Yuda 1:24 - Kivunjo New Testament 1999

²⁴ Icho eiṙima imuringa nyoe mulakape ṙende, na imugoṟotsa mbele ya mng'ano okye kulawoṙe iteiya sienyi ing'anyi;

Yuda 1:24 ပူးပေါင်းရင်းမြစ်များ

Matayo 16:27

Cha kyipfa Mono-Adamu nechicha mng'anonyi o Awu-yokye hamwi na malaika wakye. Naaho-ng'u echitaa orio mndu iṙuana na mmbutie yakye.

Matayo 19:28

Yesu kawawia “Ny'kyaloi, ngammbia kye nyoe mulengyiosha inyi, wuyanenyi wuhya, kyiyeri Mono-Adamu echiṙamia kyiṙinyi kya mng'ano okye, na nyoe mochiṙamia shiṙinyi ikumi na shiwi, mochianduya mbaṟe ikumi na tsiwi tsa wandu wa Isiraelyi.

Matayo 25:31

“Kyiyeri-kyo Mono-Adamu echicha mng'anonyi okye na malaika waele woose hamwi na oe, nyi lyo-ndu echiṙamia kyiṙinyi kya mng'ano okye.

Matayo 5:12

Chihiyonyi, na ikyesa; kyipfa wori wonyu nyi wung'anyi ruwewu. Kyipfa nyi wuṙo walepfulutsa nyashi weonguo shisuku walemusongoya nyoe.”

Luka 9:26

Cha kyipfa orio mndu echingyiwonia sonu inyi na maṙeṙo gako, Mana o Adamu nechiwonia sonu mndu-cho kyiyeri echicha mng'anonyi okye na o Awu na malaika waele.

Waroma 14:4

Iyoe nyi wui uianduya mṟundi o mndu ungyi? Ko mndumii okye amonyi ulya nekyegoṟoka ang'u ioloka. Yee, nechigoṟotso cha kyipfa Mndumii neiṙima imgoṟotsa.

Waroma 8:31

Kyasia lugambe kyi kyipfa kya isho? Ruwa akyeri ura loṙu, nyi wui eiṙima iluwutia kyindo kyiwicho?

2 Wakorinto 11:2

Kyipfa ngyimunyeng'ia, wunyeng'i wo Ruwa; kyipfa ngyilemukosia msoṟo umwi, kundu ngyiendie Kristo mana mkyega mcha.

2 Wakorinto 4:14

Luichi kye ulya aleṟutsa Mndumii Yesu nechiluṟutsa na soe hamwi na Yesu, na iluende na mbele yakye hamwi na nyoe.

2 Wakorinto 4:17

Kyipfa matuuro gaṙu gai maangu, gakyeri ga kyiyeri kyifuhi tikyi, gekyeluwutia mng'ano o mlungana uingyikyie mnu.

Wafilyipi 3:20

Kyasia naṟumisho oe ekyeiṙima iṟunda shindo sha maṟiyisho mnu kuta shoose lokyeterewa na ikusaṟa, iṙuana na pfinya iṟunda maṟunda mrimenyi koṙu.

Wafilyipi 5:27

Naiṙime ikuenenga oe amonyi Siṟi iwoṙe kyiṟumi ilawoṙe ṙeko ang'u kyindo kyoose kyiwicho, indi iwe ngyiele ilawoṙe maṙeko.

Wakolosai 1:22

mmbiunyi o nyama yakye, kui ipfa lyakye, kundu namuende na mbele yakye, nyoe wandu wa Ruwa, mulawoṙe maṙeko maa italyio kyindo kyiwicho.

Wakolosai 1:28

Icho luionguo mbonyi tsakye, lochiikyimbia orio mndu, na ilosha orio mndu wuṟangonyi woose, luiṙime iende orio mndu aafutsie iiṙikyia kyiiṙi kya Kristo.

Wakolosai 3:4

Ilyi Kristo echiloṟo na pata, akyeri moo oṙu, nyi lyo-ndu na nyoe mochiloṟo hamwi na oe mng'anonyi.

2 Timoteo 4:18

Mndumii nengyikyiṟa na orio kyindo kyiwicho, na ingyiringa mṟasa ngyishikye Wumangyinyi wo Ruwewu. Mng'ano ukyeri kokye mlungana na mlungana. Amen.

Yakobo 2:10

Kyipfa mndu oose echiosha mawawaso goose, indi kakapa ṙende kyindonyi kyimwi, naṙeko kyiiṙi kya goose.

1 Petiro 4:13

Kyaindi chandu mulelya wukyiwa wo Kristo, chihiyonyi; kundu na kyiyeri kyiṟumi kyakye kyechiloṟo muchihiyo kui ikapa ngulyilyi na ngoru.

2 Petiro 1:10

Koikyo wana wa wama, pfuṟukanenyi ngoseṟa ikarisha ilago lyanyu na isambuṟo lyanyu; kyipfa mukowuta isho mochikapa ṙende-pfo.

Yuda 1:21

kuringyenyi ikundenyi lya Ruwa, kunu mochiweṙelyia iwonio wukyiwa lya Mndumii oṙu Yesu Kristo, mṟasa muambilyie moo o mlungana.

Ulogo 14:5

Na maṙumbu gawo galeṙeṙa wongo-pfo; kyipfa wawoṙe tewe-pfo.