1Akor 1:5 - ÎVUKU RÎA ÛVORO MWARO

⁵ Nîûndû mue mûrî ûrûmwe na Kristû nîmûtongetue na njîra cionthe, mîariorî yonthe na ûmenyorî wonthe.

1Akor 1:5 ပူးပေါင်းရင်းမြစ်များ

Ciîko 2:4

Nao onthe nîmecûrirwe nî Roho Mûtheru, na makîambîrîria kwaria na nthiomi ciîngî wata ûrîa Roho ûcio aamavotithirie kwaria.

Aroma 11:12

Mevia marîa meekirwe nî Ayahudi nîmaaretire irathimo nyîngî gûkû nthî, na ûthîni wao wa ngoro nîwaretire irathimo nyîngî kûrî andû a Ndûrîrî. Kwoguo nthî îkaagîa na irathimo ciîgana atîa vîndî îrîa Ayahudi onthe magatonyua ûvonokiorî!

Aroma 15:14

Ariû na aarî a îthe wetû, nie mwene nîmbicî na ma atî nîmwîcûrîtue nî wega na ûmenyo na atî nîmûvotete kûthomithania mue ene.

Aroma 15:4

Maûndû monthe marîa marî mandîkorî marîa matheru maandîkirwe matûthomithie, nîguo tûvote kûgîa na kîîrîgîrîro na njîra ya gûkirîrîria na kûmîrîria.

1Akor 12:10

Roho nîavecaga mûndû ûmwe kîveo gîa kûringa ciama; kûrî wîngî akavecana ûvoti wa kûvecana ndûmîrîri ya Ngai; na kûrî wîngî akavecana ûvoti wa kûthuurûkania nî iveo irîkû ciumanîte na Roho na nî irîkû itaumanîte na Roho. Roho nîavecaga mûndû ûmwe ûvoti wa kwaria na nthiomi cia mîthemba ngûrani, na kûrî mûndû wîngî akavecana ûvoti wa gûtaûra nthiomi icio.

1Akor 12:8

Roho nîavecaga mûndû ûmwe ndûmîrîri îcûrîte ûûgî, na Roho wa ûcio akava mûndû wîngî ndûmîrîri îcûrîte ûmenyo.

1Akor 13:2

Nwa mbîthîrwe nîmvotaga kûvunjia ndûmîrîri ya Ngai, na nwa mbîthîrwe nîmenyaga maûndû monthe na ngataûkîrwa nî maûndû monthe marîa marî nthithorî. Wana nwa mbîthîrwe nîrî na wîtîkio mûnene ta ûrîa ûngîvota kûthamia irîma. Nwatî ethîrwa ndirî na wendani, ndirî na vata wana vanini.

1Akor 13:8

Wendani ndûthiraga. Morathi nîmakaathira, kwaria na nthiomi nîgûkaathira na ûmenyo wa naguo nîûkaathira.

1Akor 14:26

Kwoguo ariû na aarî a îthe wetû, vîndî îrîa mûcemanîtie vamwe nîûndû wa kûgooca, mûndû ûmwe nîethagîrwe arî na rwîmbo, wîngî ethagîrwe arî na kîthomo, wîngî ethagîrwe arî na ûguûrio kuuma kûrî Ngai, wîngî ethagîrwe akîaria na nthiomi na wîngî ethagîrwe nîaravota gûtaûra ûrîa nthiomi icio ciugîte. Mworoto wa maûndû mama monthe wagîrîrwe nî kwîthîrwa ûrî wa gwîkîra kanitha vinya.

1Akor 8:11

Kwoguo mûndû ûcio ûrî na wîtîkio mûnini na wakuîrîrwe nî Kristû nîacûkangagua nîûndû wa “Ûmenyi” ûcio wenyu.

2Akor 4:6

Nîûndû Ngai nîke waugire atîrî, “Tiga ûtheri ware ndumarî.” Ngai ûcio nwake watûmire ûtheri wake ware ngororî cietû nîguo tûmenye riiri wa Ngai ûrîa ûrî ûthiûrî wa Kristû.

2Akor 6:10

Wana ethîrwa nîtwîgwithagua kîeva, vîndî cionthe twîthagîrwa tûrî akenu. Twonekaga tûrî athîni, nwatî nîtûtûmaga andû eengî matonge. Twonekaga tûtarî na kîndû, nwatî nîma tûrî na indo cionthe.

2Akor 8:7

Mue mûrî itonga mûno cia maûndû monthe, wîtîkiorî, mîariorî, ûmenyorî, na wendirî wenyu wa gûtethania na wendo wenyu kûrî tue. Kwoguo nîtûkwenda mûtuîke ataana ûtungatarî wa kwendana wana guo.

2Akor 9:11

Ke agatûmaga mûtonge na njîra cionthe nîguo mûvecanage vîndî cionthe. Nao andû eengî magaacokagia ngatho kûrî Ngai nîûndû wa iveo cienyu irîa makamûkagîra kuuma kûrî tue.

Aefeso 1:17

Mvoyaga Ngai wa Mwathani wetû Jesû Kristû, ûrîa arî ke Îthe wetû ûrî riiri amûve Roho ûrîa ûgûtûma mûvîge na ûkûmûguûrîria Ngai nîguo mûmûmenye waro.

Aefeso 2:7

Eekire ûguo nîguo mavindarî monthe marîa magaaûka akoonania magegania na ûnene wa wega wake. Eekire ûguo na njîra ya wendo ûrîa aatwonirie na njîra ya Jesû Kristû.

Aefeso 3:8

Nîrî mûnini gûkîra andû onthe a Ngai, nwatî Ngai nîwamûvere kîveo kîu Kîam mwanya. Nakîo kîveo kîu nî gîa kûvunjia kûrî andû a Ndûrîrî ûvoro mwaro wîgiî ûtonga ûrîa ûtarî kîthimi wa Kristû.

Aefeso 6:19

Mvoyagîrani wa nanie atî rîrîa navingûra kanyua gakwa, Ngai amvecage ciugo nîguo mbaragie nthitho ya ûvoro mwaro ndarî na guoya.

Afil 1:9

Îvoya rîakwa kûrî mue nî atî wendo wenyu ûthiî na mbere kwongerereka, vamwe na ûmenyo wa ma na gûkûûrana maûndû waro,

Akol 2:3

Naguo Mûthithû wa ûûgî na ûmenyo nîûthithîtwe varî Kristû.

Akol 3:10

na nîmwekîrire ûmûndû mûcerû. Naguo ûmûndû wenyu ûyû mûcerû wîkaraga ûgîcerûvagua vîndî cionthe nîguo ûvanane na Ngai ûrîa waûûmbire, nîguo ûgîe na ûmenyo wa ma wake.

Jakuvu 3:13

Nîkûrî na andû gatagatîrî kenyu marî na ûûgî na ûtaûku? Nîmwagîrîrwe nîkûwonania na njîra ya mîtûûrîre yenyu mîaro na njîra ya ciîko cienyu mbaro ciîkîtwe na wînyivia na ûûgî.

2Pet 3:18

Nwatî thiîni na mbere gûkûra mûrî na wega na ûûgî wa Mwathani na Mûvonokia wetû Jesû Kristû. Ke arokumua rîu nginya tene na tene! Ameni.