1Akor 1:19 - ÎVUKU RÎA ÛVORO MWARO

¹⁹ Mandîko matheru maugîte atîrî: “Nie nîngaacûkangia ûûgî wa andû arîa aûgî, na njûkangie wara wa andû arîa ara.”

1Akor 1:19 ပူးပေါင်းရင်းမြစ်များ

Isaia 19:11

Atongoria a îtûûra rîa Zoani nî aritu mûno; ataari a mûthamaki wa Misiri mavecanaga mataaro ma ûrimû. Mangîvota atîa kwîra mûthamaki wa Misiri, atî o nî njiarwa cia andû arîa aûgî, njiarwa cia athamaki a tene atîa?

Isaia 19:3

Nîngaathiria ûrûme wa andû a Misiri, na njûkangie mîvango yao. Nîmakaaûria ûtaaro kûrî mîvuanano na aringi ciama, na kûrî ago na arogi.

Isaia 29:14

Kwoguo, nîngeka andû aya maûndû ma kûmakania, maûndû ma kûgegania na ma kûmakania. Naguo ûûgî wa andû ao arîa aûgî nîûkaathira, na ûmenyo wa andû ao arîa amenyi ûgaatuîka wa mana.”

Jeremia 10:7

Nû ûtangîgwîtigîra we mûthamaki wa mavûrûri? We nîwagîrîrwe nî gûtîewa, nîûndû gatagatîrî ka andû arîa aûgî onthe a mavûrûri, na gatagatî ka athamaki ao onthe, gûtirî wîkariî tawe.

Jeremia 8:9

Andû arîa aûgî nîmagaconorithua, nîmakavîngwa na magwatwe. Nîmaregete ciugo cia Ngai-Mûnene; nî ûûgî ûrîkû marî naguo?

1Akor 3:19

Nîûndû kîrîa andû a gûkû nthî metaga ûûgî, Ngai agîtaga ûrimû. Kwandîkîtwe mandîkorî matheru atîrî, “Ngai atûmagîra wara wa andû arîa aûgî ûrî ta mûtego wa kûmatega.”

1Akor 4:10

Tûrî irimû nîûndû wa Kristû. Nwatî mue mûrî aûgî mûrî na ûrûmwe na Kristû. Tûtirî na vinya, nwatî mue mûrî na vinya! Mue mûrî atîîe nwatî tue tûrî anyarare!

1Akor 4:6

Ariû na aarî a îthe wetû, nie nînîîtûmîrîte na ngatûmîra Apolo tûrî ta ngerekano nîguo mue mûvote kûthoma kuumana natue maûndû marîa maugîte atîrî, “Rûmagîrîrani maûndû marîa mandîke.” Gûtirî mûndû wana ûmwe gatagatîrî kenyu wagîrîrwe nî gwîtîîa na ûndû wa kwenda mûndû ûmwe na kûmenereria ûrîa wîngî?