1Akor 11:3 - ÎVUKU RÎA ÛVORO MWARO

³ Nwatî nîrenda mûtaûkîrwe atî Kristû nî kîongo Kîam mûndûmûrûme wa wonthe, na mûndûmûrûme nî kîongo Kîam mûka, nake Ngai nî kîongo gîa Kristû.

1Akor 11:3 ပူးပေါင်းရင်းမြစ်များ

Kîam 3:16

Ngai-Mûnene, Ngai nîwacokire akîra mûndûmûka atîrî, “Nîngaakwongerera mathîna vîndî îrîa yonthe ûkethagîrwa ûrî îvu, na ngwongagîrîre ûrûrû vîndî ya gûciara. Wana kûnekariî ûguo, we ûkeriragîria mûthuuriguo, nake agaakwathaga.”

Isaia 52:13

Ngai-Mûnene arauga atîrî, “Ndungata yakwa nîkaathatûkwa wîrarî wayo, nîkaanenevua, yambararue na nîkaavewa gîtîîo mûno.

Isaia 55:4

Nama, nînamûtuire mûira kûrî andû a ndûrîrî, mûtongoria na mûnene wa andû.

Mathaayo 28:18

Nake Jesû nîwathiîre vakuvî nao na akîmeera atîrî, “Nie nîrî mûve wathani wonthe gûkû nthî wana îgûrû.

Johana 14:28

Mue nîmwîguîte ngîmwîra atî, ‘Nînîrathiî, nwatî ngaamûcokerera.’ Ethîrwa na ma nîmûmendete, nîmûngîrakena nîûndû nîrathiî kûrî Vava, nîûndû ke nî mûnene kûngîra.

1Akor 3:23

Mue mûrî a Kristû, na Kristû nî wa Ngai.

Aefeso 4:15

Vandû va ûguo, twatuîka andû a kwaragia ûma tûrî na wendani, tûgakûraga maûndûrî monthe tûnyitanîrîte vamwe mûno na Kristû arî ke kîongo.

Akol 1:18

Ke nîke kîongo gîa kanitha îrîa arî yo mwîrî wake. Nîke ûtûmaga mwîrî ûgîe na mwoyo. Nîke Mûriû wa mbere kûriûkua nîguo atuîke wa mbere maûndûrî monthe.

Akol 2:10

Kristû ûcio ûtûmîte mûgîe na mwoyo mwîcûru mûrî ûrûmwe nake, nîke mûnene wa maaroho marîa mengî monthe mathamakaga na mathanaga.

Akol 2:19

na ndevokete Kristû ûrîa arîke kîongo. Kristû nîke ûvecaga mwîrî wonthe vinya na akaûnyitithania vamwe ta ûrîa mavîndî ma mwîrî wonthe manyitithanagua vamwe nî mîkiva. Kwoguo mwîrî nîûkûraga na njîra îrîa Ngai endaga ûkûre.

Akol 3:18

Mue aka, athîkagîrani athuuri enyu nîûndû ûguo nîguo mûkristiano agîrîrwe nî gwîka.

1Pet 3:1

Na njîra wata îo, wa namue aka athîkagîrani athuuri enyu, nîguo kûngîthîrwa kûrî na athuuri amwe matetîkîtie kiugo Kîam Ngai, magetîkagia mona mîtugo yenyu. Mûtikethagîrwa mûrî na vata wa kûmeera wa naarî atîa,