1Akor 12:6 - ÎVUKU RÎA ÛVORO MWARO

⁶ Kûrî mîthemba ngûrani ya ûtungata, nwatî Ngai ûrîa ûvecanaga vinya wa gûtungata kûrî mûndû wa mûndû nî ûmwe.

1Akor 12:6 ပူးပေါင်းရင်းမြစ်များ

Ayubu 33:29

Taroria, Ngai nîekaga mûndû maûndû mama monthe, nîamekaga maita meengî kûrî mûndû.

Johana 5:17

Nwatî Jesû nîwerire Ayahudi atîrî, “Vava nîarutaga wîra vîndî cionthe na wa nanie nwa nginya ndute wîra.”

1Akor 12:11

Wîra ûcio wonthe ûrutagwa nî Roho ûcio ûmwe. Kûringana na wendi wake, Roho nîavecanaga iveo ngûrani kûrî wa mûndû.

1Akor 12:5

Kûrî njîra nyîngî cia gûtungata nacio, nwatî nî Mwathani wa ûcio ûmwe ûtungatagwa.

1Akor 15:28

Ngai aiga indo cionthe rungu rwa wathani wa Kristû, Kristû ke mwene nîakeeiga rungu rwa wathani wa Ngai ûrîa waigire indo cionthe rungu rwa Mûriû, nake Ngai nîagaacoka athane maûndûrî monthe.

1Akor 3:7

Kwoguo mûndû ûrîa ûvandaga wana ûrîa wîtagîrîria manjî ndarî vata. Ngai tu nîke ûrî vata nîûndû nîke ûtumaga indo ikûre.

Aefeso 4:6

Kûrî Ngai ûmwe na nîke Îthe wa andû onthe. Ke athaga andû onthe, akaruta wîra na njîra ya andû onthe na agekara ndaarî ya andû onthe.

Afil 2:13

Ngai ethagîrwa akîruta wîra ndaarî yenyu vingo cionthe, nîguo atûme mwende na mûvote kwathîkîra wendi wake.

Akol 1:29

Na nîguo maûndû mama monthe mekîke, nîndutaga wîra mûmû na ngathînîka ngîvûthagîra ûvoti mûnene ûrîa Kristû avecanaga na wonekanaga na njîra ya maûndû marîa mbîkaga.

Akol 3:11

Nîûndû wa ûguo, rîu gûtirî na ngûrani ya andû a ndûrîrî na Ayahudi, ya mûndû mûruu na ûtarî mûruu, ya mûndû mûkingitaru na ya mûvoi mîvuanano, ya mûndû ngombo na ûtarî ngombo. Nwatî Kristû nîke maûndû monthe, kûrî andû onthe.

Ahib 13:21

Ngai mwene thayû aromûva indo cionthe mbaro irîa mûvatarîte nîguo mwîkage wendi wake. Na njîra ya Jesû Kristû arotwîka ûndû ûrîa ûmûkenagia. Nake Kristû arokumagua tene na tene. Ameni!