1Akor 10:11 - ÎVUKU RÎA ÛVORO MWARO

¹¹ Maûndû mama monthe meekîkire kûrî o nîguo matuîke kîonereria kûrî arîa engî. Namo maandîkirwe nîguo matuîke ûtaari kûrî tue arîa tûratûûra mavindarî mama ma mûthiia.

1Akor 10:11 ပူးပေါင်းရင်းမြစ်များ

Kîam 19:35

Kwoguo ûtukû ûcio erîtu acio nîmaavere îthe ndivei na mwarî ûcio mûnini nîwamenyanire kîîmwîrî na îthe. Wanarîo vîndî îo îthe aarî mûrîe mûno nî ndivei na ndaamenya ûrîa gwekîkire.

Thaburi 102:18

Ûndû ûyû nîwandîkwe nîûndû wa njiarwa irîa igaaûka, nîguo andû arîa matarî aciare magaakumia Ngai-Mûnene.

Ezek 5:15

“Rîrîa ngaamûverithia nîrî na marakara meengî, nîmûgaatuîka kîndû gîa kûthekagîrîrwa na kûrumwa nî ndûrîrî irîa imûthiûrûrûkîrîtie. Nie Ngai-Mûnene nînie nauga ûguo.

Mathaayo 13:39

Nayo nthû îrîa yavandire ria nî Ngoma. Vîndî ya maketha nayo nî îthirîro rîa nthî; nao akethi nî araika.

Mathaayo 13:40

Wata ûrîa ria rîûnganagua na rîkavîvua na mwaki, ûguo nwaguo gûkeethîrwa gwîkariî vîndî ya îthirîro.

Aroma 13:11

Nwanginya mwîke maûndû mama nîûndû nîmwîcî atî mavinda menyu ma kûramûka muume tororî nî makinyu. Nîûndû îvinda rîetû rîa kûvonoka rîrî vakuvî mûno gûkîra vîndî ya mbere rîrîa twetîkirie.

Aroma 13:12

Ûtukû ûrî vakuvî kûthira na mûthenya ûrî vakuvî gûka. Nîtûtige gwîka ciîko irîa ciîkagîrwa ndumarî na tûoce indo cia mbaara irîa itûmagîrwa kûrûa ûtherirî.

Aroma 15:4

Maûndû monthe marîa marî mandîkorî marîa matheru maandîkirwe matûthomithie, nîguo tûvote kûgîa na kîîrîgîrîro na njîra ya gûkirîrîria na kûmîrîria.

Aroma 4:23

Nacio ciugo ino atî “Nîwatuirwe mûthingu” itiandîkirwe nîûndû wake wenga.

1Akor 10:6

Maûndû mau monthe meekîkire nîguo matuîke kîonereria kûrî tue gîa gûtûkaania atî tûtikeriragîrie maûndû macûku ta ûrîa mekire,

1Akor 7:29

Ariû na aarî a îthe wetû, ûndû ûrîa nie nîrauga nî atîrî: kavinda karîa gatigarîte nî kanini mûno. Kuuma rîu, andû arîa mavikanîtie magîrîrwe nî gûtûûra takwa matarî avikaniu.

1Akor 9:10

Ke na ma akiuga ûguo aaugaga nîûndû wetû nîûndû mûndû ûrîa ûrîmaga na mûndû ûrîa ûkethaga nîmagîrîrwe nî kûruta wîra marî na mwîvoko wa kûnyita gîcunjî Kîam maketha.

Agal 4:24

Maûndû mama maragua marî ngerekano, na aka aya aîrî marûngamîrîrîte irîkanîro igîrî. Hagari na nîke wagîrîre ciana ûkomborî agerekanîtue na kîrîkanîro kîrîa Kîamrûthîrwe kîrîmarî gîa Sinai.

Afil 4:5

Gûkirîrîria kwenyu nîkûmenywe nî andû onthe. Mwathani arî vakuvî gûka.

Ahib 10:25

Tûtigatige gûcemanagia vamwe ta ûrîa andû amwe mamenyerete gwîkaga. Nwatî nîkava tûûmanagîrîrie mûndû na ûrîa wîngî nîûndû nîmûrona atî Mûthenya wa Mwathani nîûkuvîvîrîtie.

Ahib 10:37

Nîûndû Mandîko Matheru maugîte atîrî, “Nî kavinda kanini gatigarîte, nake ûrîa ûraûka nîagûkinya, tî ekara kavinda karaca ataûkîte.

1Joh 2:18

Ciana ciakwa, rîîrî nîrîo îvinda rîa mûthiia! Mue nîmwîguîte atî nthû ya Kristû nîgûka; na rîu nîkûgîte na nthû nyîngî cia Kristû. Kwoguo nîtûmenyete atî rîîrî nîrîo îvinda rîa mûthiia.