1Akor 14:2 - ÎVUKU RÎA ÛVORO MWARO

² Andû arîa maragia na nthiomi matiîthagîrwa makîarîria andû nwatî methagîrwa makîarîria Ngai, nîûndû gûtirî mûndû wîthagîrwa agîtaûkîrwa nî maûndû marîa maragia. Matongoragua nî Roho makîaria ûma ûrîa ûrî nthithorî.

1Akor 14:2 ပူးပေါင်းရင်းမြစ်များ

Kîam 11:7

Tiga tûnyûrûrûke nthî nîguo tûmavîngîcanîrie rûthiomi rwao, nîguo matikeguithanagie mîariorî.”

Kîam 42:23

Josefu nîwataûkîrwe nî ûrîa maaugaga, nwatî o matiamenyaga kana Josefu nîwataûkagîrwa nîûndû makîmwarîria nîkwa maataûragîrwa nî mûndû.

2Atha 18:26

Eliakimu, Shebuna, na Joa nîmaacokire makîra Rabushake atîrî, “Twakûthaitha warie natue na rûthiomi rwa Suriata, na nîtûkûrwîgua. Tiga gûtwarîria na rûthiomi rwa Kîhibirania nîûndû wana nthingo irî matû.”

Thaburi 78:2

Nî mbaria namue na nthimo, maûndû marîa matwîre marî mathithe kuuma tene,

Mathaayo 13:11

Nake Jesû nîwamacokerie atîrî, “Mue nîmûvetwe ûmenyo wa nthitho cia ûthamaki wa îgûrû nwatî acio engî tî ave.

Maariko 16:17

Nao etîkia nîmakaavewa ûvoti wa kûringa ciama, wa kûrutûrûra ngoma kuuma kûrî andû na rîîtwa rîakwa na wa kwaria na nthiomi ng'eni.

Maariko 4:11

Nake nîwamacokerie atîrî, “Mue mûrî aguûrîrie nthitho ya ûthamaki wa Ngai. Nwatî andû arîa engî megucaga maûndû na ngerekano, nîguo,

Ciîko 10:46

Etîkia acio a Kîyahudi nîmaamegwire makîaria na nthiomi ng'eni na magîkumagia Ngai. Nake Petero nîwaûririe atîrî:

Ciîko 19:6

Nake Paûlo nîwamaigîrîre njara na Roho Mûtheru akîmanyûrûrûkîra. Nao nîmaambîrîrie kwaria na nthiomi ng'eni na kûva andû ndûmîrîri îrîa yumîte kûrî Ngai.

Ciîko 22:9

Nao andû arîa twarî nao nîmoonire ûtheri ûcio, nwatî matiegua mûgambo wa ûcio wambaragîria.

Aroma 16:25

Nîtûkumieni Ngai! Ke arî na ûvoti wa gûtûma mwîkare mûkindîrîtie wîtîkiorî wenyu kûringana na Ûvoro mwaro wîgiî Jesû Kristû ûrîa mvunjagia, na kûringana na kûguûrîrua nthitho ya ûvoro wama ûrîa wethîrîtwe ûrî mûthithe gwa kavinda karaca mûno.

1Akor 12:10

Roho nîavecaga mûndû ûmwe kîveo gîa kûringa ciama; kûrî wîngî akavecana ûvoti wa kûvecana ndûmîrîri ya Ngai; na kûrî wîngî akavecana ûvoti wa kûthuurûkania nî iveo irîkû ciumanîte na Roho na nî irîkû itaumanîte na Roho. Roho nîavecaga mûndû ûmwe ûvoti wa kwaria na nthiomi cia mîthemba ngûrani, na kûrî mûndû wîngî akavecana ûvoti wa gûtaûra nthiomi icio.

1Akor 12:28

Kanitharî Ngai nîathuurîte: amwe matuîke atûmwa, engî arathi, na kathatû akathuura arimû. Nîacokete akathuura aringi ciama; makarûmîrîrwa nî arîa mavetwe ûvoti wa kûvonania, arîa matethagia arîa engî, atongoria na arîa maragia na nthiomi.

1Akor 13:1

Nie nwa mbarie nthiomi irîa ciaragua nî andû na irîa ciaragua nî araika. Nwatî ethîrwa ndirî na wendani, mîario yakwa îkariî ta ithaani irîa iringithanagua ikagamba kana ta ngengere îkîgamba.

1Akor 13:2

Nwa mbîthîrwe nîmvotaga kûvunjia ndûmîrîri ya Ngai, na nwa mbîthîrwe nîmenyaga maûndû monthe na ngataûkîrwa nî maûndû monthe marîa marî nthithorî. Wana nwa mbîthîrwe nîrî na wîtîkio mûnene ta ûrîa ûngîvota kûthamia irîma. Nwatî ethîrwa ndirî na wendani, ndirî na vata wana vanini.

1Akor 14:16

Nwatî ethîrwa mue mûkumagia Ngai na roho wenyu, mûndû ûrîa ûtarî mûtaûkîre na mûrî nake mavoyarî menyu angîvota atîa kuga “Ameni”? Ke ndangîvota kûmenya ûrîa ûrauga.

1Akor 14:26

Kwoguo ariû na aarî a îthe wetû, vîndî îrîa mûcemanîtie vamwe nîûndû wa kûgooca, mûndû ûmwe nîethagîrwe arî na rwîmbo, wîngî ethagîrwe arî na kîthomo, wîngî ethagîrwe arî na ûguûrio kuuma kûrî Ngai, wîngî ethagîrwe akîaria na nthiomi na wîngî ethagîrwe nîaravota gûtaûra ûrîa nthiomi icio ciugîte. Mworoto wa maûndû mama monthe wagîrîrwe nî kwîthîrwa ûrî wa gwîkîra kanitha vinya.

1Akor 15:51

Tathikîrîriani nîmwîre nthitho: Tuonthe tûtigaakua, nwatî tuonthe nîtûkaagarûrûa,

1Akor 2:10

Nwatî Ngai nîatûguûrîrîtie nthitho yake na njîra ya Roho wake. Roho atuîragia maûndû monthe wana nginyagia nthitho irîa ndikîru mûno cia Ngai.

1Akor 2:7

Mbaragia ûvoro wîgiî ûûgî wa Ngai ûrîa ûtwîre ûthithîtwe. Na wana mbere ya nthî yûmbwa, Ngai nîwaûthuurîte nîguo tûgîe na riiri.

Aefeso 6:19

Mvoyagîrani wa nanie atî rîrîa navingûra kanyua gakwa, Ngai amvecage ciugo nîguo mbaragie nthitho ya ûvoro mwaro ndarî na guoya.

Gûco 28:49

Ngai-Mûnene nîakaarete vûrûri kuuma kûndû kûraca ûrîa mûtaicî rûthiomi rwao, ûûke ûmûtharîkîre wa rîmwe ta nderi.

Akol 2:2

Mbîkaga ûguo nîguo andû acio magîe na ûmîrîru na magwatanue vamwe nî wendani na magîe na ûtonga wa gûtaûkîrwa nî ûmenyo wa nthitho ya Ngai viû, îrîa arî yo Kristû ke mwene.

1Tim 3:16

Gûtirî na nganja atî ûvoro ûyû wa Ngai nî nthitho nene: Ke onanirue arî mûndû, Roho nîwonanirie atî aarî mwagîrîru, na nîwonirwe nî araika. Ûvoro wake nîwavunjirue kûrî andû a ndûrîrî, nîwetîkirue nî andû a nthî yonthe, na nîwavirirwe îgûrû kûrîa kûrî na riiri.

1Tim 3:9

Nîmaagîrîrwe nî kwîthîrwa mekindîrîtie nthithorî ya wîtîkio na marî na thamiri ntheru.

Kûguû 10:7

Nwatî kavinda karîa mûraika wa mûgwanja akaavuva karumbeta gake Ngai nîakaavingia mûvango wa nthitho yake, wata ûrîa aanîrîre kûrî ndungata ciake na nîcio arathi.”