1Akor 13:8 - ÎVUKU RÎA ÛVORO MWARO

⁸ Wendani ndûthiraga. Morathi nîmakaathira, kwaria na nthiomi nîgûkaathira na ûmenyo wa naguo nîûkaathira.

1Akor 13:8 ပူးပေါင်းရင်းမြစ်များ

Jeremia 49:7

Ûvororî wîgiî Edom Ngai-Mûnene mwene vinya wonthe arauga atîrî, “Nîkwa andû a Edomu mathirîtwe nî ûûgî? Nîkwa arîa mamataaraga matigîte kûmataara? Nîkwa ûûgî wao wonthe ûrî mûthiru viû?

Luka 22:32

Nwatî we Simoni, nie nîrîmûkûvoeru nîguo wîtîkio waku ndûkenyenyue. Na wanjokerera ûgeekagîra aa mûrwanyûkwe vinya.”

Ciîko 13:1

Kanitharî wa Antiokia nîkwarî na arathi na arimû aya: Baranaba, Simioni (ûrîa wetagwa Mwirû), Lukio (wa kuuma Kurene), na Manaini (ûrîa wareranîrîtue vamwe na Herode ûrîa warî mûnene), na Saûlo.

Ciîko 19:6

Nake Paûlo nîwamaigîrîre njara na Roho Mûtheru akîmanyûrûrûkîra. Nao nîmaambîrîrie kwaria na nthiomi ng'eni na kûva andû ndûmîrîri îrîa yumîte kûrî Ngai.

Ciîko 2:4

Nao onthe nîmecûrirwe nî Roho Mûtheru, na makîambîrîria kwaria na nthiomi ciîngî wata ûrîa Roho ûcio aamavotithirie kwaria.

1Akor 12:10

Roho nîavecaga mûndû ûmwe kîveo gîa kûringa ciama; kûrî wîngî akavecana ûvoti wa kûvecana ndûmîrîri ya Ngai; na kûrî wîngî akavecana ûvoti wa kûthuurûkania nî iveo irîkû ciumanîte na Roho na nî irîkû itaumanîte na Roho. Roho nîavecaga mûndû ûmwe ûvoti wa kwaria na nthiomi cia mîthemba ngûrani, na kûrî mûndû wîngî akavecana ûvoti wa gûtaûra nthiomi icio.

1Akor 13:10

Nwatî vîndî îrîa ûndû ûrîa mûkinyanîru ûgaaûka, ûndû ûrîa ûtarî mûkinyanîru nîûkaathira.

1Akor 13:13

Kwoguo maûndû mama mathatû nîmagaatûûra na nîmo: wîtîkio, mwîrîgîrîro na wendani. Nwatî ûndû ûrîa mûnene viû gatagatîrî ka mau mathatû nî wendani.

1Akor 14:39

Kwoguo ariû na aarî a îthe wetû, nîmwagîrîrwe nî kwîrirîria ûvoro wîgiî kwanîrîra ndûmîrîri ya Ngai. Nwatî mûtikarigîrîrie etîkia kwaria na nthiomi.

1Akor 8:2

Mûndû wa wonthe ûrîa wîciragia atî nîkûrî na ûndû aicî, na ma ndethagîrwa aicî ta ûrîa agîrîrwe nî kwîthîrwa aicî.

Agal 5:6

Nîûndû rîrîa tûrî ûrûmwe na Jesû Kristû, ûndû ûrîa ûrî vata tî kûrua kana kûrega kûrua, nwatî nî wîtîkio ûrîa ûrutaga wîra na njîra ya wendani.

Ahib 8:13

Rîrîa Ngai aaririe ûvoro wa kîrîkanîro gîcerû ke nîwatuire kîrîkanîro kîrîa Kîam mbere gîkûrû. Nakîo kîndû wa kîonthe kîrakûra na gîgatuîkanga, nîkwa kîûraga.