1Akor 1:26 - ÎVUKU RÎA ÛVORO MWARO

²⁶ Ariû na aarî a îthe wetû, taririkanani ûrîa mwekariî rîrîa Ngai aamwîtire. Kûringana na woni wa andû, tî eengî gatagatîrî kenyu maarî aûgî kana maarî na vinya wana kana maaciarîrwe mîciîrî ya vata.

1Akor 1:26 ပူးပေါင်းရင်းမြစ်များ

2Atha 5:4

Rîrîa Naamani eeguire ûguo, nîwathiîre kûrî mûthamaki wa Sîria na akîmwîra ûrîa mwîrîtu wa kuuma vûrûri wa Isiraeli aaugîte.

Ayubu 37:24

Kwoguo andû onthe nîmamûvecaga gîtîîo; na ndarûmbûyanagia na mûndû ûrîa wîtucaga mûgî.”

Zefania 3:12

Nie nîngaatiga andû enyivia na avoreri kûu, arîa magaaûka kûrî nie nîguo nîmatethie.

Luka 1:3

Kwoguo Theofilo, nie nîrona kwagîrîrîte ngwandîkîre na njîra mbaro mûtaratara wa ûrîa maûndû mau meekîkire, nîûndû nie nînaamarûmîrîre waro kuuma wa Kîammbîrîria Kîammo.

Luka 10:21

Vîndî îo Jesû nîwakenire ecûrîtwe nî Roho Mûtheru na akiuga atîrî, “Vava wa îgûrû na nthî, nînagûcokeria ngatho nîûndû we nîwonetie andû arîa enyivia maûndû marîa ûthithîte andû arîa aûgî na imenyi. Îni nîguo Vava, ûguo nîguo we wendaga gwîkîke.”

Ciîko 13:12

Na rîrîa Mwarîrîria ûcio oonire ûguo, nîwetîkirie; nîûndû ke nîwamakîtue mûno nî kîthomo kîu kîgiî Mwathani.

Ciîko 13:7

Nake mûragûri ûcio aarî mûrata wa Serigio Paûlo. Serigio aarî mûndû mûûgî na nîke warî mwarîrîria wa gîcîgîrîra Kîam Kuporo. Mûnene ûcio nîwetire Baranaba na Saûlo mathiî kûrî ke, nîûndû nîwendaga kwîgua kiugo Kîam Ngai.

Ciîko 17:34

Nwatî andû amwe nîmaatuîkire etîkia na makîmûnyita mbaru. Gatagatîrî kao kwarî Dionisio ûrîa warî ûmwe wa athuuri a Kîamma Kîam Areopago na mûka wetagwa Damari wa vamwe na andû engî.

Aroma 11:29

Nîûndû Ngai arathuura mûndû na akîmûrathima, ndagarûrûkaga.

1Akor 1:20

Kwoguo tûngiuga atîa îgûrû rîgiî andû arîa aûgî? Tûngiuga atîa îgûrû rîgiî arimû a watho? Na tûngiuga atîa îgûrû rîa andû arîa marî wara mwîngî wa kwarîrîria maûndû? Ngai nîwonanîtie atî ûûgî wa gûkû nthî wîthagîrwa ûrî ûrimû.

1Akor 2:13

Kwoguo tûtiaragia ûvoro wîgiî maûndû mama tûgîtûmagîra ciugo irîa twathomithirue na njîra ya ûûgî wa ûmûndû, nwatî twaragia tûgîtûmagîra ciugo irîa twathomithirue nî Roho. Kwoguo andû arîa marî na roho nîtûmataaragîria ûvoro wa ma wa kîîroho.

1Akor 2:8

Gûtirî mûnene wana ûmwe wa gûkû nthî wamenyire ûûgî ûcio. Nîûndû mangîaûmenyete matingîambire Mwathani ûrîa ûrî riiri mûtharavarî îgûrû.

Afil 4:22

Andû onthe a Ngai arîa marî gûkû na mûno makîria arîa marî mûciî kwa mûthamaki wa Roma nîmamûkethia.

Jakuvu 2:5

Tathikîrîriani arata akwa ende! Ngai aathuurire andû arîa athîni gûkû nthî nîguo matuîke itonga cia wîtîkio na magae ûthamaki ûrîa Ngai erîîre arîa mamwendete.

2Joh 1:1

Nie mûthuuri nîrandîkîra mûndûmûka mûtîîe wa vamwe na ciana ciake arîa mendete mûno. Twa nie nienga nîmwendete, nwatî nîmwendetwe nî arîa onthe mecî ûma.