1Akor 13:7 - ÎVUKU RÎA ÛVORO MWARO

⁷ Wendani nî ûkiragîrîria maûndû monthe. Wendani ndûtigaga gwîtîkia, kwîrîgîrîra na nîûkiragîrîria vîndî cionthe.

1Akor 13:7 ပူးပေါင်းရင်းမြစ်များ

Kîam 29:20

Jakovu nîwarutire wîra mîaka mûgwanja nîguo anengerwe Rakeli. Kûrî ke, mîaka îo mûgwanja yonekaga ta mîthenya mînini, nîûndû wa ûrîa eendete Rakeli.

Ayubu 13:15

Enda kûmbûraga nîambûrage, ndirî na mwîrîgîrîro wîngî. Kûnarî ûguo, ngeyarîrîria varî ke.

Thaburi 119:66

Nthomithia ûûgî na ûmenyo, nîûndû nîmbîtîkîtie maathani maku.

Nthi 10:12

Rûthûro rûretaga ngucanio, nwatî rwendo rûrekagîra mavîtia monthe.

Mathaayo 10:22

Andû onthe nîmakaamûmena nîûndû wakwa. Nwatî mûndû wa wonthe ûkaaûmîrîria nginya mûthiia, nîakaavonokua.

Maariko 9:23

Nake Jesû nîwerire îthe wa kamwana kau atîrî, “Atî angîthîrwa nwa mvote! Mûndû ûrîa wîtîkîtie nwa avote gwîka ûndû wa wonthe.”

Aroma 15:1

Tue arîa tûrî na vinya wîtîkiorî nîtwagîrîrwe nî gûtethia arîa matarî na vinya wîtîkiorî, tûtigekenagie tue ene.

Aroma 8:24

Nîûndû twavonokirue nîûndû wa kîîrîgîrîro kîu. Nwatî ethîrwa tûrî onu kîrîa twîrîgagîrîra, gûtirî na vata wa gûkîîrîgîrîra nîûndû gûtirî mûndû wîrîgagîrîra kîrîa arona.

1Akor 13:4

Wendani nîûkiragîrîria na nîûtuganaga. Wendani ndûrî wîru, ndwîgathaga na ndûrî mwîtîîo.

1Akor 9:12

Ethîrwa andû arîa engî marî na kîvooto gîa kûvewa nîmue indo cienyu cia gûkû nthî, na kinthî tue tûtirî na kîvooto kînene makîria? Nwatî tûtianatûmîra kîvooto gîkî. Vandû va ûguo, nîtûûmagîrîria maûndû monthe nîguo tûtigeke ûndû wana ûmwe ûngîgiria andû mavunjie Ûvoro Mwaro wîgiî Kristû.

Agal 6:2

Kuuanagîrani mîrigo mûndû na ûrîa wîngî. Mweka ûguo, mûkethagîrwa mûkîathîkîra watho wa Kristû.

Gûco 1:9

Musa nîwerire andû atîrî, “Vîndî îrîa twarî kîrîmarî gîa Sinai, nînaamwîrire atî, ‘Wîra ûyû wa kûmûtongoria nî mûrito mûno kûrî nie. Ndingîûvota nienga.

Gûco 22:27

nîûndû mûndûmûrûme ûcio aamenyanire na mwîrîtu ûcio kîîmwîrî na vinya arî kûndû gûtarî andû; kwoguo wana ethîrwa nîwaugire mbu, gûtirî mûndû wathiîre kûmûtigithia.

2Ath 1:4

Kwoguo nîtwîtîîaga nîûndû wenyu tûrî makanitharî mengî ma Ngai. Twîtîîaga îgûrû rîgiî ûrîa mûmagîrîria na mûgetîkia wana ethîrwa nîmûranyarirwa na mûkathînua.

2Tim 2:24

Ta ndungata ya Mwathani ndwagîrîrwe nî kwîthîrwa ûrî wa înegene, nwatî wagîrîrwe nî kwîthîrwa ûrî mûndû wa ntha kûrî andû onthe, ûrî mwarimû mwaro na mûkirîrîria.

2Tim 3:11

Wana nîûrûmîrîrîte kûnyarirwa gwakwa, na mathîna makwa. We nîwîcî ûrîa naanyaririrwe rîrîa naarî Antiokia, Ikonia, Lusitera, na ngîûmîrîria! Nwatî Mwathani nîwandethûrire kuuma mînyamaarorî îo yonthe.

2Tim 4:5

Nwatî nwanginya wîkarage wîîguîte vingo cionthe. Ûmagîrîria mathîna, rutaga wîra wa kûvunjia ûvoro mwaro na ûrutage wîra waku wonthe wa gûtungatîra Ngai.

Ahib 13:13

Kwoguo nîtûthiîni kûrî ke vau nja ya îtûûra tûconorithue na njîra wata îrîa aaconorithirue nayo.

Jakuvu 1:12

Kûrathimwa nî andû arîa maûmagîrîria magerio, nîûndû mavootana mageriorî ta mau nîmakaanyita nthûmbî ya mwoyo îrîa Ngai erîîre andû arîa mamwendete.

1Pet 2:24

Kristû ke mwene nîwakuuire mevia metû mûtharavarî na njîra ya mwîrî wake. Eekire ûguo nîguo maûndûrî ma wîvia twîkare ta tûrî akuû na tûtûûrage mwoyo maûndûrî ma ûthingu. Mue rîu nîmûvonetue na njîra ya ironda ciake.

1Pet 4:8

Îgûrû rîa maûndû monthe endaga mûndû ûrîa wîngî na ngoro yaku yonthe, nîûndû wendani nîûkunîkagîra mevia mengî.