matikaamûmenye na njîra ya ûûgî wao. Vandû va ûguo, na njîra ya ndûmîrîri îo îtucagwa ya “ûrimû” îrîa tue tûvunjagia, Ngai nîwatuire atî nîakaavonokia arîa mamwîtîkîtie.

1Akor 11:2

Nînîmûgathagîrîria nîûndû nîmûndirikanaga vingo cionthe na nîmûrûmagîrîra waro kîrîra kîrîa namûkinyîrie.

1Akor 15:14

Na ethîrwa Kristû ndaariûkua, kûvunjia gwetû nî kwa mana wana gwîtîkia kwenyu nwa kwa mana.

2Akor 2:15

Nîûndû tue twîkariî ta ûbani ûrîa ûnungaga waro ûtegeretwe Ngai nî Kristû. Naguo nîûtambaga gatagatîrî ka arîa maravonokua na arîa maraûra.

2Akor 6:1

Tûkîrutithania wîra wetû vamwe na Ngai, nîtûramûthaitha mûtikamûkîre wega wa Ngai mana.

Agal 3:4

Nîkwa maûndû monthe marîa mwemenyeretie maatuîkire ma mana? Ngwîvoka matiarî ma mana.

Aefeso 2:8

Nî wega wa Ngai ûtûmîte mûvonokue na njîra ya gwîtîkia. Ûvonokio wenyu ndumanîte na mawîra marîa mwanaruta, nwatî nî kîveo kuuma kûrî Ngai.

Akol 1:23

Kwoguo nwanginya mûthiî na mbere gwîkara mwîkindîrîtie wîtîkiorî wenyu na mûrî na vinya. Mwîrîgîrîro ûrîa mwagîre naguo rîrîa mwegwire ûvoro mwaro, mûtikanetîkîre wenyenyue. Nie Paûlo nîrî ndungata ya ûvoro mwaro ûrîa wîthîrîtwe ûkîvunjîrua andû a nthî yonthe.

2Ath 2:15

Kwoguo ariû na aarî a îthe wetû, îkaragani mwîkindîrîtie na mûnyitîte mûno maûndû marîa twamûthomithirie na njîra ya kûmûvunjîria na ya maarûa îrîa twamwandîkîre.

2Tim 1:9

Ke nîke watûvonokirie na agîtwîta tûtuîke andû ake. Ndaatwîkire ûguo nîûndû wa ûrîa twekîte waro, nwatî nîûndû wa kwenda gwake na wega wake. Ngai aatûveere wega ûcio na njîra ya Jesû Kristû mbere ya îvinda rîkinya.

Ahib 10:23

Nîtûnyiteni na vinya kîîrîgîrîro gîetû kîrîa tumbûraga tûtarî na nganja, nîûndû Ngai nî mwîvokeku na ciîranîro ciake nî cia ma.

Ahib 2:1

Nîûndû wa ûguo, nwanginya tûnyitie waro ûvoro wa ma ûrîa twîguîte nîguo tûtikaume kûrî guo.

Ahib 3:14

Tuonthe tûrî a ngwatanîro îmwe na Kristû ethîrwe nîtûgûtûûra tûnyitîtie mwîvoko ûrîa twarî naguo kuuma wa Kîammbîrîria.

Ahib 3:6

Nwatî Kristû nîmwîvokeku ta Mûriû ûrîa wathanaga nyombarî ya Ngai. Tue tûrî nyomba ya Ngai ethîrwa nîtûkûthiî na mbere kûmîrîria tûrî na mwîvoko wa kîrîa twîrîgîrîrîte.

Ahib 4:14

Nîtûnyitie na vinya viû wîtîkio wetû ûrîa tumbûraga nîûndû tûrî na Mûthînjîri-Ngai ûrîa mûnene na nîke Jesû Mûriû wa Ngai. Ke nîwathiîre kûrî Ngai.

Jakuvu 2:14

Ariû na aarî a îthe wetû, kûrî na vata ûrîkû wa andû kuga atî marî na wîtîkio ethîrwa ciîko ciao itironania? Wîtîkio ûcio nwa ûmavonokie?

Jakuvu 2:17

Kwoguo wîtîkio ûrî wuonga ûtarî na ciîko nî mûkuû.

Jakuvu 2:26

Kwoguo, wata ûrîa mwîrî ûtarî na mîvevû wîthagîrwa ûrî mûkuû, nwa ta guo wîtîkio ûtarî na ciîko wîthagîrwa ûrî mûkuû.