1Akor 14:12 - ÎVUKU RÎA ÛVORO MWARO

¹² Ûguo nwa guo mwîkariî. Ethîrwa nîmwîriragîria mûno kûgîa na iveo irîa Roho avecanaga, nwa nginya mûgeragie mûno makîria ûrîa mûngîvota gûtûmîra iveo irîa ciîkîraga kanitha vinya.

1Akor 14:12 ပူးပေါင်းရင်းမြစ်များ

Aroma 14:19

Kwoguo nîtûcaragie maûndû marîa maretaga thayû na marîa mangîtûtethia kwonganagîrîra vinya.

1Akor 12:31

Kwoguo îîriragîrieni na vinya kûgîa na iveo irîa irî vata mûno makîria. Nwatî rîu nie nîngûmwonia njîra îrîa mbaro gûkîra irîa ciîngî cionthe.

1Akor 12:7

Wa mûndû nîavecagwa Roho nîûndû wa wagîrîru wa andû onthe.

1Akor 14:1

Geragiani na vinya mûno kûgîa na wendani. Îîriragîrieni na vinya mûno kûgîa na iveo cia kîîroho, na mûno makîria kîveo gîa kûvota kwanîrîra ndûmîrîri ya Ngai.

1Akor 14:13

Mûndû wa wonthe waragia na nthiomi nwa nginya, avoe nîguo avewe ûvoti wa gûitaûra.

1Akor 14:26

Kwoguo ariû na aarî a îthe wetû, vîndî îrîa mûcemanîtie vamwe nîûndû wa kûgooca, mûndû ûmwe nîethagîrwe arî na rwîmbo, wîngî ethagîrwe arî na kîthomo, wîngî ethagîrwe arî na ûguûrio kuuma kûrî Ngai, wîngî ethagîrwe akîaria na nthiomi na wîngî ethagîrwe nîaravota gûtaûra ûrîa nthiomi icio ciugîte. Mworoto wa maûndû mama monthe wagîrîrwe nî kwîthîrwa ûrî wa gwîkîra kanitha vinya.

1Akor 14:5

Nie nwa mende muonthe mwîthagîrwe mûkîaria na nthiomi, nwatî nwa mende mûno makîria mûgîe na kîveo gîa kwanîrîra ndûmîrîri ya Ngai. Andû arîa managîrîra ndûmîrîri ya Ngai methagîrwa marî vata gûkîra arîa maaragia na nthiomi; tiga nwanga vethîrîtwe varî na andû engî mangîvota gûtaûra ûrîa marauga nîguo kanitha yonthe îkîrwe vinya.

Tito 2:14

Ke nîwevecanire nîûndû wetû nîguo atûkûûre kuuma kûrî waganu wa mîthemba yonthe na atûtue andû atheru ake ke mwene, na andû meriragîria gwîka maûndû maro.