1Akor 10:13 - ÎVUKU RÎA ÛVORO MWARO

¹³ Magerio marîa mûgeragua namo nwamo andû arîa engî mageragua namo. Ngai nîmwîvokeku na ndangîtîkîra ûgerue makîria ya vinya ûrîa ûrî naguo. Nwatî vîndî îrîa ûragerua ke agaakûvecaga vinya nîguo ûvotage kûmîrîria na kûûrîra magerio.

1Akor 10:13 ပူးပေါင်းရင်းမြစ်များ

Thaburi 124:7

Tûrîte ta gîconi kiumîte mûtegorî wa mûtegi, mûtego nîmûviûkie, natue twavonoka.

Thaburi 125:3

Arîa aganu matigûtûûra mathanaga vûrûri wa arîa athingu; nîguo arîa athingu matikagucîrîrue gwîka naaî.

Thaburi 36:5

We Ngai-Mûnene, wendo waku ûtathiraga ûkinyîte îgûrû; wîvokeku waku ûkinyîte matuurî.

Thaburi 89:33

Nwatî ndigaatiga kwonia Daudi wendo wakwa ûtathiraga, kana ndega gûtuîka mwîvokeku kûrî ke.

Ntha 3:17

na nînduîte atî nîngûmaruta vûrûri wa Misiri kûu matûûraga na mathîna nîmavire vûrûri wîcûrîte ûûkî na îria. Vûrûri ûcio nîguo ûtûûragwa nî andû Akanaani, Ahiti, Amori, Aperizi, Ahivi na Ajebusi.

Isaia 11:5

Ke akaathanaga na ûthingu na wîvokeku.

Isaia 25:1

We Ngai-Mûnene, nîwe Ngai wakwa; nîngaakwambararia na ngumie rîîtwa rîaku, nîûndû we nîwîkîte maûndû ma magegania; mîvango îrîa wavangire kuuma tene, ûmîvingîtie na wîvokeku na ûûma.

Isaia 49:7

Ngai-Mûnene mûkûri wa Isiraeli na ûrîa Mûtheru wake, arera ûrîa ûnyararîtwe mûno, ûrîa ûmenetwe nî andû a mavûrûri na nî ndungata ya athamaki atîrî, “Athamaki nîmagaakwona na marûngame magûtîîe; anene wanao nîmakenamîrîria mothiû mao magûtîîe.” Mageeka ûguo nîûndû wa ûrîa nie Ngai-Mûnene nîrî mwîvokeku, Ûrîa Mûtheru wa Isiraeli, nîke ûkûthuurîte.

Jeremia 12:5

Ngai-Mûnene arauga atîrî, “Ethîrwa nîûcindanîte na arîa mathiîcaga na magûrû na ûkanoga, nwa ûvote gûcindana na mbarathi? Na ethîrwa we ûgûcaga kûrîa gûtarî na kîndû gîa gûkûvînga, ûgeka atîa mûtitûrî wa Jorodani?

Jeremia 29:11

Nîûndû, nie Ngai-Mûnene nîmbîcî mîvango îrîa nîrî nayo kûrî mue, mîvango ya maûndû maro na tî maûndû macûku nîguo mûtûûrîre wenyu wa vîndî îrîa îgaûka wîthîrwe ûrî na kîîrîgîrîro.

Maca 3:23

Ciîthagîrwa irî njerû wa kîraûko wa kîraûko, nîûndû Ngai-Mûnene nîwakwîvokwa.

Danieli 3:17

Ethîrwa nîtûgwikua mwakirî ûcio, Ngai wetû ûrîa tûtungataga nîagûtûvonokia kuuma mwakirî ûcio mûnene ûguo, na kuuma njararî ciaku.

Hosea 2:20

Ta roria, na njîra ya wîvokeku nî ngakûvikia na nîûkaamenya atî nînie Ngai-Mûnene.”

Mathaayo 6:13

Ndûgatûvire mageriorî, nwatî ûtûvonokie kuuma kûrî Ûrîa Mûcûku.’

Luka 11:4

na ûtwovagîre mevia metû, nîûndû wa natue nîtwovagîra andû onthe arîa matûvîtagîria. Na ndûgatûvire mageriorî.’ ”

Luka 16:26

Wana twa ûguo wonga, gatagatîrî getû nawe nîvenje mûtaro mûnene mûno, nîguo ûrigîrîrie andû arîa mangîenda gûkîrania maume na gûkû maûkîte kûrî mue na kûrigîrîria arîa mangîenda gûkîrania maume na kûrîa mûrî maûkîte na kûrî tue.’

Luka 22:46

Nake nîwamaûririe atîrî, “Nîndûî gîtûmîte mûmame? Ûkîrani mûvoe nîguo mûtikagwe mageriorî.”

Ciîko 27:44

Nao acio engî maarî mamaume vuva menyitîrîrîte mbaûrî kana icunjîrî irîa ciatigarîte cia meri. Na ûguo nîguo tuonthe twavotire gûkinya nthî nyûmû waro.

1Akor 1:9

Ngai nî mwîvokeku. Ke nîke wamwîtire nîguo mûgîe na ngwatanîro na Mûrû wake Jesû Kristû Mwathani wetû.

2Akor 1:10

Ngai nîwatûvonokirie kuuma mogwatirî mau manene ma gîkuû, na ke nîakûthiî na mbere gûtûvonokia. Twigîte kîîrîgîrîro gîetû kûrî ke na nîagaatûvonokia rîngî.

Gûco 7:9

Menyani nama atî Ngai-Mûnene, Ngai wenyu nîke Ngai, na nî mwîvokeku. Ke nîavingagia kîrîkanîro gîake na arî wendo ûtathiraga, kûrî njiarwa ngiri cia andû arîa mamwendete na mavingagia maathani make.

1Ath 5:24

Nake ûrîa ûmwîtaga nî agwîka ûguo nîûndû nîmwîvokeku.

2Ath 3:3

Nwatî Mwathani nîmwîvokeku na nîakûmûva vinya na amûgitîre kuuma kûrî Ûrîa Mûcûku.

2Tim 4:18

Nake Mwathani nîakûndethûra maûndûrî monthe macûku na amvire Ûthamakirî wa îgûrû amenyererete. Mwathani arokumua tene na tene! Ameni.

Ahib 10:23

Nîtûnyiteni na vinya kîîrîgîrîro gîetû kîrîa tumbûraga tûtarî na nganja, nîûndû Ngai nî mwîvokeku na ciîranîro ciake nî cia ma.

Ahib 11:11

Nîûndû wa wîtîkio Sara nîwagîre na mwana wana ethîrwa aarî nthata nake Iburahimu aarî mûkûrû. Iburahimu nîwetîkîtie atî Ngai nîmwîvokeku na nîakaavingia ûrîa aamwîrîîre.

Ahib 12:4

Nîûndû nîmûrûîte na mevia, nwatî mûtirî mûrarûa nginya mûgakinya kavinda ga kûûragwa.

Ahib 6:18

Kûrî na maûndû maîrî marîa matangîgarûrîka namo nî atî: Ngai ndangîîricûkwa rîrîa akwîranîra ûndû, na ndangîveenania rîrîa akwîvîta. Maûndû mama nîmatûmagîrîria tue arîa tûthiîcaga kûrî Ngai nîguo atûgitîre, na nîmatûvecaga vinya wa gûtûûra tûrî na kîîrîgîrîro kîrîa kigîtwe mbere yetû.

1Pet 4:19

Kwoguo andû arîa mathînagua kûringana na wendi wa Ngai, nîmagîrîrwe nîkwîthîrwa meigîte viû njararî cia Mûmbi wao na njîra ya gwîka maûndû maro. Nîûndû vîndî cionthe ethagîrwa arî mwîvokeku.

2Pet 2:9

Kwoguo Mwathani nîwîcî kûvonokia andû arîa marî na ûngai kuuma mageriorî na kwiga arîa aganu makîverithagua nginya rîrîa mûthenya wa îtuîro ûgaakinya.

1Joh 1:9

Nwatî tûngiumbûra mevia metû kûrî Ngai ke nîagûtwovera na atûtherie mevia metû monthe nîûndû ke nî mwîvokeku na nîekaga ûma.

Kûguû 19:11

Nînacokire ngîona îgûrû rîvingûkîte na kûrî na mbarathi ya rangi njerû. Ûrîa wathiîte amîkarîrîte etagwa Mwîvokeku na wa Ma. Na ûrîa atucanagîra ciira na akarûa mbaara na njîra ya kîvooto.

Kûguû 2:10

Mue mûtigetigîre nîûndû wa ûndû wa wonthe ûrîa mûgeerie kûthînua naguo. Tathikîrîriani! Ngoma nî agaatûma amwe enyu maikue njeera nîguo mûgerue. Na îvinda rîa mîthenya îkûmi nîmûkaathînua nîguo mûgerue. Tuîkani evokeku kûrî nie wana ethîrwa nîkwa mûkûûragwa, na nie nîngaamûva mwoyo ûrî ta nthûmbî ya ûvootani.

Kûguû 3:10

Mue nîmûrûmîrîrîte kîthomo gîakwa gîa kûmîrîria mûkirîrîrîtie na kwoguo nie nîngaamûgitîra kuuma kûrî îvinda rîa mathîna rîrîa rîgaûka kûgeria andû onthe arîa matûûraga gûkû nthî.

1Sam 29:10

Kwoguo ûgaaûkîra rûyû kîraûko tene mûrî na ndungata cia mwathi waku Saûlo irîa mwaûkire nacio na mwambîrîrie kûthiî wa rîmwe kwagîa na ûtheri.”