1Akor 1:12 - ÎVUKU RÎA ÛVORO MWARO

¹² Ûrîa nîrauga nî atî: wa mûndû gatagatîrî kenyu augaga atîrî, “Nie nûmagîrîra Paûlo,” wîngî akauga, “Nie nûmagîrîra Apolo,” wîngî akauga, “Nie nûmagîrîra Petero”; na wîngî akauga, “Nie nûmagîrîra Kristû.”

1Akor 1:12 ပူးပေါင်းရင်းမြစ်များ

1Atha 16:21

Andû a Isiraeli nîmaagaûkanire ikundi igîrî. Gîkundi kîmwe kîendaga Tibuni mûvîcî wa Ginathu atuîke mûthamaki. Nakîo gîkundi kîu kîngî kîendaga Omuri atuîke mûthamaki.

Mathaayo 23:8

Nwatî mue mûtiagîrîrwe nî gwîtwa ‘arimû,’ nîûndû mue muonthe mûrî ariû a îthe ûmwe na mûrî na mwarimû ûmwe tu.

Johana 1:42

Enderea nîwacokire akîvira Simoni kûrî Jesû. Nake Jesû nîwamûroririe na akîmwîra atîrî, “We nîwe Simoni, mûvîcî wa Johana nwatî kuuma rîu ûgeetagwa Kefa.” (Rîîtwa rîîrî na Kîngiriki nî Petero, na nî ûndû ûmwe na kuga “Îthiga.”)

Ciîko 18:24

Na kavindarî wa kau, Mûyahudi ûmwe wetagwa Apolo na waciarîrîtwe Alekisandiria, nîwaûkire kûu Efeso. Ke aarî mûndû waicî kwaria waro na waicî Mandîko Matheru waro.

Ciîko 19:1

Na vîndî îrîa Apolo aarî Korinitho, Paûlo nîwavîtûkîrîre mwena wa rûgûrû na agîkinya Efeso. Nake nîwethîre arutwa amwe kuo

1Akor 1:11

Ariû na aarî a îthe wetû, andû amwe a kuuma mûciî wa Kiloe nîmambîrîte cararûkû atî kûrî na ngarari gatagatîrî kenyu.

1Akor 15:5

Ke nîwaumîrîre Petero na agîcoka akiumîrîra atûmwa arîa îkûmi na aîrî.

1Akor 15:50

Ariû na aarî a îthe wetû, ûrîa nîrenda kuga nî atî kîrîa kîthondeketwe na mwîrî na nthakame gîtingîvota kûgaa Ûthamaki wa Ngai. Kîrîa nakîo kîoraga gîtingîvota kûgaa kîrîa gîtoraga.

1Akor 16:12

Na rîu ûvoro wîgiî Apolo mûrû wa îthe wetû nî atî, mavinda meengî nîmbîthîrîtwe ngîmûthaitha aûke amûcerere marî vamwe na ariû na aarî a îthe wetû arîa engî. Nwatî ndarenda wana vanini gûka rîu. Nîagaaûka kûrî mue rîrîa akaagîa na kanya.

1Akor 4:6

Ariû na aarî a îthe wetû, nie nînîîtûmîrîte na ngatûmîra Apolo tûrî ta ngerekano nîguo mue mûvote kûthoma kuumana natue maûndû marîa maugîte atîrî, “Rûmagîrîrani maûndû marîa mandîke.” Gûtirî mûndû wana ûmwe gatagatîrî kenyu wagîrîrwe nî gwîtîîa na ûndû wa kwenda mûndû ûmwe na kûmenereria ûrîa wîngî?

1Akor 7:29

Ariû na aarî a îthe wetû, ûndû ûrîa nie nîrauga nî atîrî: kavinda karîa gatigarîte nî kanini mûno. Kuuma rîu, andû arîa mavikanîtie magîrîrwe nî gûtûûra takwa matarî avikaniu.

1Akor 9:5

Na kinthî tue tûtiagîrîrwe nî kûthiîcanagia na mûndûmûka mwîtîkia wata atûmwa arîa engî na ta aa mûrwang'ina na Mwathani kana ta Petero?

2Akor 10:7

Taroria maûndû marîa marî mbere ya metho maku. Ethîrwa kûrî mûndû wicî atî nî wa Kristû, ke nîamenye atî wanatue tûrî a Kristû ta ke.

2Akor 9:6

Ririkanani atî mûndû ûrîa ûvandaga tûnini agaaketha tûnini. Nake ûrîa ûvandaga nyîngî agaaketha nyîngî.

Agal 2:9

Nao Jakuvu, Petero na Johana, arîa moonekaga marî atongoria nîmaamenyire waro viû atî Ngai nîwamveete wîra ûyû wa mwanya. Kwoguo nîmaakethirie Baranaba na makîngethia. Ngethi ciao ciarî ta kîonereria gîa atî tuonthe tûrutaga wîra ûmwe. Nîtwetîkanirie atî Baranaba nanie tûrute wîra gatagatîrî ka andû a Ndûrîrî, nao marute wîra gatagatîrî ka Ayahudi.

Agal 3:17

Ûrîa nîrageria kuga nî atî Ngai nîweranîre atî nîakwiga kîrîkanîro kîrîa maarîkanîre na Iburahimu. Watho ûrîa wacokire kûvecanwa vuva wa mîaka magana mana ma mîrongo îthatû, ndûngiuna kîrîkanîro kana ûregana na kîîranîro Kîam Ngai.