1Akor 1:9 - ÎVUKU RÎA ÛVORO MWARO

⁹ Ngai nî mwîvokeku. Ke nîke wamwîtire nîguo mûgîe na ngwatanîro na Mûrû wake Jesû Kristû Mwathani wetû.

1Akor 1:9 ပူးပေါင်းရင်းမြစ်များ

Thaburi 100:5

Nîûndû Ngai-Mûnene nî mwaro; wendo wake ûtathiraga ûtûûraga tene na tene, wîvokeku wake ûkinyagîra njiarwa cionthe.

Isaia 11:5

Ke akaathanaga na ûthingu na wîvokeku.

Isaia 25:1

We Ngai-Mûnene, nîwe Ngai wakwa; nîngaakwambararia na ngumie rîîtwa rîaku, nîûndû we nîwîkîte maûndû ma magegania; mîvango îrîa wavangire kuuma tene, ûmîvingîtie na wîvokeku na ûûma.

Isaia 49:7

Ngai-Mûnene mûkûri wa Isiraeli na ûrîa Mûtheru wake, arera ûrîa ûnyararîtwe mûno, ûrîa ûmenetwe nî andû a mavûrûri na nî ndungata ya athamaki atîrî, “Athamaki nîmagaakwona na marûngame magûtîîe; anene wanao nîmakenamîrîria mothiû mao magûtîîe.” Mageeka ûguo nîûndû wa ûrîa nie Ngai-Mûnene nîrî mwîvokeku, Ûrîa Mûtheru wa Isiraeli, nîke ûkûthuurîte.

Ndari 23:19

Ngai ndekariî ta mûndû atî nwa aveenanie, kana ta mûndû wa nthî atî nwa ericûkwe. Ûndû wa wonthe eranagîra nîavingagia. Ke aaragia na ûrîa auga ûgatuîkîka.

Mathaayo 24:35

Îgûrû na nthî nîikaathira, nwatî ciugo ciakwa itikaathira.

Johana 17:21

Nîravoya atî onthe matuîke kîndû kîmwe. Maroekara ndaarî yetû, wata ûrîa we ûrî ndaarî yakwa nanie nîrî ndaarî yaku. Marotuîka kîndû kîmwe nîguo andû a gûkû nthî metîkie atî we nîwe wandûmire.

Aroma 11:17

Mvûa imwe cia mûtî wa mûtamaiyû nî ngavûrange, na ruo rûvûa rwa mûtî wa mûtamaiyû wa kîthaka rûgaciarithanua na guo. Mue andû a Ndûrîrî mwîkariî ta mûtamaiyû ûcio wa kîthaka. Nîmûtethekaga nî kîrîa kiumaga kûrî Ayahudi na njîra ta îrîa rûvûa rwa mûtamaiyû wa kîthaka rûtethekaga rwaciarithanua na mûtamaiyû ûrîa wa mûgûndarî.

Aroma 8:28

Tue nîtwîcî atî maûndûrî monthe Ngai nî arutaga wîra nîûndû wa wagîrîru wa arîa mamwendete. Andû acio nî arîa ke etîte kûringana na wendi wake.

Aroma 8:30

Kwoguo arîa Ngai amûrîte nîwametire, nao acio eetire nîwamatuire athingu na akîmagaîra riiri wake.

Aroma 9:24

Tue nîtue andû arîa Ngai eetire, amwe maarî Ayahudi na amwe maarî andû a Ndûrîrî.

1Akor 1:30

Nwatî Ngai nîke kiumo Kîam ûûrûmwe wenyu na Jesû Kristû. Na njîra ya Kristû Ngai nîatûvecaga ûûgî na agatûtua athingu. Natue nîtûtuîkaga andû a Ngai na tûgakûrwa kuuma meviarî metû.

1Akor 10:13

Magerio marîa mûgeragua namo nwamo andû arîa engî mageragua namo. Ngai nîmwîvokeku na ndangîtîkîra ûgerue makîria ya vinya ûrîa ûrî naguo. Nwatî vîndî îrîa ûragerua ke agaakûvecaga vinya nîguo ûvotage kûmîrîria na kûûrîra magerio.

1Akor 10:16

Gîkombe kîrîa tûtûmagîra vîndî îrîa tûrakûngûîra Irio cia Mwathani cia Kîvwaî nwa kîo tûtûmagîra vîndî îrîa tûracokia ngatho kûrî Ngai: vîndî îrîa tûranyuîra gîkomberî gîkî twîthagîrwa tûkînyunyanîra nthakame ya Kristû. Naguo mûgate ûrîa twenyûrangaga tûkîûrîa, twîthagîrwa tûkîrîcanîra mwîrî wa Kristû.

2Akor 1:18

Nî ma wata ûrîa Ngai arî mwîvokeku, kîîranîro gîakwa gîtiarî “Ii” na “naarî”.

Agal 1:15

Nwatî Ngai nîwanthuurire na njîra ya wega wake wana mbere ya njiarwe na akîmbîta nîmûtungatîre. Na rîrîa aatwire

Agal 2:20

Kwoguo rîu tî nie ndûûraga mwoyo, nwatî nî Kristû ûtûûraga ndaarî yakwa. Ûtûûro ûrîa ndûûraga rîu, ndûûraga na njîra ya gwîtîkia Mûriû wa Ngai ûrîa wamendire na akîîvecana akue nîûndû wakwa.

Aefeso 3:6

Nayo nthitho nî atî na njîra ya ûvoro mwaro, andû a Ndûrîrî nî ciîga cia mwîrî ûmwe na nîmanyitaga kîrîa Ngai eeranîre na njîra ya Jesû Kristû.

Gûco 32:4

“Ke nî ta îthiga, wîra wake nî mûkinyanîru, maûndû make monthe nî ma kîvooto. Ngai nî mwîvokeku na wa ûma; ekaga maûndû marîa magîrîrîte na ma kîvooto.

Gûco 7:9

Menyani nama atî Ngai-Mûnene, Ngai wenyu nîke Ngai, na nî mwîvokeku. Ke nîavingagia kîrîkanîro gîake na arî wendo ûtathiraga, kûrî njiarwa ngiri cia andû arîa mamwendete na mavingagia maathani make.

Akol 1:24

Rîu nîngenaga nîûndû wa ûrîa nthînagua nîûndû wenyu. Nîûndû nî na njîra ya kûthînîka kîîmwîrî mvotaga gûtethereria kûrîkia matigari ma mathîna marîa Kristû aathînirue namo nîûndû wa mwîrî wake, ûrîa arî guo kanitha.

1Ath 2:12

Tue, nîtwamûûmagîrîria, nîtwamûthaithaga na nîtwekaraga tûkîmûringagîrîria mûtûûrage na mûtûûrîre ûrîa ûkenagia Ngai ûrîa ûmwîtaga ûthamakirî wake ûrîa ûrî na riiri.

2Ath 2:14

Ngai aamwîtire na njîra ya ûvoro mwaro ûrîa twamûvunjîrie nîguo mûtuîke a kûgaa riiri wa Mwathani wetû Jesû Kristû.

2Ath 3:3

Nwatî Mwathani nîmwîvokeku na nîakûmûva vinya na amûgitîre kuuma kûrî Ûrîa Mûcûku.

2Tim 1:9

Ke nîke watûvonokirie na agîtwîta tûtuîke andû ake. Ndaatwîkire ûguo nîûndû wa ûrîa twekîte waro, nwatî nîûndû wa kwenda gwake na wega wake. Ngai aatûveere wega ûcio na njîra ya Jesû Kristû mbere ya îvinda rîkinya.

2Tim 2:13

Ethîrwa tûtirî evokeku, ke atûûraga arî mwîvokeku, nîûndû ndangîveenia.”

Tito 1:2

Ûvoro wa gwîtîkia na kûgîa na ûmenyo wa ûvoro wama nî ûvecanaga kîîrîgîrîro Kîam Mwoyo wa tene na tene kîrîa Ngai ûrîa ûtaveenanagia aatwîrîre kuuma Kîammbîrîria.

Ahib 10:23

Nîtûnyiteni na vinya kîîrîgîrîro gîetû kîrîa tumbûraga tûtarî na nganja, nîûndû Ngai nî mwîvokeku na ciîranîro ciake nî cia ma.

Ahib 11:11

Nîûndû wa wîtîkio Sara nîwagîre na mwana wana ethîrwa aarî nthata nake Iburahimu aarî mûkûrû. Iburahimu nîwetîkîtie atî Ngai nîmwîvokeku na nîakaavingia ûrîa aamwîrîîre.

Ahib 2:17

Ûguo nî kuga atî nwanginya angîatuîkire ta aa mûrwang'ina na aa mwarwang'ina na njîra wa yonthe nîguo atuîke Mûthînjîri-Ngai ûrîa mûnene, mwîvokeku na ûrî ntha wîrarî wa Ngai nîguo atûme andû moverwe mevia mao.

Ahib 3:1

Kwoguo ariû a îthe wetû mue arîa atheru na mwîtîtwe nî Mwathani, îcirieni ûvoro wa Jesû ûrîa Ngai aatûmire arî Mûthînjîri-Ngai ûrîa mûnene wa wîtîkio ûrîa tumbûraga.

Ahib 3:14

Tuonthe tûrî a ngwatanîro îmwe na Kristû ethîrwe nîtûgûtûûra tûnyitîtie mwîvoko ûrîa twarî naguo kuuma wa Kîammbîrîria.

Ahib 6:18

Kûrî na maûndû maîrî marîa matangîgarûrîka namo nî atî: Ngai ndangîîricûkwa rîrîa akwîranîra ûndû, na ndangîveenania rîrîa akwîvîta. Maûndû mama nîmatûmagîrîria tue arîa tûthiîcaga kûrî Ngai nîguo atûgitîre, na nîmatûvecaga vinya wa gûtûûra tûrî na kîîrîgîrîro kîrîa kigîtwe mbere yetû.

1Pet 5:10

Nwatî mwona mwarîkia kûthînua kwa îvinda rînini, Ngai mûvecani wa mawega monthe ûrîa ûmwîtaga nîguo mûtuîke agai a riiri wa tene na tene mûrî rûmwe na Kristû nîakaamûtua akinyanîru. Ke nîagaatûma mwîkare mûrî ekindîriu, mûrî na vinya na mûrî na mûcingi ûrîa wa ma.

1Joh 1:3

Maûndû marîa tûonete na tûkeîguîra nîmo tûmwîraga wa namue nîguo mûgwatanagîra natue ngwatanîrorî îrîa twîthagîrwa tûrî nayo na Îthe na Mûriû Jesû Kristû.

1Joh 1:7

Nwatî tûngîthiîra ûtherirî wata ûrîa ke arî ûtherirî, nwa tûgîe na ngwatanîro mûndû na ûrîa wîngî. Nayo nthakame ya Mûriû Jesû îgaatûtheragia kuuma meviarî monthe.

1Joh 4:13

Ûndû ûrîa tûmenyaga naguo atî Ngai atûûraga ndaarî yetû, natue tûtûûraga ndaarî yake nî atî: ke nîwatûvere Roho wake.

Kûguû 19:11

Nînacokire ngîona îgûrû rîvingûkîte na kûrî na mbarathi ya rangi njerû. Ûrîa wathiîte amîkarîrîte etagwa Mwîvokeku na wa Ma. Na ûrîa atucanagîra ciira na akarûa mbaara na njîra ya kîvooto.