1Akor 10:7 - ÎVUKU RÎA ÛVORO MWARO

⁷ na tûtikavoyage mîvuanano ta ûrîa amwe meekire. Kwandîkîtwe mandîkorî matheru atîrî, “Andû nîmeekarire nthî, makîrîa na makînyua magîka ciîko cia ûmaramari.”

1Akor 10:7 ပူးပေါင်းရင်းမြစ်များ

Ntha 32:17

Rîrîa Joshua egwire înegene rîa andû makiugîrîria, nîwerire Musa atîrî, “Nînîregua înegene rîa mbaara varîa andû mambîte magema.”

Ntha 32:19

Rîrîa Musa aakuvîvîrie varîa maambîte magema na akîona njaû ya ndegwa na andû makîinagia nîwarakarire na agikia ivengere irîa aakuîte vau nthî ya kîrîma na ikîenyûkanga.

Ntha 32:4

Aroni nîwocire mindo icio kuuma kûrî o, akîirarûra na mwaki na akîrûtha mûvuanano wa ndegwa ya thaavu nacio. Nao nîmaaugire atîrî, “Andû a Isiraeli îno nîyo ngai yenyu îrîa yamûrutire vûrûri wa Misiri!”

Ciîko 15:20

Vandû va ûguo, tue nîtwagîrîrwe nî kwandîka maarûa kûrî o tûmere maûndû mama. Matikarîcage irio irîa irî na mûgiro nîûndû nîciîthagîrwa itegeretwe mîvuanano: matigekage ciîko cia ûmaraa: matikarîcage nyama cia nyamû irîa ciîthagîrwa ithioretwe ngingo itagwîtûrûra nthakame; na matikaarîcage nthakame.

1Akor 10:14

Kwoguo arata akwa arîa nie mendete tiganani na ûvoro wîgiî kûvoya mîvuanano.

1Akor 5:11

Ûndû ûrîa naugaga nî atî mûtiagîrîrwe nî kûgîa ngwatanîro na mûndû wa wonthe ûrîa wîîtaga mûriû kana mwarî wa îthe wetû na ethîrwe nî mûvûûri ûmaraa, kana nî mûkoroku, kana nî mûvoi mîvuanano kana nî mûrumani, kana nî mûrîu wa njovi, wana kana nî mûcunani. Mue wana nginya mûtikaarîcanagîre na mûndû ta ûcio.

1Akor 6:9

Mue nîmwicî atî andû arîa aganu matikaagaîrwa ûthamaki wa Ngai. Mûtikeveenie; andû arîa mavûûraga ûmaraa kana mavoyaga mîvuanano kana matharagia, kana arûme arîa mamenyanaga kîîmwîrî na arûme arîa engî,

1Akor 8:7

Nwatî tî andû onthe maicî ûvoro ûcio. Andû amwe nîmamenyerete mîvuanano mûno, na rîrîa makûrîa irio, monaga irio icio ta arî wa irio irîa irutîrîtwe mîvuanano. Na nîûndû thamiri ciao nî mvûthû vîndî îrîa marîa irio icio, nîmegucaga marî na ûcuke.

Gûco 9:12

“Ngai-Mûnene nîwacokire akîmbîra atîrî, ‘Ûkîra na ûnyûrûrûke ume gûkû kîrîmarî narua, nîûndû andû aku arîa warutire Misiri nîmekîte ûndû mûcûku; nîmatigîte wa rîmwe kûrûmîrîra mawatho marîa namaathire na nîmerûthîrîte mûvuanano.’

1Joh 5:21

Ciana ciakwa, reganani na ngai cia maveeni!