1Akor 11:2 - ÎVUKU RÎA ÛVORO MWARO

² Nînîmûgathagîrîria nîûndû nîmûndirikanaga vingo cionthe na nîmûrûmagîrîra waro kîrîra kîrîa namûkinyîrie.

1Akor 11:2 ပူးပေါင်းရင်းမြစ်များ

Luka 1:6

Na oîrî nîmaatûûrîte marî athingu methorî ma Ngai. Nao nîmaathîkagîra mawatho wa vamwe na maathani ma Mwathani matarî na ûcuke.

1Akor 11:17

Mataarorî marîa marûmîrîrîte, ndikûmûgathîrîria nîûndû mîcemaniorî yenyu ya mavoya nîmwîkaga naaî makîria ya ûrîa mwîkaga waro.

1Akor 11:22

Nîkwa mûtarî na mîciî yenyu mue ene kûrîa mûngîrîa na mûkanyua? Nîkwa mûnyararîte kanitha wa Ngai na mûconorithagia arîa methagîrwa matarî na kîndû? Nîmwîra atîa? Nîkwa ngûmûgatha nîûndû wa maûndû mama? Naarî! Nie tîmbîka guo!

1Akor 15:2

Ûvoro ûcio nîguo ûtûmaga mûvonokue ethîrwa nîmûkûthiî na mbere kûwîtîkia. Ethîrwa tî mwîka ûguo, gwîtîkia kwenyu kwarî kwa mana.

1Akor 4:17

Na kîu nîkîo kîratûma ndûme Timotheo kûrî mue. Ke nî mwana wakwa ûrîa mendete na nîmwîvokeku mûtûûrîrerî wake wa Ûkristiano. Nîakûmûririkania maûndû marîa nûmagîrîra mûtûûrîrerî wakwa mûcerû nîrî ûrûmwe na Jesû Kristû. Maûndû mau nîmo nthomithanagia makanitharî monthe marîa marî kûndû kuonthe.

1Akor 7:17

Mûndû wa wonthe gatagatîrî kenyu agîrîrwe nî gwîkara kûringana na wîra ûrîa Mwathani aamûveere na wa ûrîa Ngai aamwîtire ekariî. Ûguo nîguo mbathanîte makanitharî monthe.

1Ath 1:6

Nîmwegerekanirie natue na mûkîîgerekania na Mwathani. Nwatî wana ethîrwa nîmwathînîkire mûno, nîmwamûkîre ndûmîrîri îo mûrî na gîkeno kîrîa kiumaga kûrî Roho Mûtheru.

1Ath 3:6

Nwatî rîu Timotheo nîacokete aumîte kûrî mue na nîaratûveere ndeto mbaro ciîgiî wîtîkio na wendo wenyu. Nîatwîrîte atî vingo cionthe nîmûtûririkanaga na njîra mbaro na atî nîmwendaga mûno gûtwona wata ûrîa wa natue twendaga mûno kûmwona.

2Ath 2:15

Kwoguo ariû na aarî a îthe wetû, îkaragani mwîkindîrîtie na mûnyitîte mûno maûndû marîa twamûthomithirie na njîra ya kûmûvunjîria na ya maarûa îrîa twamwandîkîre.

2Ath 3:6

Ariû na aarî a îthe wetû, tûramwatha na rîîtwa rîa Mwathani wetû Jesû Kristû atî mûtikathiîcanagie na ariû na aarî a îthe wetû arîa igûta na matarûmagîrîra maûndû marîa twamûthomithirie.