1Akor 11:5 - ÎVUKU RÎA ÛVORO MWARO

⁵ Nake mûndûmûka wa wonthe ûvoyaga kana wanagîrîra ndûmîrîri ya Ngai atekunîkîrîte kîongo gîake vîndî îrîa andû arîa engî maravoya nîaconorithagia mûthuuriwe. Gûtirî ngûrani gatagatî ka mûndûmûka ûcio na mûndûmûka ûrîa wenjetwe kîongo.

1Akor 11:5 ပူးပေါင်းရင်းမြစ်များ

Isaia 47:2

Oca mathiga ma kîthîi na ûthîe mûtu! Ruta gîtambaa gîaku gîa kûthitha ûthiû, ûrute nguo yaku îrîa ndaca! Gucagucia nguo ciaku na îgûrû, nîguo ûringe nyûnjî.

Luka 2:36

Na wa kûu hekarûrî kwarî na mûndûmûka mûkûrû wa ndigwa na aarî mûrathi. Nake eetagwa Ana, mwarî wa Fanueli na aarî wa mûvîrîga wa Asheri. Ana ndarî na mûthuuri nîûndû kuuma aavika, eekaranirie na mûthuuri wake kavinda ka mîaka mûgwanja tu. Vîndî îo aarî na ûkûrû wa mîaka mîrongo înana na îna.

Ciîko 2:17

‘Ngai augîte atî: Mîthenyarî ya mûthiia, nie nîngetîrîria andû onthe Roho wakwa. Ariû na aarî enyu nîmakaanîrîra ndûmîrîri yakwa kûrî andû; anake enyu na erîtu enyu nîmakoona cioneki, nao andû enyu arîa akûrû, nîmakaarota iroto.

Ciîko 21:9

Nake aarî na erîtu ana mataarî aviku na maarî na kîveo Kîam ûrathi.

1Akor 11:4

Mûndûmûrûme wa wonthe ûvoyaga kana wanagîrîra ndûmîrîri ya Ngai akunîkîrîte kîongo vîndî îrîa andû arîa engî maravoya nîaconorithagia Kristû.

1Akor 11:6

Nîûndû ethîrwa mûndûmûka wa wonthe tî ekunîkîra kîongo gîake, nîwagîrîrwe nî kwenja njuîrî ciake. Nwatî ethîrwa mûndûmûka nîaconokaga vîndî îrîa arî mwenje kîongo kana atinîtue njuîrî, nîwagîrîrwe nî gûkunîkîra kîongo gîake.

1Akor 14:34

aka marî kanitharî magîrîrwe nî gûkira. Matiîtîkîrîtue kwaria, nwatî nîmagîrîrwe nî kwathîka wata ûrîa watho wa Ayahudi ugîte.

Gûco 21:12

nîakaamûvira gwake mûciî, nake mûndûmûka ûcio nîakenja njuîrî cia kîongo gîake na atinie ngûnyû ciake.