1Akor 1:6 - ÎVUKU RÎA ÛVORO MWARO

⁶ Wana nginya ndûmîrîri îgiî Kristû nîgîte na mîri gatagatîrî kenyu.

1Akor 1:6 ပူးပေါင်းရင်းမြစ်များ

Maariko 16:20

Nao arutwa nîmaathiîre na makîvunjia ûvoro mwaro kûndû kuonthe. Nake Mwathani nîwethagîrwa arî vamwe nao na agekagîra ndûmîrîri yao vinya na njîra ya ciama irîa ciaringagwa.] [

Ciîko 11:17

Ngai nîwavere andû a ndûrîrî kîveo wata kîrîa aatûvere vîndî îrîa twetîkirie Mwathani Jesû Kristû. Nie naarî û vi wa kûgiria Ngai eke ûrîa eendaga gwîka!”

Ciîko 11:21

Nao etîkia acio maarî na vinya wa Mwathani na andû gîkundi kînene magîtîkia na makîrûmîrîra Mwathani.

Ciîko 18:5

Na rîrîa Sailasi na Timotheo maakinyire maumîte Makedonia, Paûlo nîwambîrîrie gûtûmîra mavinda monthe make na wîra wa kûvunjia na akarutaga ûira kûrî Ayahudi akiugaga atî Jesû nîke Mesaya.

Ciîko 20:21

Nie nînarutire ûira kûrî Ayahudi na andû a Ndûrîrî ngîmeera merire mevia mao, macokerere Ngai na metîkie Mwathani wetû Jesû Kristû.

Ciîko 20:24

Nwatî ndionaga mwoyo wakwa ûrî na vata wana vanini. Ûndû ûrîa ûrî na vata nî kûrîkia wîra na gûkinyîra mûthiia wa ûtungati ûrîa Mwathani Jesû aamveere ndute, naguo nî kûvecana Ûvoro Mwaro wîgiî wega wa Ngai.

Ciîko 22:18

na ngîona Mwathani. Nake nîwambîrire atîrî, ‘We îîvîke ume Jerusalemu narua, nîûndû andû arîa marî gûkû tîmetîkîra we ûmarutîre ûira ûrîa ûmbîgiî.’

Ciîko 23:11

Ûtukû ûcio Mwathani nîwarûngamire vakuvî na Paûlo na akîmwîra atîrî, “Ûmîrîria! Nîûndû wata ûrîa we waruta ûira ûmbîgiî kûrî andû arîa marî gûkû Jerusalemu nwa ta guo ûkaaruta ûira ûmbîgiî kûrî andû arîa marî Roma.”

Ciîko 28:23

Kwoguo Paûlo na atongoria acio a Ayahudi nîmaathuurire mûthenya wa gûcemania. Na rîrîa mûthenya ûcio wakinyire, andû eengî mûno a Kîyahudi nîmaathiîre kûrîa Paûlo eekaraga. Nake Paûlo nîwamaarîrie kuuma kîraûko nginya ûtukû. Ke nîwatûmîre Watho wa Musa na mandîko ma arathi akîmataarîria ûvoro wîgiî Ûthamaki wa Ngai. Nîwageririe kûmonithia metîkie ûvoro wîgiî Jesû.

Aroma 15:19

na njîra ya kûgîa na vinya wa kûringa ciama na gwîka maûndû ma magegania, na na njîra ya vinya ya Roho Mûtheru. Kwoguo kuuma Jerusalemu nthiûrûrûkîte kûndû kuonthe na ngakinya Iluriko ngîvunjagia Ûvoro Mwaro wa Kristû.

2Akor 12:12

Ciama nyîngî na morirû irîa cionanagia atî nîrî mûtûmwa wa ma nîciaringirwe gatagatîrî kenyu na ûkirîrîria mwîngî.

Agal 3:5

Ngai amûvecaga Roho na akaringa ciama gatagatîrî kenyu nîûndû nîmûrûmagîrîra watho kana nîûndû nîmwîgucaga ûvoro mwaro na mûgawîtîkia?

2Ath 1:10

Ûguo gûgekîka mûthenya ûrîa Mwathani agaûka kwamûkîra riiri kuuma kûrî etîkia onthe. Mue mûkethîrwa mûrî gatagatîrî kao, nîûndû nîmwîtîkîtie ndûmîrîri îrîa twamwîrire.

1Tim 2:6

Ke nîke wevecanire nîguo akûûre andû onthe kuuma meviarî. Ûndû ûcio nîwonanirie na ma kavinda karîa kaagîrîrîte atî Ngai nîwendaga andû onthe mavonoke,

2Tim 1:8

Ndûgaconoke rîrîa ûkumbûra Mwathani wetû, kana wîgue ûgîconoka nîûndû wakwa nie njovetwe nîûndû wa Kristû. Vandû va ûguo, nîwagîrîrwe nî kûgwatanîra nanie mînyamaarorî nîûndû wa ûvoro mwaro, nîûndû Ngai nîke ûtûvecaga vinya.

Kûguû 1:2

na Johana nîwîranîte ûrîa wonthe onete. Rûrû nîruo rûgano rwake rwîgiî ndûmîrîri kuuma kûrî Ngai, na ûma ûrîa waguûrirue nî Jesû Kristû.

Kûguû 1:9

Nie nînie Johana mûrû wa îthe wenyu. Nî mbîtîkîtie Jesû na nîrî ûmwe wenyu. Nîtûgwatanagîra namue ngirîrîtie ngîûmagîrîria kûthînua kûrîa gûkaga kûrî arîa marî a Ûthamaki wake. Nie naigirwe gîcîgîrîrarî gîtagwa Patimo nîûndû nînaanîrîre Ûvoro wa Ngai na Ûma ûrîa Jesû aaguûririe.

Kûguû 12:11

Ariû na aarî a îthe wetû nî maavootire Ngoma na nthakame ya Gatûrûme na njîra ya ndûmîrîri îrîa maavunjirie. O matietigagîra gûkua, nîmeevarîrîtie kûvecana mîoyo yao.

Kûguû 12:17

Njûnamatu îo nîyarakarirue mûno nî mûndûmûka ûcio na îkîthiî kûrûa na njiarwa icio ciîngî ciake, nacio nî irîa ciathîkagîra maathani ma Ngai na irî na wîvokeku kûrî ûma ûrîa waguûrirue na njîra ya Jesû.

Kûguû 19:10

Nînegwîthirie nthî mbere yake nîmûgooce, nwatî ke nîwambîrire atîrî, “Tiga gwîka ûguo! Nie ndungatagîra Ngai wa tawe na etîkia arîa engî onthe evokeku. Acio nî arîa marûmagîrîra ûira wa Jesû. Goocani Ngai arî ke!” Nîûndû ûira ûrîa ûguûragwa nî Jesû nîguo ûtûmaga arathi manîrîre ndûmîrîri ya ûkristiano.

Kûguû 6:9

Rîrîa Gatûrûme gatumûrîre rûtumo rwa gatano, nînoonire mîoyo ya andû arîa maaûragîtwe îrî vau rungu rwa metha ya kûrutîra kîgongoona. Andû acio maaûragîtwe nîûndû wa kûvunjia kiugo Kîam Ngai na kûvecana ûira marî evokeku.