1Akor 12:9 - ÎVUKU RÎA ÛVORO MWARO

⁹ Roho wa ûcio nîavecaga mûndû ûmwe wîtîkio, na kûrî mûndû wîngî Roho wa ûcio nîavecanaga ûvoti wa kûvonia.

1Akor 12:9 ပူးပေါင်းရင်းမြစ်များ

Mathaayo 10:8

Vonagiani arwaru, riûkagiani arîa akuû, theragiani arîa marî na mûrimû mûcûku wa ngothi, na mûrutûrûrage ndaimono. Nie namûva ûvoti ûyû mana, kwoguo vecanagani mana.

Mathaayo 21:21

Nake Jesû nîwamacokerie atîrî, “Nie nîramwîra nama atî mûngîtîkia mûtarî na nganja, mue nwa mûvote gwîka ûrîa nie neka mûkûyû ûyû. Na twa ûguo wonga, nwatî nwa mûvote wana kwîra kîrîma gîkî atîrî, ‘Îîkûûre na wîikie îriarî, na gîgeikia.’

Maariko 16:18

Na mangîkaanyita njoka kana manyue ûrogi, itikaamacûkia. Nîmakaaigîrîra arwaru njara na mavone.”

Maariko 6:13

Nao nîmaarutûrûrire ngoma nyîngî, makîvaka arwaru eengî mûno maguta na makîmavonia.

Luka 10:9

Vonagiani arwaru arîa makethagîrwa marî kuo, na mwîrage andû akuo atî, ‘Ûthamaki wa Ngai ûrî vakuvî mûno namue.’

Luka 9:2

Nîwacokire akîmatûma mathiî makavunjie Ûvoro wa Ûthamaki wa Ngai na makavonie arwaru.

Ciîko 10:38

Mue nîmwîcî ûvoro wîgiî Jesû Mûnazarethi. Ngai Nîwamûvere Roho Mûtheru na akîmûva vinya. Jesû nîwathiîcaga kûndû kuonthe agîkaga waro na akîvonagia arîa onthe maanyitîtwe nî Ngoma. Jesû eekaga ûguo nîûndû Ngai aarî vamwe nake.

Ciîko 5:15

Andû nîmaakuuaga arwaru ao na makamaumîria njîrarî mamamîrîte morîrî na ivarî. Maamaigaga kuo marî na mwîvoko atî arwaru amwe nîmakûvutua nî kîruru Kîam Petero vîndî îrîa aavîtûkaga kuo.

1Akor 12:28

Kanitharî Ngai nîathuurîte: amwe matuîke atûmwa, engî arathi, na kathatû akathuura arimû. Nîacokete akathuura aringi ciama; makarûmîrîrwa nî arîa mavetwe ûvoti wa kûvonania, arîa matethagia arîa engî, atongoria na arîa maragia na nthiomi.

1Akor 12:30

Tî andû onthe methagîrwa mavetwe ûvoti wa kûvonia mîrimû, kana ûvoti wa kwaria na nthiomi ng'eni kana ûvoti wa gûtaarîria nthiomi icio.

1Akor 13:2

Nwa mbîthîrwe nîmvotaga kûvunjia ndûmîrîri ya Ngai, na nwa mbîthîrwe nîmenyaga maûndû monthe na ngataûkîrwa nî maûndû monthe marîa marî nthithorî. Wana nwa mbîthîrwe nîrî na wîtîkio mûnene ta ûrîa ûngîvota kûthamia irîma. Nwatî ethîrwa ndirî na wendani, ndirî na vata wana vanini.

2Akor 4:13

Kwandîkîtwe mandîkorî matheru atîrî, “Nie naaririe nîûndû nînetîkirie.” Kwoguo tûrî mwoyo ûcio wa wîtîkio, tue wanatue nîtwaragia nîûndû nîtwîtîkîtie.

Aefeso 2:8

Nî wega wa Ngai ûtûmîte mûvonokue na njîra ya gwîtîkia. Ûvonokio wenyu ndumanîte na mawîra marîa mwanaruta, nwatî nî kîveo kuuma kûrî Ngai.

Ahib 11:33

Na njîra ya wîtîkio nîmaarûire na mavûrûri monthe na makîmavoota. Nîmeekire ûrîa kwagîrîrîte na Ngai nîwamavere kîrîa aamerîrîte. Nîwavingire tûnyua twa mînyambû,