1Akor 11:22 - ÎVUKU RÎA ÛVORO MWARO

²² Nîkwa mûtarî na mîciî yenyu mue ene kûrîa mûngîrîa na mûkanyua? Nîkwa mûnyararîte kanitha wa Ngai na mûconorithagia arîa methagîrwa matarî na kîndû? Nîmwîra atîa? Nîkwa ngûmûgatha nîûndû wa maûndû mama? Naarî! Nie tîmbîka guo!

1Akor 11:22 ပူးပေါင်းရင်းမြစ်များ

Nthi 17:5

Mûndû ûrîa ûthekagîrîra mûthîni ethagîrwa akîruma Ngai ûrîa waûmbire mûndû ûcio. Mûndû ûrîa ûkenaga rîrîa mûndû wîngî arî thînarî, nwanginya akaaverithua.

Ciîko 20:28

Kwoguo îîmenyagîrîreni na mûmenyagîrîreni ndîthia îrîa Roho Mûtheru amûtuîte amenyereri a yo. Îthagîrwani mûrî arîthi a kanitha wa Ngai, ûrîa ke aatwire wake na njîra ya gîkuû Kîam Mûriû wake.

1Akor 10:32

Tûûrani na njîra îtangîtûma kûgîa na thîna kûrî Ayahudi kana Angiriki kana kanitha wa Ngai.

1Akor 11:17

Mataarorî marîa marûmîrîrîte, ndikûmûgathîrîria nîûndû mîcemaniorî yenyu ya mavoya nîmwîkaga naaî makîria ya ûrîa mwîkaga waro.

1Akor 11:2

Nînîmûgathagîrîria nîûndû nîmûndirikanaga vingo cionthe na nîmûrûmagîrîra waro kîrîra kîrîa namûkinyîrie.

1Akor 11:34

Mûndû wa wonthe mûvûtu, nîambage kûrîa mûciî, nîguo rîrîa tûcemanîtie vamwe Ngai ndagatûtuîre. Rîrîa ngaaûka kûrî mue nîngamwatha ûrîa mûgeeka maûndû mau mengî.

1Akor 15:9

Nie nînie mûnini viû gatagatîrî ka atûmwa arîa engî onthe. Nie wana ndirî mwagîrîru wa gwîtwa mûtûmwa nîûndû nînaanyaririre kanitha wa Ngai.

1Tim 3:15

Nwatî ethîrwa nwa njererwe, maarûa mama magaakûmenyithia ûrîa mûndû agîrîrwe nî gwîkara arî kûrî andû a Ngai na nîo kanitha wa Ngai ûrîa ûtûûraga mwoyo na nîguo wîthagîrwa ûrî mûcingi na gîtugî Kîam ûvoro wa ma.

1Tim 3:5

Nîûndû ethîrwa mûndû ndaicî kûmenyerera mûciî wake, angîvota atîa kûmenyerera kanitha wa Ngai?