Yohane 9:31 - Kivunjo New Testament 1999

³¹ Luichi kye Ruwa ekyeaṙanyia wanyamaṟi-pfo; indi mndu kawa naowuye na ikunda Ruwa, na iosha kyilya Ruwa akundi, Ruwa nekyemwaṙanyia.

Yohane 9:31 ပူးပေါင်းရင်းမြစ်များ

Yohane 11:22

Kyaindi maa wulalu ngyiichi kye orio kyindo oterewa Ruwa nechikuenenga.”

Yohane 15:16

Chi nyoe mulengyisambuṟa inyi-pfo, indi nyi inyi ngyilemusambuṟa nyoe; kundu mundekumbia ndunda; na ndunda tsanyu tsiiṙime ikaa ho mfiri yoose; kundu orio kyindo moterewa Awu kui rina lyako namuenengye.

Yohane 4:34

Yesu kawawia, “Kyelya kyako ny'kyo ikyi, ngyiwute shilya ulya alengyiṙuma akundi, ngyiafutsie iṟunda lyakye.

Yohane 7:17

Mndu kakunda iwuta kyilya Ruwa akundi, nechimanya mbonyi tsa malosho-ga, kye gawukyie ko Ruwa, ang'u kye inyi ngyiṙeṙa kui wuchilyi woko inyi ngyimonyi tupu.

Yohane 9:30

Mndu ulya kagaluo, kawawia, “Ikyi nyi kyindo kyeṟiyisha! Kye nyoe muichi kundu awukyie-pfo, na oe nalengyienenga wuiṙimi wo iwona!

Yohane 9:32

Wookyia kyiyeri-kyo kyilandegambo kye mndu naenenga kyipfupfuṟe wuiṙimi wo iwona, ulya alefeo mbaṟe-yo iyo-pfo.

Waebrania 10:7

Nyi lyo-ndu ngyilegamba, ambuya, ngacha (ngyimṟeie kyitapunyi kya mawawaso) ngyiwute shilya ukundi, Ruwa.”