1Akor 14:16 - ÎVUKU RÎA ÛVORO MWARO

¹⁶ Nwatî ethîrwa mue mûkumagia Ngai na roho wenyu, mûndû ûrîa ûtarî mûtaûkîre na mûrî nake mavoyarî menyu angîvota atîa kuga “Ameni”? Ke ndangîvota kûmenya ûrîa ûrauga.

1Akor 14:16 ပူးပေါင်းရင်းမြစ်များ

1Atha 1:36

Nake Benaia mûvîcî wa Jehoiada nîwacokerie mûthamaki atîrî, “Ameni, Ngai-Mûnene, Ngai wa mwathi wakwa mûthamaki arouga wa ûguo.

1Maû 16:36

Ngai-Mûnene, Ngai wa Isiraeli, Nîakumue! Nîakumue nginya tene na tene.” Andû onthe nîmaacokire makiuga, “Ameni,” na nîmaakumirie Ngai-Mûnene.

Nehemia 5:13

Nînarutire nguo yakwa îrîa nerigicîrîtie kîûnû na ngîmîrivariva na ngiuga atîrî, “Ûguo nîguo Ngai akaarivariva mûndû wa wonthe ûtakaavingia ûrîa eranîra. Ngai nîakaamûcuna nyomba cienyu na indo cionthe irîa mûrî nacio, amûtige mûtarî na kîndû.” Nao andû onthe arîa maagomanîte vau nîmaaugire “Ameni” na nîmaagocire Ngai. Nao andû nîmeekire ûrîa meeranîrîte.

Nehemia 8:6

Ezira nîwaugire atîrî, “Ngai-Mûnene, Ngai ûrîa mûnene nîakumue!” Andû onthe nîmaambararirie njara na îgûrû rîerarî na magîcokia atîrî, “Ameni! Ameni!” Nao nîmaaturirie maru magîturumithia mothiû mao nthî na makîgooca Ngai-Mûnene.

Thaburi 106:48

Ngai-Mûnene, Ngai wa Isiraeli arokumua; arokumua tene na tene! Andû onthe nîmauge, “Ameni!”

Thaburi 41:13

Ngai-Mûnene, Ngai wa Isiraeli arokumua! Arokumua tene na tene! Ameni! Ameni!

Thaburi 72:19

Rîîtwa rîake rîrî riiri rîrokumagua tene ne tene! Riiri wake ûroîcûra nthî yonthe. Ameni! Ameni!

Thaburi 89:52

Ngai-Mûnene, ûrokumua tene na tene! Ameni! Ameni!

Jeremia 11:5

Nanie nîngavingia maûndû marîa neranîre kûrî methe menyu na mwîvîtwa, atî nîngaamava vûrûri ûrî na îriia na ûûkî, (ûrîa marî naguo rîu).” Nînacokire ngiuga atîrî, “Ngai-Mûnene, kûrotuîka guo.”

Jeremia 28:6

na akîmwîra atîrî, “Ameni! Ngai-Mûnene aroîka guo. Ngai-Mûnene arovingia maûndû marîa waratha na acokie indo cionthe cia hekarû kuuma Babuloni, airete gûkû vamwe na andû arîa onthe maatavîtwe makavirwa îthamîriorî.

Ndari 5:22

Manjî mama marotonya îvurî rîaku na matûme rimbe na ciîga ciaku cia ûciari ithire vinya.” Nake mûndûmûka nîagaacokia atîrî, “Ameni, Ameni.”

Mathaayo 15:36

Nîwacokire agîoca mîgate îo mûgwanja na nthamaki, agîcokia ngatho kûrî Ngai, agîcienyûranga na akînengera arutwa. Nao makîgaîra andû.

Mathaayo 28:20

Mathomithagieni kwathîkîra maûndû monthe marîa nîmwathîte. Ngethagîrwa nîrî vamwe na mue vîndî cionthe kinya îthirîro rîa mavinda mama.”

Mathaayo 6:13

Ndûgatûvire mageriorî, nwatî ûtûvonokie kuuma kûrî Ûrîa Mûcûku.’

Maariko 16:20

Nao arutwa nîmaathiîre na makîvunjia ûvoro mwaro kûndû kuonthe. Nake Mwathani nîwethagîrwa arî vamwe nao na agekagîra ndûmîrîri yao vinya na njîra ya ciama irîa ciaringagwa.] [

Johana 21:25

Kûrî maûndû mengî meengî Jesû eekire. Angîthîrwa maûndû mau monthe nîmaandîkirwe, nîreciria wana nthî yonthe ndîngîganîra mavuku marîa mangîandîkwa.

Johana 7:15

Nao atongoria a Ayahudi nîmaamakire mûno na makîûria atîrî, “Mûndû ûyû aramenya maûndû mama monthe atîa na ke ndaanathomithua?”

Ciîko 4:13

Nao athuuri a Kîamma nîmaamakire moona ûrîa Petero na Johana maaûmîrîrîtie. Nîmaamenyire atî o maarî andû mataarî ngûrani na andû arîa engî na matiarî athomu. Kwoguo nîmaamenyire atî Petero na Johana nîmaatûûranîtie na Jesû.

1Akor 11:24

agîcokia ngatho kûrî Ngai, akîwenyûranga na akiuga atîrî, “Ûyû nîguo mwîrî wakwa ûrîa ûvecanîtwe nîûndû wenyu. Îkagani ûguo nîûndû wa kûndirikanaga.”

1Akor 14:14

Ethîrwa mvoyaga na nthiomi, roho wakwa nîke wîthagîrwa akîvoya, nwatî meciria makwa matiîthagîrwa makîgunîka.

1Akor 14:2

Andû arîa maragia na nthiomi matiîthagîrwa makîarîria andû nwatî methagîrwa makîarîria Ngai, nîûndû gûtirî mûndû wîthagîrwa agîtaûkîrwa nî maûndû marîa maragia. Matongoragua nî Roho makîaria ûma ûrîa ûrî nthithorî.

1Akor 16:24

Wendo wakwa nîwîkarage namue muonthe mûrî ndaarî ya Kristû Jesû. Ameni.

2Akor 1:20

nîûndû nîke wîthagîrwa arî “Ii” kûrî ciîranîro cionthe cia Ngai. Ûndû ûyû nîguo ûtûmaga tuge na njîra ya Jesû Kristû “Ameni” rîrîa tûgûkumia Ngai na njîra ya Jesû Kristû.

Kûguû 22:20

Nake ûrîa wanagîrîra ndûmîrîri îno yonthe augaga atîrî, “Nî ma nîmbûka warîu!” Ameni. Ûka, Mwathani Jesû!

Kûguû 5:14

Nacio ciûmbe inya irîa irî mwoyo nîciacokirie atîrî, “Ameni!” Nao athuuri nîmeegwîthirie nthî na makîgooca.

Kûguû 7:12

makiugaga atîrî, “Ameni! Ngumo, riiri, ûûgî, ngatho, na gîtîîo, vinya na ûvoti nî cia Ngai wetû tene na tene! Ameni!”