1Akor 11:16 - ÎVUKU RÎA ÛVORO MWARO

¹⁶ Nwatî ethîrwa mûndû wana ûrîkû nîarenda gûkararia ûndû ûcio, nie ûrîa nguga nî atî, tue wana kana makanitha ma Ngai tûtiîthagîrwa tûrî na mûtugo wîngî vîndî ya kûvoya.

1Akor 11:16 ပူးပေါင်းရင်းမြစ်များ

Jeremia 32:11

Nînacokire ngîoca maarûa îo yarî mvinge îrîa yonanagia ûrîa nagûrîte mûgûnda vamwe na maarûa îngî îtaarî mvinge.

Ciîko 21:21

O nîmerîtwe atî we nîûrathomithia Ayahudi arîa matûûraga mavûrûrirî ma andû a ndûrîrî matiganîrie Watho wa Musa. Na nîmeguîte atî nîûrera Ayahudi acio matikaruithie ciana ciao na matikathîkîre mîtugo ya Kîyahudi.

Ciîko 21:24

Thiîcania nao, ûnyitanîre nao îgongoonarî rîao rîa kwîtheria na ûrîve matûmîri mao monthe nîguo menjwe ciongo. Na njîra îno andû onthe makaamenya atî maûndû marîa maregua makwîgiî tî ma ma. Nwatî we mwene nîûtûûraga kûringana na Watho wa Musa.

1Akor 11:15

Nwatî njuîrî ndaca nîithakaragia mûndûmûka. Njuîrî ndaca îvecanîtwe kûrî mûndûmûka ta kîndû gîa gwîkunîka nakîo.

1Akor 16:1

Rîu nîngwandîka ûvoro wîgiî mbeca irîa irutagwa nîûndû wa andû a Ngai arîa marî Judea. Mue îkagani wata ûrîa nerire makanitha ma Galatia.

1Akor 4:5

Kwoguo mue mûtiagîrîrwe nî gûtuîra mûndû wana ûmwe kavinda karîa kagîrîru ga gûka kwa Mwathani gatarî gakinyu. Mwathani nîakaarete ûtherirî maûndû monthe marîa mathithîtwe ndumarî na aguûrie maûndû marîa mathithîtwe ngororî. Kwoguo wa mûndû nîakaamûkîra îgai rîrîa rîmwagîrîrîte kuuma kûrî Ngai.

1Akor 7:17

Mûndû wa wonthe gatagatîrî kenyu agîrîrwe nî gwîkara kûringana na wîra ûrîa Mwathani aamûveere na wa ûrîa Ngai aamwîtire ekariî. Ûguo nîguo mbathanîte makanitharî monthe.

1Akor 9:1

Na kinthî nie ndirî na wîyathi? Na kinthî nie ndirî mûtûmwa? Na kinthî nie ndionire Jesû Mwathani wetû? Na kinthî mue mûtirî maciaro ma wîra ûrîa Mwathani arutîte na njîra yakwa?

1Akor 9:6

Nie na Baranaba, nwatue tu twagîrîrwe nî kûruta wîra nîguo twîyonere gîa gwîtûûria?

1Ath 2:14

Ariû na aarî a îthe wetû, mathîna marîa mwonire nwa ta marîa moonirwe nî etîkia a Jesû Kristû a makanitha ma Ngai ma Judea. Mwanyaririrwe nî andû enyu wata ûrîa maanyaririrwe nî Ayahudi,