1Akor 13:12 - ÎVUKU RÎA ÛVORO MWARO

¹² Rîu twonaga maûndû mekariî ta kîruru gîciciorî, nwatî vîndî îo nîtûkaamonaga ûthiû kwa ûthiû. Rîu nîramenya maûndû wa gîcunjî tu. Vîndî îo ngaamenya maûndû monthe wata ûrîa Ngai ambîcî.

1Akor 13:12 ပူးပေါင်းရင်းမြစ်များ

Kîam 32:30

Jakovu nîwaugire atîrî, “Nie nîmonanîte na Ngai ûthiû kwa ûthiû, na nîrî wa mwoyo.” Kwoguo Jakovu nîwetire vandû vau Penieli.

Ayubu 19:26

Wana ikonde ciakwa ciacûkangua, nie mwene nîngeyonera Ngai-Mûnene na metho makwa.

Ayubu 36:26

Ngai nî mûnene mûno na tûtingîvota kûmûmenya, kana tûmenya ûkûrû wake.

Ntha 33:11

Ngai-Mûnene aaragia na Musa makîonanaga ta ûrîa mûndû aragia na mûrata wake. Musa acoka kûrîa andû maambîte magema, Joshua mûvîcî wa Nuni ûrîa wamûtethagia aatigagwa kûu îgemarî. Joshua aarî mwanake.

Ezek 17:2

“Mûndû! Gwatithania ndaî na warîrie andû a Isiraeli na ngerekano,

Ndari 12:8

Mbaragia nake metho kwa metho, na mbaragia cararûkû ndagûtûmîra nthimo. Ke nîwîcî ûrîa mvana! Mwaregire gwîtigîra nîkî mûkîaria maûndû macûku megiî ndungata yakwa Musa?”

Mathaayo 18:10

“Menyererani atî mûtikae kûnyarara kaana wana kamwe ga tûtû tûnini. Nîramwîra na ma atî araika a tuo arîa marî îgûrû methagîrwa marî varî Ngai Vava ûrîa ûrî îgûrû. [

Mathaayo 5:8

Kûrathimwa nî arîa atheru ngoro, nîûndû nîmakoona Ngai!

Johana 10:15

wata ûrîa Vava ambîcî, nanie ngamenya Vava. Nînaruta mwoyo wakwa nîûndû wa cio.

Aroma 8:18

Nie monaga atî mathîna marîa tûrî namo îvindarî rîîrî matingîringithanua wana vanini na riiri ûrîa tûkaaguûrîrua.

1Akor 13:11

Vîndî îrîa naarî mwana, naaragia ta mwana, neciragia ta mwana na nataûkagîrwa nî maûndû ta mwana. Na rîu nîûndû nîrîmûgimaru, nîrîmûtiganîriu mîtugo ya wana.

1Akor 8:3

Nwatî Ngai nîwîcî mûndû wa wonthe ûmwendete.

2Akor 3:18

Tue tuonthe twîthagîrwa tûrî akunûre mothiû nîguo twonanagie riiri wa Mwathani. Naguo riiri ûrîa uumaga kûrî Mwathani, ûrîa arî ke Roho, nîatûgarûraga tûkavanana nake na tûrî na riiri makîria.

2Akor 5:7

Nîûndû tûthiîcaga na wîtîkio, tî na ûrîa tûrona.

Afil 3:12

Nditucaga atî nîrîmûgîu na kîndû kana atî nîrî mûkinyanîru viû, nwatî mbîthagîrwa ngîîrutanîria nîguo ngîe na kîveo nîûndû Kristû nîmûvootanu na akandua wake.

Jakuvu 1:23

Mûndû wa wonthe ûthikagîrîria kiugo na ndekaga ûrîa kiugaga ekariî ta mûndû ûrîa wîroragia ûthiû wake na gîcicio.

1Joh 3:2

Arata akwa, tue rîu tûrî ciana cia Ngai. Gûtiramenyekana waro ûrîa tûkethîrwa twîkariî. Nwatî nîtwîcî atî rîrîa Kristû akoonekana, tûkethîrwa twîkariî take nîûndû tûkaamwona nama ûrîa ekariî.

Kûguû 22:4

Nao nîmakoona ûthiû wa Ngai, na rîîtwa rîake nî rîkaandîkwa mothiûrî mao.