1Akor 12:10 - ÎVUKU RÎA ÛVORO MWARO

¹⁰ Roho nîavecaga mûndû ûmwe kîveo gîa kûringa ciama; kûrî wîngî akavecana ûvoti wa kûvecana ndûmîrîri ya Ngai; na kûrî wîngî akavecana ûvoti wa kûthuurûkania nî iveo irîkû ciumanîte na Roho na nî irîkû itaumanîte na Roho. Roho nîavecaga mûndû ûmwe ûvoti wa kwaria na nthiomi cia mîthemba ngûrani, na kûrî mûndû wîngî akavecana ûvoti wa gûtaûra nthiomi icio.

1Akor 12:10 ပူးပေါင်းရင်းမြစ်များ

Joeli 2:28

“Vuvarî, nîngetîrîria andû onthe Roho wakwa, andû enyu, anake na erîtu nîmakaanîrîra, andû enyu arîa akûrû nîmakaarota iroto, nao anake enyu nîmakoona cioneki.

Maariko 16:17

Nao etîkia nîmakaavewa ûvoti wa kûringa ciama, wa kûrutûrûra ngoma kuuma kûrî andû na rîîtwa rîakwa na wa kwaria na nthiomi ng'eni.

Maariko 16:20

Nao arutwa nîmaathiîre na makîvunjia ûvoro mwaro kûndû kuonthe. Nake Mwathani nîwethagîrwa arî vamwe nao na agekagîra ndûmîrîri yao vinya na njîra ya ciama irîa ciaringagwa.] [

Luka 24:49

Nie nînie ngaamûtûmîra kîrîa Ngai Vava aamwîrîîre. Nwatî nwa nginya mwîkare gûkû îtûûrarî rîa Jerusalemu mwetererete nginya rîrîa mûkaagîa na vinya wa Ngai kuuma îgûrû.”

Johana 14:12

Nie nîramwîra na ma atî: mûndû wa wonthe ûmbîtîkagia ageekaga maûndû ta marîa mbîkaga, na ageekaga maûndû wana manene gûkîra mama nîûndû nînîrathiî kûrî Vava.

Johana 16:13

Rîrîa Roho ûrîa wonanagia ûvoro wa ma wa Ngai agaaûka, nîakaamûtongoria maûndûrî monthe ma ma. Ke ndakaaria maûndû na wathani, nwatî akaaria marîa egucaga na amwîre ûvoro wîgiî maûndû marîa magaaûka.

Ciîko 1:8

Nwatî rîrîa Roho Mûtheru agaaûka kûrî mue, nî mûkaagîa na vinya na mûtuîke aira akwa Jerusalemu, Judea kuonthe na Samaria wana mîthiia yonthe ya nthî.”

Ciîko 11:27

Vîndî wa îo arathi amwe nîmaanyûrûrûkire kûu Antiokia maumîte Jerusalemu.

Ciîko 11:28

Nake ûmwe gatagatîrî kao wetagwa Agabo, nîwarûngamire, na ke atethetue nî Roho nîwarathire akiuga atî nthî kuonthe nîgûkûgîa na yûra rînene. (Ûndû ûyû wekîkire vîndî ya wathani wa Kilaudio.)

Ciîko 19:6

Nake Paûlo nîwamaigîrîre njara na Roho Mûtheru akîmanyûrûrûkîra. Nao nîmaambîrîrie kwaria na nthiomi ng'eni na kûva andû ndûmîrîri îrîa yumîte kûrî Ngai.

Ciîko 5:3

Nake Petero nîwamûûririe atîrî, “Anania, ûretîkîrie Caitani atonye ngororî yaku nîkî, agîtûma ûveenie Roho Mûtheru na wîtigarîrie mbeca imwe kuuma kûrî irîa ûronire wendia mûgûnda?

Aroma 12:6

Tuonthe nîtûtûmîre iveo mwanya mwanya irîa Ngai atûvete ciumanîte na wega wake. Mûndû ûrîa ûrî na kîveo gîa kûvunjia ndûmîrîri ya Ngai nî avunjie kûringana na wîtîkio ûrîa avetwe.

Aroma 15:19

na njîra ya kûgîa na vinya wa kûringa ciama na gwîka maûndû ma magegania, na na njîra ya vinya ya Roho Mûtheru. Kwoguo kuuma Jerusalemu nthiûrûrûkîte kûndû kuonthe na ngakinya Iluriko ngîvunjagia Ûvoro Mwaro wa Kristû.

1Akor 11:4

Mûndûmûrûme wa wonthe ûvoyaga kana wanagîrîra ndûmîrîri ya Ngai akunîkîrîte kîongo vîndî îrîa andû arîa engî maravoya nîaconorithagia Kristû.

1Akor 13:8

Wendani ndûthiraga. Morathi nîmakaathira, kwaria na nthiomi nîgûkaathira na ûmenyo wa naguo nîûkaathira.

1Akor 14:13

Mûndû wa wonthe waragia na nthiomi nwa nginya, avoe nîguo avewe ûvoti wa gûitaûra.

1Akor 14:39

Kwoguo ariû na aarî a îthe wetû, nîmwagîrîrwe nî kwîrirîria ûvoro wîgiî kwanîrîra ndûmîrîri ya Ngai. Nwatî mûtikarigîrîrie etîkia kwaria na nthiomi.

Agal 3:5

Ngai amûvecaga Roho na akaringa ciama gatagatîrî kenyu nîûndû nîmûrûmagîrîra watho kana nîûndû nîmwîgucaga ûvoro mwaro na mûgawîtîkia?

1Ath 5:20

na mûtikanyarare ûrathi.

Ahib 2:4

Ngai wanake nîwongerere ûira wake îgûrû rîao na njîra ya kûringa ciama na morirû ma mîthemba yonthe, na iveo cia Roho Mûtheru irîa aaveere andû kûringana na wendi wake.

1Joh 4:1

Arata akwa, mûtigetîkagie andû onthe arîa maugaga atî marî na Roho. Nwatî ambagani mûkamaroria waro nîguo mûmenye kana roho ûrîa marî naguo umîte kûrî Ngai nîûndû kûrî na arathi eengî a maveeni meyumîrîtie gûkû nthî.

Kûguû 2:2

Nie nîmbicî ciîko cienyu, nîmenyete ûrîa mûrutîte wîra na vinya na mûkaûmîrîria mûkirîrîtie. Nie nîmbicî atî mue nîmûreganaga na andû arîa acûku. Mue nîmûtuîrîtie arîa maugaga atî o nî atûmwa na tî o, na nîmwonete ûguo maugaga nî kûveenania maveenanagia.