1Akor 10:19 - ÎVUKU RÎA ÛVORO MWARO

¹⁹ Nie nîrenda kuga atîa vi? Anga irio irîa irutîrîtwe mîvuanano nî cia vata? Anga mîvuanano nî ya vata?

1Akor 10:19 ပူးပေါင်းရင်းမြစ်များ

Isaia 40:17

Mavûrûri monthe nîta kîndû vatarî mbere yake, kûrî ke nîta kîndû vatarî.

Isaia 41:29

Taroria, ngai icio ciao cionthe nî cia maveeni, mawîra mao monthe nîma mana, mîvuanano yao ya kûrarûrwa ndîrî vinya na nî ya mana.”

Ciîko 19:26

Rîu mue nîmûreyonera na mûkeîguîra maûndû marîa Paûlo areka. Ke augaga atî ngai cia mîvuanano irîa ithondeketwe na njara cia andû tî ngai cia ma. Ke nîarîkîtie kwîgwithia na akagarûra andû eengî arîa marî gûkû Efeso na arîa marî Asia vakuvî yonthe.

1Akor 1:28

Ngai nîwathuurire maûndû marîa andû monaga matarî vata na makamanyarara na meciragîrua atî tî kîndû varî nîguo acûkangie kîrîa gîtucagwa nî andû atî nî Kîam vata.

1Akor 10:14

Kwoguo arata akwa arîa nie mendete tiganani na ûvoro wîgiî kûvoya mîvuanano.

1Akor 13:2

Nwa mbîthîrwe nîmvotaga kûvunjia ndûmîrîri ya Ngai, na nwa mbîthîrwe nîmenyaga maûndû monthe na ngataûkîrwa nî maûndû monthe marîa marî nthithorî. Wana nwa mbîthîrwe nîrî na wîtîkio mûnene ta ûrîa ûngîvota kûthamia irîma. Nwatî ethîrwa ndirî na wendani, ndirî na vata wana vanini.

1Akor 3:7

Kwoguo mûndû ûrîa ûvandaga wana ûrîa wîtagîrîria manjî ndarî vata. Ngai tu nîke ûrî vata nîûndû nîke ûtumaga indo ikûre.

1Akor 8:4

Kwoguo nie ngîcokia kîûria kîgiî irio irîa ciîthagîrwa irutîrîtwe mîvuanano nîmbuga atî: tue nîtwîcî atî mîvuanano îrûngamaga îthenyarî rîa kîndû gîtarî vo, na nîtwîcî atî Ngai nî ûmwe tu.

2Akor 12:11

Nie mbîthagîrwa ngîka maûndû ta mûndû mûritu, nwatî nî mue mûtûmîte mbîka ûguo. Mue nîmue mwagîrîrwe nîkûngathîrîria. Nîûndû ndirî mûnini mûno gûkîra acio meîtaga “atûmwa” enyu a mwanya.

Gûco 32:21

Nîmatûmîte mbîgue wîru nîûndû wa indo icio metaga ngai, nîmandakarîtie nîûndû wa ngai ciao cia mîvuanano. Kwoguo nîngaatûma megue wîru nî andû matarî kîene, nîngaatûmîra vûrûri wa irimû nîguo marakare.