1Akor 11:30 - ÎVUKU RÎA ÛVORO MWARO

³⁰ Na kîu nîkîo gîtûmaga engî gatagatîrî kenyu methîrwe matarî na vinya na marî arwaru na amwe nî akuû.

1Akor 11:30 ပူးပေါင်းရင်းမြစ်များ

Ntha 15:26

Nîwacokire akîmeera atîrî, “Nie nînie Ngai-Mûnene, Ngai wenyu na nînie nîmûvonagia. Ethîrwa mue mûkambathîkagîra na kinyi na mwîkage ûrîa kwagîrîrîte methorî makwa, nie ndikaamûtûmîra mîrimû ta îrîa naatûmîre andû a Misiri.”

Amosi 3:2

Gatagatî ka mavûrûri monthe ma nthî, mue nwa mue mbîcî. Kwoguo nîngûmûverithia nîûndû wa mavîtia menyu monthe:

Ndari 20:12

Ngai-Mûnene nîwacokire akîra Musa na Aroni atîrî, “Nîûndû nîmwaregire kûmbîtîkia na kwonania ûtheru wakwa mbere ya andû a Isiraeli, mûtigaakinyia andû aya vûrûrirî ûrîa namaveere.”

Ndari 20:24

“Aroni tîatonya vûrûri ûrîa neranîre atî nîngaava andû a Isiraeli. Ke nîagûkua nîûndû mue muoîrî nîmwareganire na ûrîa namwathire nîrî Meriba.

Ciîko 13:36

Vîndî îrîa Daudi aarî mwoyo, nîwavingirie wendi wa Ngai. Ke nîwacokire agîkua na akîthikwa, na mwîrî wake ûkîorera mbîrîrarî.

Ciîko 7:60

Nake nîwaturirie maru na akîanîrîra na mûgambo mûnene akiuga atîrî, “Mwathani, ndûkamaverithie nîûndû wa wîvia ûyû wao!” Na rîrîa Stefano aarîkirie kuga ûguo, nîwakwire.

1Akor 11:29

Nîûndû mûndû wa wonthe ûrîcaga mwîrî ûcio na akanyuîra gîkomberî kîu atakûmenya vata wa mwîrî wa Mwathani nîwîtucagîra ke mwene.

1Akor 11:31

Nwatî angîthîrwa nwa twambe gwîtuîria tue ene, Ngai ndangîtûtuîra.

1Akor 11:32

Nwatî rîrîa Mwathani atûtuîra, nîatûverithagia nîguo mûthiiarî tûtigatuîrwe vamwe na nthî.

1Akor 15:51

Tathikîrîriani nîmwîre nthitho: Tuonthe tûtigaakua, nwatî tuonthe nîtûkaagarûrûa,

1Ath 4:14

Nîtwîtîkîtie atî Jesû nîwakwire na akîriûka. Kwoguo nîtwîtîkîtie atî Ngai nî akaarete vamwe na Jesû andû arîa makuîte mamwîtîkîtie.

Kûguû 3:19

Andû arîa nie mendete nîmakaanagia na ngamaverithia. Kwoguo gîani na kîîo na mwîrire.