1Akor 1:4 - ÎVUKU RÎA ÛVORO MWARO

⁴ Vîndî cionthe nînjokagia ngatho kûrî Ngai wakwa nîûndû wenyu, nîûndû wa wega wa Ngai ûrîa ke amûvete na njîra ya Jesû Kristû.

1Akor 1:4 ပူးပေါင်းရင်းမြစ်များ

Mathaayo 19:11

Nake Jesû nîwamacokerie atîrî, “Kîthomo gîkî gîtingîtîkîrwa nî andû onthe, tiga andû arîa tu Ngai avotithîtie gûtaûkîrwa nîkîo.

Johana 10:30

Nie na Vava tûrî kîndû kîmwe.”

Johana 14:14

Mûngîkaavoya ûndû wana ûrîkû na rîîtwa rîakwa, ngaamûvingagîria.

Johana 14:16

Nie nîngûvoya Vava, nake nîakûmûva Mûtethia wîngî nîguo atûûranagie namue tene na tene.

Johana 14:26

Nwatî Mûtethia, na nîke Roho Mûtheru, ûrîa Vava agaatûma na rîîtwa rîakwa, nîakaamûthomithia maûndû monthe na amûvotithie kûririkana ûrîa wonthe namwîra.

Johana 15:26

“Nie nîngaamûtûmîra Mûtethia kuuma kûrî Vava. Ke nîke Roho wa ma ûrîa uumaga kûrî Vava na nîke ûkaaruta ûira wakwa.

Ciîko 11:23

Baranaba aarî mûndû mwaro, wecûrîtwe nî Roho Mûtheru na wîtîkio. Na rîrîa ke aakinyire Antiokia na akîona ûrîa Ngai aarathimîte andû, nîwacanjamûkire mûno na akîmathaitha onthe mekarage mevokete Mwathani vîndî cionthe na ngoro ciao cionthe. Nao andû eengî mûno nîmaatuîkire arûmîrîri a Mwathani.

Ciîko 21:20

Rîrîa meegwire ûguo, nîmaakumirie Ngai. Nao nîmaacokire makîra Paûlo atîrî, “Mûrû wa îthe wetû, we nîûrona atî Ayahudi ngiri nyîngî nîmatuîkîte etîkia. Nao onthe nîmarûmagîrîra Watho wa Musa marî na kîîo kîîngî mûno.

Aroma 1:8

Ûndû wa mbere nie nîngûcokia Ngatho kûrî Ngai na njîra ya Jesû Kristû nîûndû wenyu muonthe. Nîûndû ûvoro wîgiî wîtîkio wenyu nîwîgucagwa nî andû onthe a nthî.

Aroma 6:17

Nwatî nwanginya tûcokie ngatho kûrî Ngai nîûndû vîndî îmwe mwarî ngombo cia mevia, nwatî nîmwacokire kwathîkîra ûvoro wa ma ûrîa wonekaga maûndûrî marîa mwathomithirue.

1Akor 1:3

Mûrogîa na wega na thayû kuuma kûrî Ngai îthe wetû na Mwathani Jesû Kristû.

1Tim 1:14

Nake Mwathani wetû nîamonetie wega wake mwîngî na nînîmwîtîkîtie na ngamwenda nîûndû wa kûgîa na ngwatanîro na Jesû Kristû.