1Akor 14:6 - ÎVUKU RÎA ÛVORO MWARO

⁶ Kwoguo ariû na aarî a îthe wetû, ngaûka kûrî mue ngîaragia na nthiomi, nîngîthîrwa nîrî wa vata ûrîkû kûrî mue? Ndingîthîrwa nîrî na vata kûrî mue wana vanini, tiga nwanga mbûkîte kûmûretere ûguûrio, ûmenyo, ûrathi kana kîthomo.

1Akor 14:6 ပူးပေါင်းရင်းမြစ်များ

Jeremia 16:19

We Ngai-Mûnene nîwe ûngitagîra na ûmvecaga vinya; nîwe ûndethagia vîndî ya mathîna. Mavûrûri kuuma mîena yonthe ya nthî nîmagaûka kûrî we makwîre atîrî, “Gûtirî kîndû methe metû maagaire tiga ngai cia maveeni, na indo îtarî vata kana umithio.

Jeremia 23:32

Tanthikîrîria! Nie Ngai-Mûnene nîrauga atî, nîndeganîte na arathi arîa marotaga iroto cia maveeni. Na njîra ya iroto ciao na mîario ya maveeni, nîmatûmîte andû akwa mauma njîrarî ya ma. Nie ndianamatûma, kana nîmera mathiî, kwoguo matirî na ûtethio kûrî andû akwa.”

Mathaayo 11:25

Kavinda kau Jesû nîwaugire atîrî, “Vava, Mwathani wa îgûrû na nthî! Nie nîragûcokeria ngatho nîûndû nîûthithîte maûndû mama andû arîa aûgî na amenyi na ûkamaguûria kûrî andû arîa matarî na ûmenyo.

Mathaayo 16:17

“Kûrathimwa nîwe Simioni mûrû wa Jona. Tî mûndû ûkûmenyithîtie ûûma ûyû, nwatî nî Vava ûrîa ûrî îgûrû.

Mathaayo 16:26

Kûrî umithio ûrîkû wa mûndû kûgîa na ûtonga wa nthî yonthe nwatî acoke aûrwe nî mwoyo wake? Gûtirî kîndû wana kîmwe mûndû angîkûûranania mwoyo wake nakîo.

Ciîko 2:42

Nao nîmeekarire marî evokeku kûrî kîrîra Kîam atûmwa, na ngwatanîrorî ciao, na kûrî ngwatanîro cia kwenyûrana mûgate na kûvoya marî vamwe.

Aroma 15:14

Ariû na aarî a îthe wetû, nie mwene nîmbicî na ma atî nîmwîcûrîtue nî wega na ûmenyo na atî nîmûvotete kûthomithania mue ene.

Aroma 16:17

Ariû na aarî a îthe wetû, nîramûthaitha atî: mwîmenyagîrîre kûrî andû arîa maretaga nyamûkano na kûvîngithia mûndû. Andû acio nîmareganaga na maûndû marîa mwathomithirue. Îthemageeni andû ta acio.

Aroma 6:17

Nwatî nwanginya tûcokie ngatho kûrî Ngai nîûndû vîndî îmwe mwarî ngombo cia mevia, nwatî nîmwacokire kwathîkîra ûvoro wa ma ûrîa wonekaga maûndûrî marîa mwathomithirue.

1Akor 10:33

Îkagani wata ûrîa nie mbîkaga. Nîngeragia gûkenia andû onthe maûndûrî monthe marîa mbîkaga. Ngîka ûguo, ndiîthagîrwa ngîcaria ûrîa nîngîîguna nie mwene, nwatî mbîthagîrwa ngîcaria ûrîa nîngîguna andû onthe nîguo mavote kûvonoka.

1Akor 14:1

Geragiani na vinya mûno kûgîa na wendani. Îîriragîrieni na vinya mûno kûgîa na iveo cia kîîroho, na mûno makîria kîveo gîa kûvota kwanîrîra ndûmîrîri ya Ngai.

1Akor 14:7

Na njîra wata îo, indo irîa itarî mwoyo na itûmagîrwa nî mûndû akina, ta mîtûrirû na ngita, kethîrwa itingîgamba ûndû mîgambo yacio îngîkûrûkanîka, mûndû ndangîmenya mûgambo ûrîa ûrainwa.

2Akor 11:6

Wana ethîrwa ndiîcî kwaria mbere ya andû nie nîrî na ûmenyo. Na njîra cionthe nîtwonanîtie ûndû ûyû waro kûrî mue maûndûrî monthe.

2Akor 12:1

Nie nwa nginya nîtîîe, wana ethîrwa gûtirî na ûndû mwaro nganyita nîûndû wa gwîtîîa. Nwatî rîu nîngûthiî na mbere kwaria ûndû wîgiî cioneki irîa noonirue na ngîguûrîrua nî Mwathani.

2Akor 12:7

Nwatî nîguo ndigetîîe mûno nîûndû wa maûndû mengî ma magegania marîa noonirue, nie nînaverwe mwîgua ûrî na ûrûrû mûno mwîrîrî wakwa. Naguo mwîgua ûcio ûrutaga wîra ta mûnjaama wa Caitani nîguo ûnthînagie na ûngiragie gwîtîîa mûno.

Aefeso 1:17

Mvoyaga Ngai wa Mwathani wetû Jesû Kristû, ûrîa arî ke Îthe wetû ûrî riiri amûve Roho ûrîa ûgûtûma mûvîge na ûkûmûguûrîria Ngai nîguo mûmûmenye waro.

Aefeso 3:4

na mûngîthoma ûvoro ûrîa mandîkîte, nwa mwone na ma atî nîrîmûtaûkîre nî nthitho ya Kristû.)

Afil 3:15

Tuonthe arîa agima kîîroho twagîrîrwe nî kwîthîrwa tûrî na meciria ta mau. Nwatî kûngîthîrwa gatagatîrî kenyu kûrî na andû marî na meciria ngûrani, Ngai akamûguûrîria ûndû ûcio wanaguo.

2Tim 2:14

Ririkania andû aku maûndû mama na ûmakaanie mbere ya Mwathani ûvoro wîgiî ngarari na gûteta îgûrû rîgiî ciugo irîa itarî na vata. Ciugo ta icio nîkwa ithûkagia andû arîa maithikagîrîria.

2Tim 3:10

Nwatî we nîûrûmîrîrîte maûndû marîa nthomithagia, mîtugo yakwa, mworoto wakwa, wîtîkio wakwa, gûkirîrîria gwakwa, wendo wakwa, wetereri wakwa na kûmîrîria gwakwa.

2Tim 3:16

Namo mandîko marîa monthe matheru, Ngai nîke waveere arîa maamandîkire ciugo irîa makwandîka nîguo ituîke cia kûthomithania ûvoro wa ma, kûmenyithia andû mavîtia mao nîguo meke maûndû marîa maro na matûûre na mûtûûrîre mwaro,

2Tim 4:2

ûvunjagie ûvoro wa Ngai vingo cionthe vîndî îrîa mbagîrîru na îrîa îtarî mbagîrîru. Îguithagia andû, makanagie, maûmagîrîrie na ûmathomithagie vîndî cionthe ûkirîrîrîtie.

Tito 3:8

Ûvoro ûyû nî wa ma. Nie nîrenda mue mûkinyîrîrie maûndû mama nîguo andû arîa metîkîtie Ngai mameciragie, nao mavecanage o ene nîûndû wa ciîko irîa ciagîrîrîte. Maûndû mama nîma vata na ma kûguna andû onthe.

Ahib 13:9

Mûtigetîkîre kûvîtithua nî mîthomithanîrie mîgeni îrîa îrî kuo ya mîthemba mîîngî. Nî waro ngoro igîcage na vinya kuuma kûrî wega wa Ngai, nwatî tî kuumana na kwathîkîra mawatho megiî irio. Nîûndû arîa mathîkagîra mawatho mama matîtethekaga nîmo.

2Pet 1:5

Na nîûndû wa gîtûmi kîu, geragiani mûno mwongagîrîre gwîka waro wîtîkiorî wenyu, na gwîka waro kwenyu mwongagîrîre ûmenyo,

2Pet 3:18

Nwatî thiîni na mbere gûkûra mûrî na wega na ûûgî wa Mwathani na Mûvonokia wetû Jesû Kristû. Ke arokumua rîu nginya tene na tene! Ameni.

2Joh 1:9

Mûndû wa wonthe ûreganîte na kîrîra gîa Kristû na akathiî agakîria njano, ndethagîrwa arî na Ngai. Nwatî ûrîa ûrûmagîrîra kîrîra gîa Kristû ethagîrwa arî na îthe wana Mûriû.

1Sam 12:21

Tigani gûtungatîra Ngai cia maveeni. Ngai icio itîngîmûguna kana imûvonokie, nîûndû tî cia ma.