1Akor 11:21 - ÎVUKU RÎA ÛVORO MWARO

²¹ Nîûndû vîndî îrîa mûrarîa, wa mûndû arîcaga irio ciake atakwamba gweterera arîa engî. Andû amwe methagîrwa mavûtiî na arîa engî makethîrwa marî mîrîu.

1Akor 11:21 ပူးပေါင်းရင်းမြစ်များ

Johana 2:10

na akîmwîra atîrî, “Mûndû wa wonthe ambaga kûraîra ageni ndivei îrîa mbaro, na manyua megania nîacokaga akamaraîra ndivei îrîa îtarî mbaro mûno. Nwatî we ûrambîte kwiga ndivei îrîa mbaro nginya rîu!”

1Akor 11:20

Vîndî îrîa mûgomanîte vamwe, tî irio cia Mwathani cia kîvwaî mwîthagîrwa mûkîrîa.

1Akor 11:34

Mûndû wa wonthe mûvûtu, nîambage kûrîa mûciî, nîguo rîrîa tûcemanîtie vamwe Ngai ndagatûtuîre. Rîrîa ngaaûka kûrî mue nîngamwatha ûrîa mûgeeka maûndû mau mengî.

2Pet 2:13

Kwoguo nîmakaathînua nîûndû nîmatûmîte andû eengî mathînîke. Ûndû ûrîa ûmakenagia nî gwîka maûndû marîa makenagia mîîrî yao mûthenya cararûkû. Nîmatûmaga mûconoke na mûcambe rîrîa maûka marugarî menyu. Vîndî îo yonthe mûrî nao methagîrwa magîkenera mîtugo yao mîcûku.

Juda 1:12

Andû acio maticonokaga vîndî îrîa makûrîcanîra namue mekariî ta maroro ma gîko vîndî îrîa mûrî marugarî ma ngwatanîro. O merîthagia o ene tu. Mekariî ta matû matarî mbura, marîa mavurutagwa nî rûkûngi. Mekariî ta mîtî vîndî ya thano îrîa îtagîcaga na maciaro. Mekariî ta mîtî mîkûûre na îkaûma viû.