1Akor 1:8 - ÎVUKU RÎA ÛVORO MWARO

⁸ Nîakûmwiga amûmenyererete nginya mûthiia nîguo mûtikethîrwe mûrî na ûcuke mûthenya ûcio wa Mwathani wetû Jesû Kristû.

1Akor 1:8 ပူးပေါင်းရင်းမြစ်များ

Thaburi 37:17

Nîûndû Ngai-Mûnene nîakaathiria vinya wa andû arîa aganu, nwatî nîakaagitîra arîa athingu.

Thaburi 37:28

nîûndû Ngai-Mûnene endaga maûndû marîa magîrîru, na ndatiganagîria andû ake arîa evokeku. Agitagîra andû arîa athingu tene na tene, nwatî nîakaathiria njiarwa cia andû arîa aganu.

Luka 17:24

Nîûndû wata ûrîa rûveni rûvenagia na rûkamûrîka matu kuuma mwena ûmwe nginya mwena ûrîa wîngî, ûguo nwaguo Mûrû wa Mûndû ageekara mûthenya ûcio wake.

Luka 17:30

Ûguo nwaguo gûgeekara mûthenya ûrîa Mûrû wa Mûndû akoonanua.

Aroma 14:4

We wî û nîguo ûtuîke wa gûtuîra ndungata ya mûndû ûrîa wîngî? Mwathi wa ndungata îo nîke ûgaatua kana nî îkîte waro kana nî îkîte naaî. Nayo ndungata îo nîîkavotana nîûndû Mwathani arî na ûvoti wa gûtûma îvootane.

Aroma 16:25

Nîtûkumieni Ngai! Ke arî na ûvoti wa gûtûma mwîkare mûkindîrîtie wîtîkiorî wenyu kûringana na Ûvoro mwaro wîgiî Jesû Kristû ûrîa mvunjagia, na kûringana na kûguûrîrua nthitho ya ûvoro wama ûrîa wethîrîtwe ûrî mûthithe gwa kavinda karaca mûno.

Aroma 8:19

Indo cionthe irîa ciaûmbirwe cietererete mûno rîrîa Ngai akoonania ciana ciake.

1Akor 3:13

Na wîra wa mûndû wa mûndû nîûkoonekana vîndî îrîa ûkaaguûrua mûthenya wa Kristû. Wîra wa mûndû nîûkaamenyekana nîûndû nîûkaagerua na mwaki nîguo kûmenyekane waro ûrîa wîra ûcio wîkariî.

1Akor 5:5

nîmwagîrîrwe nî kûnenganagîra mûndû ta ûcio kûrî Caitani nîguo mwîrî wake ûcûkangue, naguo roho wake nîûkaavonokua mûthenya ûcio wa Mwathani.

2Akor 1:13

Twamwandîkagîra tu ûrîa mue mûngîvota kûthoma na gûtaûkîrwa. Nanie nîngwîvoka atî nîmûgûtaûkîrwa waro

2Akor 1:14

nîûndû rîu mûtaûkîrîtwe nî maûndû mamwe marîa matwîgiî. Rîrîa mûthenya wa Mwathani wetû Jesû ûgaakinya nîmûgetîîa nîûndû wetû wata ûrîa twîthagîrwa tûgîtîîa nîûndû wenyu.

2Akor 1:21

Ngai ke mwene nîke ûtûmaga mue mûrî vamwe natue tûgîe na kîîrîgîrîro tûrî ûrûmwe na Kristû. Ngai nîke ûtûthuurîte.

Aefeso 5:27

Aakwire nîguo egîîre na kanitha wîkariî ta mûviki, ûrî na riiri na mûtheru, na ûtarî na îvîtia, wîvia, naaî kana ûcûku wana ûrîkû.

Afil 1:10

nîguo mûvotage kûthuura ûndû ûrîa mwaro. Namue mûkeethîrwa mûrî atheru na mûtarî na ûcuke mûthenya wa gûcoka gwa Kristû.

Afil 1:6

Kwoguo nîrî na ma atî Ngai ûrîa wambîrîrie wîra mwaro kûrî mue nî akûûruta nginya akaaûrîkia mûthenya wa gûcoka kwa Jesû Kristû.

Akol 1:22

Nwatî rîu na njîra ya kûûragwa kîîmwîrî kwa Mûriû wake, Ngai nîarîkîtie kûmûtua arata ake nîguo amûrete mbere yake mûrî atheru na athingu na mûtarî na ûcuke.

Akol 2:7

Tûûragani mwîvandîte ndaarî yake na ûtûûro wenyu ûtumîtwe îgûrû rîake. Îthagîrwani mûrî na vinya wîtîkiorî wenyu wata ûrîa mwathomithirue mwîcûrîtwe nî ngatho.

1Ath 3:13

Na njîra îo Mwathani akamûva vinya namue nîmûkethîrwa mûrî atheru na mûtarî na ûcuke mbere ya Ngai îthe wetû rîrîa Mwathani wetû Jesû agaaûka na andû ake onthe.

1Ath 5:2

Nîûndû nîmwîcî waro atî Mwathani agaaûka gûtarî mûndû ûkûmwîrîgîrîra wata ûrîa mwîi aûkaga ûtukû.

2Ath 2:2

mûtikagague meciriarî kana mûmakue nî andû mûkîragwa atî mûthenya wa Mwathani nî mûkinyu. Nwa kwîthîrwa o meciragia atî twamwîrire maûndû mama vîndî îrîa twarathaga na twamûvunjagîria kana atî nîkwa twamwandîkîre maarûa.

2Ath 3:3

Nwatî Mwathani nîmwîvokeku na nîakûmûva vinya na amûgitîre kuuma kûrî Ûrîa Mûcûku.

2Tim 1:12

na ûndû ûyû nîguo ûtûmaga nthînue. Nwatî ndingîconoka, nîûndû nîmbicî Ngai ûrîa mbîtîkîtie na nîrî nama atî ke arî na ûvoti wa kûngitîra vamwe na kîrîa amvete nginya mûthenya wa mûthiia.

2Tim 1:18

Nie nîravoya Mwathani akeeguîra Onesiforo ntha mûthenya wa Mûthiia. Nîûndû we wanawe nîwîcî waro ûrîa aandethirie vîndî îrîa naarî Efeso.

1Pet 5:10

Nwatî mwona mwarîkia kûthînua kwa îvinda rînini, Ngai mûvecani wa mawega monthe ûrîa ûmwîtaga nîguo mûtuîke agai a riiri wa tene na tene mûrî rûmwe na Kristû nîakaamûtua akinyanîru. Ke nîagaatûma mwîkare mûrî ekindîriu, mûrî na vinya na mûrî na mûcingi ûrîa wa ma.

2Pet 3:10

Nwatî Mûthenya wa Mwathani ûgaakinya ta ûrîa mwîi aûkaga. Mûthenya ûcio îgûrû nîrîkaathira na mûrurumo mûnene. Ciûmbe cionthe irîa irî îgûrû nîikaavîvua na mwaki ithire. Nayo nthî na indo cionthe irîa irî kuo nîikaavîvua viû.

2Pet 3:14

Kwoguo arata akwa ende, wa mûgîetagîrîra Mûthenya ûcio, geragiani wa ûrîa mûngîvota nîguo mwîthagîrwe mûrî atheru na mûtarî na ûcuke mbere ya Ngai, na mûrî na thayû.