1Akor 12:13 - ÎVUKU RÎA ÛVORO MWARO

¹³ Amwe gatagatîrî getû nî Ayahudi, na amwe nî andû a Ndûrîrî, na engî nî ngombo, na amwe nî andû marî na wîyathi. Nwatî tuonthe twavatithirue na njîra ya Roho ûmwe tûgîtuîka mwîrî ûmwe, na tûkînyua Roho wa ûcio ûmwe.

1Akor 12:13 ပူးပေါင်းရင်းမြစ်များ

Rwîmbo rwa Nyîmbo 5:1

Nînatonya mûgûndarî wakwa, mwendwa wakwa, mûviki wakwa. Nîraûngania mînyamû mînungi waro ya mare yakwa. Nîrarîa ûûkî wakwa na mago. Nîranyua ndivei yakwa na îriia. Arata, rîani na mûnyue, nginya mûrîwe nî wendo!

Isaia 55:1

Ngai-Mûnene arauga atîrî, “Mue muonthe arîa anyondu ûkani mûnyue manjî! Ûkani, wanamue mûtarî na mbeca, gûrani irio mûrîe! Ûkani! Gûrani ndivei na îriia, mûtarî na mbeca na mûtarî kîndû!

Joeli 2:29

Wana ndungata cia anake na cia erîtu nîngaciîtîrîria Roho wakwa, nîngetûrûra Roho wakwa kûrî ndungata cia arûme na cia aka.

Mathaayo 3:11

Nie nîmûvatithagia na manjî ngîenda kwonania atî nîmwîrirîte mevia menyu. Nwatî ûrîa ûgûûka vuva wakwa, arî na vata kûngîra na nie ndirî mwagîrîru wa gûkuua iratû ciake. Ke akaamûvatithia na Roho Mûtheru na mwaki.

Luka 3:16

Nwatî Johana nîwerire andû onthe atîrî, “Nie nîmûvatithagia na manjî, nwatî ûrîa mûnene kûngîra nîaûkîte. Na nie ndirî mwagîrîru wa kwovora ndigi cia iratû ciake. Ke akaamûvatithagia na Roho Mûtheru na mwaki.

Johana 1:16

Nîtûnyitîte irathimo nyîngî mûno kuuma wegarî ûcio wake mwîngî.

Johana 1:33

Nie mwene ndiamwîcî, nwatî Ngai ûrîa wandûmire ngavatithanie na manjî, nîwambîrire atîrî, ‘We nîûkoona Roho akînyûrûrûka na agîkara îgûrû rîa mûndû; Ke nîke ûvatithanagia na Roho Mûtheru.’

Johana 3:5

Nake Jesû nîwamûcokerie atîrî, “Nîrakwîra na ma atî gûtirî mûndû ûngîtonya Ûthamakirî wa Ngai atambîte gûciarwa rîngî na manjî na Roho Mûtheru.

Johana 4:10

Jesû nîwamûcokerie atîrî, “Kethîrwa nwa ûmenye kîrîa Ngai avecanaga, na nî ûrîkû ûrakûvoya manjî ma kûnyua, we nîûngîamûvoya na nîangîakûva manjî ma mwoyo.”

Johana 4:14

Nwatî mûndû wa wonthe ûnyunyaga manjî marîa mvecanaga, ndakaanyonda rîngî. Manjî marîa ngûva mûndû ûcio nîmatuîka ta kîthima ndaarî yake kîrîa kîtherûkaga manjî marîa ma mwoyo wa tene na tene.”

Johana 6:63

Roho wa Ngai nîke ûvecanaga mwoyo. Mwîrî ndûvecanaga mwoyo. Ciugo icio namwîra nîcio itûmaga mûgîe na Roho wa Ngai ûrîa ûvecanaga mwoyo.

Ciîko 1:5

Johana aavatithagia andû na manjî, nwatî vuva ya mîthenya mînini nîmûkaavatithua na Roho Mûtheru.”

Aroma 3:22

Ngai atucaga andû onthe athingu na njîra ya gwîtîkia Jesû Kristû. Ngai ekaga ûguo kwî andû onthe arîa metîkîtie nîûndû ndathuurûkanagia.

Aroma 3:29

Kana Ngai nî Ngai wa Ayahudi tu? Kinthî tî Ngai wa andû a Ndûrîrî wa nao? Nîma Ke nî Ngai wa andû a Ndûrîrî wa nao.

Aroma 4:11

Nakuo kûrua gwake kwarî ta rûûri rwa kwonania atî nîwatuirwe mûthingu nî Ngai nîûndû wa wîtîkio wake wana mbere ya arue. Nake Iburahimu nîwatuirwe nî Ngai îthe wa Kîîroho wa arîa onthe metîkîtie, wana ethîrwa o tî aruu. Andû acio nîo Ngai atuîte athingu.

1Akor 10:2

Onthe nîmaavatithirue marî îtuurî na îriarî na magîtuîka arûmîrîri a Musa.

Agal 3:23

Nwatî mbere ya wîtîkio ûke, twatwîre tûrî ove nî watho. Tûtiarî na wîathi nginya rîrîa Ngai aatwonirie njîra ya wîtîkio ûrîa ûkaaguûranîrua.

Agal 3:28

Kwoguo gûtirî ngûrani gatagatîrî ka Ayahudi na andû a Ndûrîrî, ngombo na arîa matarî ngombo, arûme na aka muonthe mûrî kîndû kîmwe na Kristû.

Aefeso 3:6

Nayo nthitho nî atî na njîra ya ûvoro mwaro, andû a Ndûrîrî nî ciîga cia mwîrî ûmwe na nîmanyitaga kîrîa Ngai eeranîre na njîra ya Jesû Kristû.

Aefeso 4:5

Kûrî Mwathani ûmwe, wîtîkio ûmwe na ûvatithio ûmwe.

Aefeso 5:26

Eekire ûguo nîguo awamûrîre Ngai na njîra ya kiugo gîake. Nîwatheririe kanitha na njîra ya kûûthambia na manjî.

Aefeso 6:8

Mûndû wa wonthe wana ethîrwa nî ngombo kana tî ngombo, nîamenyage atî Mwathani nîakaava wa mûndû kîveo nîûndû wa wîra mwaro ûrîa wa mûndû ekaga.

Akol 1:27

Ngai nîwavangire kûmenyithia andû ake magegania ma nthitho yake kûrî andû a Ndûrîrî. Na nthitho îo nî atî Kristû atûûraga ndaarî yenyu, na ûguo nî kuga nîmûkaagîa na riiri wata ûrîa Ngai arî na riiri.

Akol 3:11

Nîûndû wa ûguo, rîu gûtirî na ngûrani ya andû a ndûrîrî na Ayahudi, ya mûndû mûruu na ûtarî mûruu, ya mûndû mûkingitaru na ya mûvoi mîvuanano, ya mûndû ngombo na ûtarî ngombo. Nwatî Kristû nîke maûndû monthe, kûrî andû onthe.

1Pet 3:21

Na manjî mau maringithanagua na ûvatithio ûrîa rîu ûmûvonokagia. Ûvatithio tî wa kûthambia mûndû gîko Kîam mwîrî, nwatî nî kîîranîro kûrî Ngai kiumîte thamirirî mbaro. Ûvatithio ûcio ûmûvonokagia na njîra ya kûriûka gwa Jesû Kristû,