1Akor 11:12 - ÎVUKU RÎA ÛVORO MWARO

¹² Kwoguo wata ûrî mûndûmûka aaûmbirwe kuuma kûrî mûndûmûrûme, nwataguo mûndûmûrûme aciaragwa nî mûndûmûka; na indo cionthe ciumaga kûrî Ngai.

1Akor 11:12 ပူးပေါင်းရင်းမြစ်များ

Nthi 16:4

Ngai-Mûnene aaûmbire indo cionthe irî na itûmi ciacio, wana mûthiia wa andû arîa aganu nî kûthirua.

Aroma 11:36

Nîûndû indo cionthe ciaûmbirwe nîke na indo cionthe itûîre nîûndû wa ûvoti wake na nî ciake. Nake arokumua tene na tene! Ameni!

1Akor 11:11

Ûtûûrorî wetû tûrî na Mwathani, mûndûmûka ndangîthîrwa atanyitanîte na mûndûmûrûme, wana kana mûndûmûrûme ethîrwe atanyitanîte na mûndûmûka.

1Akor 8:6

Nwatî tue twîtîkîtie atî kûrî Ngai ûmwe tu na nîke îthe wetû. Ke nîke waûmbire indo cionthe, na tûtûûraga nîûndû wake. Tue twîtîkîtie atî kûrî Mwathani ûmwe tu na ke nîke Jesû Kristû, na indo cionthe ciaûmbirwe na njîra yake na wa natue tûtûûraga nîûndû wake.

2Akor 5:18

Maûndû mama monthe mekîtwe nî Ngai ûrîa watwîguithanirie nake ke mwene na njîra ya Kristû, na agîtûva wîra wa kwîgwithanagia andû nake.