1Akor 10:17 - ÎVUKU RÎA ÛVORO MWARO

¹⁷ Wana ethîrwa tûrî eengî, tûrî mwîrî ûmwe nîûndû kûrî mûgate ûmwe na tuonthe nîtûrîcanagîra mûgate wa ûcio ûmwe.

1Akor 10:17 ပူးပေါင်းရင်းမြစ်များ

Aroma 12:5

Na njîra ta îno, wana ethîrwa tûrî eengî twîthagîrwa tûrî mwîrî ûmwe na Kristû na tuonthe twîthagîrwa twovanîtue vamwe tûrî ciîga cia mwîrî ûmwe.

1Akor 10:21

Mue mûtingîvota kûnyuîra gîkomberî Kîam Mwathani na mûcoke mûnyuîre gîkomberî Kîam ndaimono; mûtingîvota kûrîîra metharî ya Mwathani na mûcoke mûrîîre metharî ya ndaimono.

1Akor 12:12

Kristû ethagîrwa ekariî ta mwîrî wa mûndû ûrîa ûrî na ciîga nyîngî, nwatî nî ûmwe tu. Wana ethîrwa ciîga icio nî nyîngî cionthe ithondekete mwîrî ûmwe tu.

1Akor 12:27

Mue muonthe vamwe mûrî mwîrî wa Kristû na wa ûmwe gatagatîrî kenyu nî kîîga Kîam mwîrî ûcio.

Aefeso 3:6

Nayo nthitho nî atî na njîra ya ûvoro mwaro, andû a Ndûrîrî nî ciîga cia mwîrî ûmwe na nîmanyitaga kîrîa Ngai eeranîre na njîra ya Jesû Kristû.

Aefeso 4:16

Nîûndû wa vinya wake, ciîga cionthe cia mwîrî nîinyitithanîtue vamwe, na mwîrî wonthe ûkovanua nî marûngo marîa ûvetwe. Kwoguo vîndî îrîa wa kîîga Kîamruta wîra wakîo na njîra îrîa yagîrîrîte, mwîrî wonthe nîûkûraga na ûkagîa na vinya ûrî na wendani.

Aefeso 4:25

Kwoguo tiganani na ûvoro wa maveeni! Wa mûndû nwanginya erage mûndû ûrîa wîngî ûvoro wa ma, nîûndû tuonthe vamwe tûrî ciîga cia mwîrî wa Kristû.

Aefeso 4:4

Kûrî mwîrî ûmwe na Roho ûmwe, wata ûrîa kûrî mwîrîgîrîro ûmwe ûrîa Ngai amwîtîrîte.

Akol 2:19

na ndevokete Kristû ûrîa arîke kîongo. Kristû nîke ûvecaga mwîrî wonthe vinya na akaûnyitithania vamwe ta ûrîa mavîndî ma mwîrî wonthe manyitithanagua vamwe nî mîkiva. Kwoguo mwîrî nîûkûraga na njîra îrîa Ngai endaga ûkûre.

Akol 3:11

Nîûndû wa ûguo, rîu gûtirî na ngûrani ya andû a ndûrîrî na Ayahudi, ya mûndû mûruu na ûtarî mûruu, ya mûndû mûkingitaru na ya mûvoi mîvuanano, ya mûndû ngombo na ûtarî ngombo. Nwatî Kristû nîke maûndû monthe, kûrî andû onthe.

Akol 3:15

Tigani thayû ûrîa Kristû avecanaga ûmûtongoragie mûkîthondeka matua menyu, nîûndû thayû ûcio nîguo watûmire Ngai amwîte vamwe nîguo mûtuîke mwîrî ûmwe na mûcokagie ngatho vîndî cionthe.