1Akor 10:21 - ÎVUKU RÎA ÛVORO MWARO

²¹ Mue mûtingîvota kûnyuîra gîkomberî Kîam Mwathani na mûcoke mûnyuîre gîkomberî Kîam ndaimono; mûtingîvota kûrîîra metharî ya Mwathani na mûcoke mûrîîre metharî ya ndaimono.

1Akor 10:21 ပူးပေါင်းရင်းမြစ်များ

1Atha 18:21

Nake Elija nîwathiîre kûrî andû acio na akîmaûria atîrî, “Nîmwîthîrwa mûrî na mathangania na nganja nginya rî? Ethîrwa Ngai-Mûnene nî Ngai, mûgooceni; nwatî ethîrwa Baali nîke Ngai, mûgooceni!” Nwatî andû matiamwîra wanarî ûndû.

Isaia 65:11

“Nwatî mue arîa mwandiganîrie nie Ngai-Mûnene, arîa mwariganîrwe nî Zayuni, kîrîma kîrîa gîakwa Kîammûre, mue arîa mûgoocaga ngai irîa ciîtagwa Gadi na Meni, ngai cia mûnyaka na mûtino;

Jeremia 44:8

Mûrandakaria nîkî mûkîgooca ngai irîa mwîrûthîrîte mue ene, na kûvîvîria ngai cia mîvuanano ûbani Misiri kûrîa mûraûkire gûtûûra? Mûrenda gwîcûkangia mue ene na gûtuîka kîrumi na gîconoko mbere ya mavûrûri monthe ma nthî?

Mathaayo 6:24

“Gûtirî mûndû ûngîvota gûtungatîra aathani aîrî. Nîûndû nwa amene ûmwe na akenda ûcio wîngî; ke nwa athîkîre ûmwe na akaira ûcio wîngî. Mûtingîtungatîra Ngai na mûtungatîre ûtonga.

1Akor 10:16

Gîkombe kîrîa tûtûmagîra vîndî îrîa tûrakûngûîra Irio cia Mwathani cia Kîvwaî nwa kîo tûtûmagîra vîndî îrîa tûracokia ngatho kûrî Ngai: vîndî îrîa tûranyuîra gîkomberî gîkî twîthagîrwa tûkînyunyanîra nthakame ya Kristû. Naguo mûgate ûrîa twenyûrangaga tûkîûrîa, twîthagîrwa tûkîrîcanîra mwîrî wa Kristû.

1Akor 8:10

Ethîrwa mue mûrî na “ûmenyo” nîmûrîcaga irio mûrî hekarûrî ya mîvuanano, kinthî mûndû ûrîa ûrî na thamiri mvûthû angîmwona mûkîrîîra irio kuo ndakarîa irio irîa irutîrîtwe mîvuanano?